Lögmannablaðið - 2024, Blaðsíða 13

LÖGMANNABLAÐIÐ TBL 02/24 13
Af hverju hætta konurnar?
Arnar Vilhjálmur: Niðurstöður könnunar LMFÍ á síðasta ári gefa
sterklega til kynna að konur endist ekki í lögmennsku. Hvað veldur því?
Berglind: Það er góð spurning. Þetta er líka svona á Norður-
löndunum. Þar útskrifast fleiri konur úr lögfræði en karlar en
þær skila sér ekki inn í lögmennsku frekar en hér.
Helga Melkorka: Maður veltir fyrir sér hvort konur séu bara
minna spenntar fyrir lögmennsku. Við náum ekki að fjölga
konum í LMFÍ í takti við fjölda útskrifaðra lögfræðinga. Ég
hef oft sagt að það sé nauðsynlegt fyrir stéttina að konur komi
inn og vilji vera þar. En konurnar staldra hins vegar stutt við og
þar liggur e.t.v. hluti vandans. Ég veit ekki af hverju því þetta
er áhugavert starf, fjölbreytt og skemmtilegt.
Berglind: Vinnuumhverfi lögmanna er krefjandi bæði fyrir
bæði karla og konur. Það er ákveðin streita og endalausir
tímafrestir sem hentar ekki öllum. Það virðist ekki vera sama
brottfall kvenna hjá öðrum sjálfstætt starfandi greinum eins og
innan lögmannastéttar. Ég hef aðeins velt því fyrir mér hvort
þetta tengist því að áhættusækni karla sé meiri ef svo má segja
og konur þurfi meira öryggi.
Eva Dóra: Það gæti verið. Konur eru meira með áhyggjur og
karlar geta einhvern veginn stimplað sig meira út úr vinnunni.
Berglind: Svo er það óvissan með tekjuöflun, að vita kannski
ekki alveg hvað maður ber úr býtum þennan mánuðinn. Þá sé
betra að vera einhvers staðar annars staðar á föstum launum.
Er lögmennska nógu spennandi?
Arnar Vilhjálmur: 36% kvenna í LMFÍ eru innanhússlögmenn
á móti 20% karla. Það eru ekki endilega minni starfskröfur gerðar til
innanhússlögmanna svo ég velti fyrir mér hvort að ábyrgðin, sem þú berð
sem lögmaður á öllum þínum verkum, geti einnig haft áhrif ?
Berglind: Nei, haldið þið það? Konur eru vanar því að axla
ábyrgð.
Eva Dóra: Já, tvímælalaust.
Sigurður Örn: Mér fannst áhugavert að sjá í könnuninni að
vinnutími innan hússlögmanna er lengri og þá spyr maður sig:
Er lögmennska nógu spennandi vinnuumhverfi? Og ef svarið
er nei, þá af hverju ekki?
Takturinn er auðvitað aðeins annar í innanhússlögmennsku, þó
álagið geti verið svipað. Stóra áskorunin er held ég sú staðreynd
að vinnu umhverfi lögmannstofunnar er svo víða. Það er enginn
einn yfirmaður eða mannauðsstjóri sem getur stýrt verklagi eða
mótað stefnu sem mætir þörfum starfsmannanna. Kúnninn
er með eigin hugmyndir um verklag og skilafresti og við það
KONUR,
LÖGMANNSSTARFIÐ OG
SAMFÉLAGIÐ
HRINGBORÐSUMRÆÐUR
Á síðasta ári gerði LMFÍ könnun meðal lögmanna og vöknuðu þá ýmsar spurningar um stöðu kvenna
innan stéttarinnar. Í kjölfarið var kynjafræðinemi fenginn til að rýna í niðurstöðurnar út frá kynja- og
jafnréttissjónarmiðum og í tilefni þessa, ásamt því að FKL - Félag kvenna í lögmennsku er 20 ára,
fengum við nokkra lögmenn til að setjast niður með Arnari Vilhjálmi Arnarsyni lögmanni hjá AVA
Legal. Þetta eru þau Berglind Svavarsdóttir, lögmaður hjá Lögfræðistofu Reykjavíkur og fv. formaður,
Eva Dóra Kolbrúnardóttir, lögmaður hjá EVA Lögmenn og formaður FKL, Helga Melkorka Óttarsdóttir,
lögmaður hjá LOGOS og Sigurður Örn Hilmarsson, lögmaður hjá Rétti og fv. formaður.