Fréttablaðið - 28.10.2017, Page 18

28. OKTÓBER 2017 LAUGARDAGUR
Elcki sjálfgefið
Hördiir
Ægisson
hordur@frettabladid.is
Hver svo sem
úrslit kosn-
inganna
verða er þaö
á ábyrgð
þeirra sem
taka við aó
glutra ekki
niður þeirri
einstöku
stööu sem
ísiand
stendur
frammi fyrir.
að íylgir því ábyrgð að sækjast eftir völdum. Hluti
af því er að boða ekki bólgin kosningaloforð nema
fyrir liggi skýr og trúverðug áætlun um hvernig eigi
að efna þau. Á þetta hefur noldoið skort í þeirri
ÆL furðulegu kosningabaráttu sem landsmenn hafa
orðið vitni að undanfarnar vikur. Ein alvarlegasta afleiðing
þessa endurspeglast án efa í viðvarandi vantrausti almenn-
ings í garð stjómmálastéttarinnar.
Sumir flokkar boða kúvendingu á þeirri stefnu sem hefúr
átt sinn þátt í þvi að tryggja efnahagsstöðugleika og um leið
fordæmalausa kaupmáttaraukningu ráðstöfunartekna á allra
síðustu árum. Hafa þeir talað skýrt fyrir tugmilljarða árlegri
aukningu ríldsútgjalda sem myndi örva hagkerfið á toppi
hagsveiflunnar og að loltum framkalla harða lendingu innan
fáeinna ára. Ó1 jósara hefúr hins vegar verið hvemig eigi að
fjármagna þau glórulausu kosningaloforð nema þá aðeins
að ekki standi til að hækka skatta á almenning.
Hér fer ekki saman hljóð og mynd. Það mun hrökkva
skammt að ætla að sækja slíka fjármuni með hærri veiði-
gjöldum og sérstakri skattlagningu á ríkasta hóp sam-
félagsins. Við blasir, meini flokkarnir eitthvað með því sem
þeir segja, að þeir verða aðeins sóttir með umtalsverðum
skattahækkunum á millistéttina en skattheimta á íslandi
er nú þegar ein sú mesta meðal þróaðri ríkja. Því miður er
sú skoðun ríkjandi hjá flestum stjómmálaflold<um að eina
svarið við kröfum ýmissa hópa í samfélaginu sé að hækka
skatta og auka ríkisútgjöld. Reynslan sýnir hins vegar að
slíkar leiðir hafa ekki reynst farsælar til að auka verðmæta-
sköpun og þar með bæta lífskjör almennings.
Það hafa orðið umskipti á íslenska hagkerfinu á aðeins
örfáum árum og hefur staða þjóðarbúsins aldrei verið
sterkari en um þessar mundir. Freistnivandi stjórnmála-
manna, eins og kosningabaráttan hefur leitt í Ijós, er iðu-
lega mikill við slíkar efnahagsaðstæður. Þróun efnahags-
mála frá því að haftaáætlun stjórnvalda var opinberuð fýrir
tveimur árum hefur verið með ólíkindum. Lánshæfismat
íslands er komið í A-flokk, erlenda staðan hefur ekki verið
betri frá því að mælingar hófust, vextir hafa lækkað og þá
höfum við orðið vitni að áður óþekktum áhuga erlendra
fjárfestingasjóða og fýrirtækja á því að fjárfesta í íslensku
atvinnulífi. Þegar litið er á helstu efnahagslegu mælikvarða
þá er ísland á pari við mörg stöndugustu ríki Evrópu.
Núverandi hagvaxtarskeið verður líklega hið lengsta í lýð-
veldissögunni.
Framhaldið er þó ekki sjálfgefið. Með skynsamlegri
stefnumótun og hagstjórn hins opinbera er útlit fyrir mjúka
lendingu. Stærsta áskorun þeirrar ríkisstjórnar sem mun
taka við eftir kosningar verður þvi að festa í sessi efna-
hagsstöðugleika síðustu ára og þannig skapa forsendur
fyrr enn frekari lækkun vaxta. Eigi það að takast þarf að
tryggja stöðugleika á vinnumarkaði og reka ríkissjóð með
myndarlegum afgangi. Verði hins vegar lagt upp í þá vegferð
að stórauka ríkisútgjöld á komandi árum er hætt við því að
það tækifæri renni okkur úr greipum og þess í stað taki við
kunnuglegt stef úr íslenskri hagsögu. Verðbólga eykst með til-
heyrandi hækkun verðtryggðra lána, gengi krónunnar fellur
og vextir hækka. Hver svo sem úrslit kosninganna verða er
það á ábyrgö þeirra sem taka við að glutra ekki niður þeirri
einstöku stöðu sem ísland stendur ffammi fyrir.
Gnnnar
Mín skoöun
Gudmundur Steingrímsson
Leiöbeiningar til kjósenda
Nú hef ég töluverða reynslu af svona stjórn-
máladóti. Ég hef verið í næstum því öllum
floldoim. Mér finnst ég því vera einstaklega
vel til þess fallinn að birta yfirgripsmiklar leiðbein-
ingar til kjósenda á kjördag. Auk þess á ég afmæli í
dag. Ég má því setja mig á háan hest og þykjast vita
allt. Hér koma því nokkrir tölusettir liðir, vandlega
ígrundaðir. Klippið út oggeymið.
Eitt til fimm - Á kjörstað
Hegðun og framkoma á kjörstað er eilíft álitamál. Ég
hef á þessu eindregnar skoðanir.
