Lögmannablaðið - 2024, Blaðsíða 23

LÖGMANNABLAÐIÐ TBL 02/24 23
LÖGFRÆÐIN
EITTHVAÐ TIL AÐ
HALDA SÉR Í
LITIÐ YFIR FARINN VEG:
Hjörtur Torfason hefur ennþá brennandi áhuga á
lögfræði. Hann mætir á fræðafundi innan lögfræð-
inga samfélagsins og lætur til sín taka. Nú er hann
að mestu hættur að praktísera og vinna að þýðingum
enda að nálgast 89. afmælisdaginn.
Faðir þinn var lögfræðingur og gegndi ýmsum trúnaðarstörfum í gegnum
sína starfstíð, blundaði alltaf í þér að feta í fótspor hans?
Nei, ekkert endilega en ég bar mikla virðingu fyrir störfum hans.
Pabbi var mjög vinnusamur og sagði stundum, trúr bóndanum
í brjósti sér, að sumardagurinn fyrsti væri líklega eini dagurinn
sem hann héldi heilagan. Þegar ég fæddist var hann sýslumaður
á Ísafirði en árið 1943 var hann skipaður tollstjóri og við fluttum
til Reykjavíkur. Svo var hann fljótlega skipaður sáttasemjari í
vinnudeilum og gegndi því starfi í áratugi.
Ég var óbeint undir áhrifum frá föður mínum og störfum hans
en ég hafði líka áhuga á pólitík á þessum árum. Þannig velti
ég fyrir mér að fara frekar í hagfræði en við nánari umhugsun
komst ég að þeirri niðurstöðu að hentugra væri fyrir mig að
fara í lögfræðina því að í lögunum hefði maður eitthvað til að
halda sér í en hagfræðin væri meira á floti. Ég sé ekki eftir því.
Þú stundaðir líka latínunám samhliða laganámi við Háskóla Íslands.
Hvað kom til?
Ég var máladeildarmaður og hafði gaman af latínu, sem
Kristinn Ármannson kenndi í MR. Hann var einnig kennari í
háskólanum svo það var auðvelt að halda áfram en ég tók bara
eitt ár af þremur og lét það duga. Latínukunnáttan varð mér
hjálpleg á ýmsan hátt.
Hvað kom til að þú fórst í framhaldsnám til Kanada?
Ég útskrifaðist úr lögfræði árið 1960 og þóttist finna að tímarnir
væru að breytast. Fram að því voru tiltölulega fáir eigendur
fyrirtækja með náinn stuðning frá lögmönnum og þeim dugði
oftast að tala við bókhaldarann og endurskoðandann. Ég
ákvað að fara í framhaldsnám á sviði félaga- og viðskiptaréttar.
Ég vildi fara til enskumælandi lands og á þessum tíma var
hægt að fá svokallaðan Canada Council styrk í Kanada, auk
styrkja til Bandaríkjanna sem ekki voru á lausu. Ég sótti um