Bergmál - 01.11.1956, Side 42

Þú varst
alveg
Saga eftir Dorothy Parker.
Þessi smásaga eftir amerísku skáld-
konuna Dorothy Parker er bráðsnjöll
og einstök í sinni röð, enda ein af
þeim sögum, sem alltaf sjást öðru
hverju í sögusöfnum og tímaritum
hvarvetna um allan heim. Hún hefir
víst verið þýdd oftar en einu sinni á
íslenzku, og ef til vill líka á reykvíska
mállýzku.
Ungi maðurinn,, gulgrænn
í andliti, settist gætilega
í ihægindastólinn og hélt höfð-
inu á ská til þess að gusturinn
frá viftunni næði sem bezt til
að svala verkjandi enni hans.
„Oh-h .... Herra minn trúr,
oh ....“
Unga stúlkan bjarteyga, sem
sat við hlið hans, vel isnyrt og
bein í baki, brosti ástúðlega til
hans.
„Ertu ekki í sem beztu stuði
í dag?“ spurði hún.
„Ég? Jú, jú — ég er í topp-
stuði,“ svaraði hann. „Ég hef
það alveg stór-fínt. Veiztu hve-
nær ég fór á fætur? Klukkan
fjögur í eftirmiðdag, á slaginu.
Ég reyndi aftur og aftur að
standa upp, en í hvert skipti sem
ég lyfti höfðinu frá koddanum
valt það undir sængina. Þetta
er nefnilega ekki mitt eigið
höfuð sem ég sit hér með á
herðunum. Ég held það hljóti
að vera höfuðið af' asnanum í
Jónsmessunæturdraumnum. Oh
.... Herra minn trúr.“
„Heldurðu ekki að einn sjúss
myndi rétta þig af ?“ spurði hún.
„Lækna timburmenn á þann
hátt? Nei takk. Nefndu aldrei
vín í minni áheyrn framar. Nú
er ég áreiðanlega genginn í lífs-
tíðarbindindi. Líttu bara á hend-
urnar á mér — titrandi eins og
lauf í vindi, sérðu? Segðu mér
annars, gerði ég ekki skandala
í gærkvöldi?“
„Nei, elskan mín!“ svaraði
hún. „Það voru allir orðnir hátt
uppi — þú varst alveg olræt.“
40