1 Ekki vera í sparifötum, en verið samt töff. Gott
er að hafa sólgleraugu, því sólgleraugu gefa til kynna
að ykkur sé hæfilega sama. Þau leyna líka tilfmninga-
uppnámi gerist þess þörf.
2. Takið börnin með, ef þau eru fyrir hendi. Mútið
þeim með sælgæti. Þetta er mjög mikilvægt. Þetta
sýnir að þið hangið ekki í spjaldtölvu alla daga
heldur eruð þið lýðræðislega meðvituð.
3. Ekki mæta fýrst á kjörstað. Það sýnir furðulega
mikinn áhuga. Verið þá alla vega reiðubúin með
afsökun. „Ég er að fara á rjúpu,“ gæti dugað eða „ég
ákvað að koma beint af djamminu". Hvort tveggja er
mjög töff.
4. Efþið sjáið frambjóðendur á kjörstað þá haldið
lcúlinu. Þið viljið ekki vera fólkið sem missir sig og
hrópar „blessaður meistari!". Þið eruð bara að sinna
ykkar lýðræðislegu skyldu. Allir rólegir.
5. Ekki vera of stutt inni í kjörklefanum en samt
ekki of lengi heldur. Tíu til flmmtán sekúndur er
passlegt. Ekki vera manneskjan sem fær valkvíða í
klefanum, byrjar að gúgla heimasíður flokkanna í
símanum, brýtur blýið í stresskasti, stígur á sól-
gleraugun, rennur undan tjaldinu og þarf að fara á
slysavarðstofuna. Ekki töff.
Sex til níu - Ákvörðunin
Enginn veit auðvitað hvað er best að kjósa, þannig að
hér koma nokkrar leiðbeiningar um það.
ó.Ekki segja „þetta eru allt vitleysingar!" Það er
glatað. Sumir frambjóðendur eru vitleysingar, aðrir
ekki. Það er geðveikislega þroskað, og þar með töff, að
vera búin/n að átta sig á þessu.
Ekki kjósa þann sem lofar að gefa þér pening. Sá
peningur kemur pottþétt á endanum frá ykkur sjálfum.
(Nema auðvitað ef gaurinn er tilbúinn með peninginn
núna strax, á kjörstað eða í nágrenni hans, þá kannski
horfir það öðruvísi við, sérstaklega ef um verulega
summu er að ræða. Frábært ef hann er til í að gefa börn-
unum líka. Vertu með sólgleraugun. Ogbiddu um að fá
þetta í evrum eða dollurum.)
8 Ekki segja að þú skiljir ekkert í þessu. Kjóstu
heldur þann flokk sem þú treystir best til að leiða öll
þessu óskiljanlegu deilumál til lykta í sem mestri sátt og
samlyndi.
9 Ekki lenda í rifrildi í lcvöld við einhvern sem kaus
eitthvað annað en þú. Þú vilt ekki vera týpan sem er
rauð í framan inni í eldhúsi að eyðileggja partí. Talaðu
frekar aldrei við manneskjuna aftur, eða - sem er betra
- stofnaðu gervipersónu á Facebook og settu „leið/ur“
við allar færslur hennar í a.m.k. ár.
Lokaorð
Ef þetta endar allt saman illa og upp úr kjörkössunum
koma ráðamenn sem eru gjörsamlega ónýtir, hugsa
aldrei um hag almennings, gera ekkert annað en að
ljúga og svíkja alla daga og eru endalaust að rífast, þá er
sú niðurstaða auðvitað ekki ykkur að kenna. Sérstak-
lega ef þið mættuð ekki einu sinni á kjörstað.
Það sér hver heilvita maður.
Eða ekki. Lifi lýðræðið og til hamingju með daginn
kæra krúttlega rúsínurassa rifrildisþjóð. Munið að
kjósa. Það kýs enginn betur en þið.
ÚTGÁFUFÉLAG: 365 miðlar ehf. STJÓRNARFORMAÐUR: Einar Þór Sverrisson FORSTJÓRI: IngibjörgStefanía Pálmadóttir ÚTGEFANDIOG AÐALRITSTJÓRI: Kristin Þorsteinsdóttir kristin@frettabladid.is
I M 1: ý t AÐSTOÐARRITSTJÓRAR: Hrund Þórsdóttir hrund@stod2.is, Kjartan Hreinn Njálssson kjaranh@frettabladid.is. Kolbeinn Tumi Daðason kolbeinntumi@365.is, Ólöf Skaftadóttir olof@frettabladid.is. Fréttablaðið kemur út i90.000 eintökum ogerdreift ókeypis á heimili
*S*™™*®*****®®*Ö*S*ll á höfuðborgarsvæðinu ogAkureyri. Einnigerhægtaðfá blaðiðlvöldum verslunum á landsbyggðinni. Fréttablaðið áskilur sér rétttil að birtaalltefni blaðsinslstafrænuformi ogigagnabönkum án endurgjalds. ISSN 1670-3871 FRÉTTABLAÐIÐSkaftahlid24,105
Reykjavík Siml: 512 5000, ritstjorn@frettabladid.is ÞRÓUNARSTJÓRI: Tinni Sveinsson tinni@365.is HELGARBLAÐ: Kristjana Björg Guðbrandsdóttir kristjanabjorg@frettabladid.is MARKAÐURINN: Hörður Ægisson hordur@frettabladid.is
MENNING: Magnús Guðmundsson magnus@frettabladid.is LÍFIÐ: Guðný Hrönn Antonsdótt\rgudnyhronn@frettabladid.is LJÓSMYNDIR: Vilhelm Gunnarsson villi@365.ls FRAMLEIÐSLUSTJÓRI: Sæmundur Freyr Árnason sfa@frettabiadid.is