Goðasteinn - 01.09.2011, Side 7

5
Á síðasta ári endaði ég pistil minn með því að tala um
eldgosin og vonaði að þeim færi nú að ljúka. en það var
öðru nær og enn dundu eldgos á okkur. Aska féll og fólk
glímdi við margskonar afleiðingar – tún og lendur skemmd-
ust, vegir lokuðust og fólk veiktist. Það er því ástæða til að
þakka fyrir hjálp sem barst úr öllum áttum. ekki er á neinn
hallað þegar Rauða krossinum, kvenfélögum og björgunar-
sveitum er þakkað sérstaklega fyrir ómælda aðstoð.
Stundum er það svo að við sjáum síðast það sem næst okkur er. Þannig er
það einhvern veginn með Grétar í Áshól – hann hefur alltaf verið nágranni og
dætur hans gengu í skóla með mér að laugalandi. Oft hefur Grétar haldið uppi
fjöri á skemmtunum með því að spila á hljóðfæri sitt - það er hluti af tilverunni
og því löngu tímabært fá hann til að vera listamaður ársins í héraðsritinu. Við
þökkum Grétari fyrir að bregðast vel við beiðni okkar þar um.
Ný ritnefnd sem tók til starfa í ár ákvað að breyta forsíðu Goðasteins. Guð-
rún le Sage de fontenay frá Útgörðum hannaði forsíðu fyrir nokkrum árum.
Hefur síðunni verið breytt eftir efni ritsins hverju sinni, til dæmis með því að
setja inn hópmynd af fermingarbörnum hvers árs. Að þessu sinni má finna
slíka mynd inni í ritinu. Væntanlega verður auðveldara að þekkja fólkið á þeirri
mynd, en frá og með næsta ári verður byrjað að gera fermingarbörnum hér-
aðsins betri skil. Guðrúnu er þakkað fyrir samstarfið. Þórhildur Jónsdóttir frá
lambey hannaði forsíðuna að þessu sinni. Málverkið málaði hún sjálf af eyja-
fjallajökli og til heiðurs listamanni ársins munaði hana ekki um að bæta harm-
ónikuleikara inn á.
Ég vona að tryggir lesendur ritsins geti fundið efni við sitt hæfi og bið fólk
að veita auglýsingum sem birtast í Goðasteini góða athygli. Auglýsingar eru
nauðsynlegar til að tryggja fjárhagslegan grundvöll ritsins auk þess að vera
vitnisburður um starfsemi fyrirtækja sem öll tengjast Rangæingum á einhvern
hátt.
Fylgt úr hlaði
Sterk samstaða á gosárum
Jón Þórðarson, formaður ritnefndar Goðasteins