Goðasteinn - 01.09.2003, Síða 156

Annálar 2002
Goðasteinn 2003
í fyrrasumar var hafist handa við lagfæringar á nánasta umhverfi Oddakirkju og
aðkomu að kirkjugarðinum. Lögð var ný stétt frá sáluhliði að safnaðarheimili og kirkju,
og sömuleiðis stétt frá kirkjugarði að prestsbústað. Hitalögn er í nýju stéttinni, og ný
raflýsing meðfram henni. Nýtt sáluhlið var sett á austurhlið garðsins, en eldra hliðið fært
og sett niður á norðurhliðina. Verkið vann Þorkell Einarsson skrúðgarðyrkjumeistari í
Reykjavík. Minningarsteinn um þá sem hvíla fjarri grafreitnum í Odda er innan við
sáluhliðið. Þar geta þeir sem eiga ástvini jarðsetta fjarri Oddakirkjugarði, minnst þeirra
við steininn, lagt þar blóm eða ljós og gert bæn sína, líkt og fólk gerir við leiði ástvina. I
sóknarnefnd Oddakirkju sitja Gísli Stefánsson, Guðrún Anna Tómasdóttir, Páll G.
Björnsson og Ragnar Pálsson, öll á Hellu, og Aðalheiður Högnadóttir, Ægissíðu.
Góðir gestir úr öðrum sóknum heimsóttu allar sóknir prestakallsins á seinni hluta
ársins. Kirkjufólk úr Ássöfnuði í Reykjavík kom í safnaðarferð að Keldum síðasta sunnu-
dag í júlí 2002. Þar annaðist séra Árni Bergur Sigurbjörnsson sóknarprestur guðs-
þjónustugjörð, en Kári Þormar lék á orgelið. Séra Kristinn Jens Sigurþórsson sóknar-
prestur í Saurbæ á Hvalfjarðarströnd kom fylktu liði með kór og organista, Zsuzsönnu
Budai, að Odda 21. sunnudag eftir trínitatis, hinn 20. október 2002. Eftir messu var
kirkjukaffi á Hellu, þar sem gestirnir sungu nokkur lög. Prestarnir fluttu ávöip, og minnt-
ist Oddaprestur sameiginlegs forvera beggja, séra Helga G. Thordersen (1794-1867), sem
sat Saurbæ á árunum 1820-1825 og Oddastað frá 1825 til 1836. Helgi G. Thordersen
gegndi embætti biskups íslands 1845-1866. Loks efndi Digranessöfnuður í Kópavogi til
safnaðarferðar í Þykkvabæ á allra heilagra messu, 3. nóvember 2002. Kór Digraneskirkju
flutti Þýzka messu eftir Franz Schubert undir stjórn Kjartans Sigurjónssonar organista.
Séra Magnús Björn Björnsson prédikaði og séra Gunnar Sigurjónsson þjónaði fyrir altari.
Sóknarnefnd Þykkvabæjarsóknar bauð kirkjugestum til veglegra kaffiveitinga í íþrótta-
húsinu á eftir.
Þykkvabæjarkirkju hlotnaðist vegleg gjöf vorið 2002 þegar afkomendur Markúsar
Sveinssonar og Katrínar Guðmundsdóttur frá Dísukoti færðu kirkjunni að gjöf 10 glæsi-
lega stóla til minningar um þau hjón. Fjórir stólanna eru ætlaðir brúðhjónum og svara-
mönnum þeirra, en hinir eru einkum hugsaðir til nota fyrir fermingarbörn. Stólarnir voru
formlega afhentir við fermingarguðsþjónustu á sumardaginn fyrsta. Um haustið voru 30
ár liðin frá vígslu kirkjunnar, og var þcss minnst með hátíðarmessu á kirkjudegi hennar,
19. sunnudag eftir trínitatis, hinn 6. október 2002. Biskup Islands, herra Karl Sigur-
björnsson prédikaði, og séra Sigurður Jónsson sóknarprestur þjónaði fyrir altari. Biskup
ávarpaði sérstaklega þann fríða og fjölnrenna hóp barna sem þátt tók í guðsþjónustunni
og færði hverju og einu þeirra að gjöf mynd af Ufsakrossinum, fornum helgigrip úr
Svarfaðardal. í kaffisamsæti, sem Kvenfélagið Sigurvon bauð söfnuðinum til í nýja
íþróttahúsinu að athöfn lokinni, rakti sóknarprestur sögu kristnihalds í Þykkvabæ og
greip á byggingasögu kirkjunnar. í sóknarnefnd Þykkvabæjarsóknar sitja Unnur Stein-
dórsdóttir, Vatnskoti, Markús Ársælsson, Hákoti og Halldóra Gunnarsdóttir, Rósalundi.
Á Keldum var girt vönduð girðing með suðurhlið kirkjugarðsins, og er þá hringnum
senn lokað. Aðeins er eftir að endurnýja vesturvegg garðsins. Orgel Keldnakirkju, sem er
fótstigið harmóníumhljóðfæri, amerískrar gerðar, fór til viðgerðar hjá Björgvini Tómas-
syni orgelsmið á Blikastöðum. Hljóðfærið hefur ekki verið viðhaldsfrekt í tímans rás, og
hljómar eftir viðgerðina án efa ekki síður en þegar það kom nýtt í kirkjuna árið 1893.
Organisti Keldnakirkju er sem fyrr Guðjón Halldór Oskarsson í Miðtúni. I sóknarnefnd
-154-