Goðasteinn - 01.09.2011, Síða 119

117
Goðasteinn 2011
fyrir sig þar til rafmagnið kom frá Sogsvirkjuninni, en það var tengt í desember
1947.30 Á þeim tíma var skráður 71 íbúi á Hellu. en sjaldan er ein báran stök,
þegar rafmagnið var komið reyndist erfitt að útvega rafmagnstæki vegna inn-
flutningshafta. Fyrir okkur sem ekki munum þessa tíma er útilokað að ímynda
sér hvernig það hefur verið að hafa spurnir af öllum þeim þægindum sem raf-
magnstækin buðu upp á eins og eldavélar, ísskápar o.s.frv. og hafa jafnvel pen-
inga til að kaupa þau en geta það ekki vegna innflutningshafta.
Saumastofa kom fyrst fyrirtækja 1941 og veitingahús félagsins 1942. Árið
1943 kemur svo þýskur klæðskeri, Helmut Stolzenwald, að endurnýjun sauma-
stofu hjá kaupfélaginu, en þar voru aðallega saumuð karlmannaföt. Hún var
lengi eina saumastofan í allri Rangárvallasýslu. Svo kemur bíla- og búvéla-
verkstæði 1945. frystihús 1948 þar sem bændur áttu sérstök geymsluhólf auk
þess að geyma kjöt fyrir Sláturfélag Suðurlands. Brauðgerðarhús var stofnað
1949.31
Árið 1952 var samkomuhúsið Hellubíó fullgert og var þá stærsta samkomu-
hús í sýslunni. Rúmaði hátt á þriðja hundrað manns í sæti. Varð staðurinn vin-
sæll fyrir allskonar samkomuhald, s.s. leiksýningar af ýmsu tagi, fundahöld,
dansskemmtanir o.s.frv. einnig voru fengnar þýskar kvikmyndavélar 1956, og
hófust þar með bíósýningar á Hellu.32 Var fólk duglegt að koma saman þar og
efldi það mjög félagsandann.
fleiri fyrirtæki voru stofnuð og rekin með misgóðum árangri eins og vænta
mátti. Kaupfélagið jók umsvif sín og þorpið óx. Íbúar voru í raun fleiri en skráð-
ir, sérstaklega í fyrstu, þar sem ungt fólk kom aðallega úr nærliggjandi sveitum,
og vann hjá kaupfélaginu en átti lögheimili annars staðar og kemur því ekki
fram í manntali á Hellu.
Þegar hér er komið sögu er þyrpingin við brúna orðin að þorpi, þorpi sem
kallar á ýmsa þá þjónustu og drift sem fylgir eðli þéttbýlis. Héraðsdýralæknir
kemur árið 1950 og héraðslæknir í byrjun árs 1956, eftir að læknishéraðinu í
Rangárþingi hafði verið skipt í tvennt. Barnakennsla hefst á Hellu árið 1958,
fyrstu árin var kennt í heimahúsum meðan skólinn var í byggingu.33 fram að
því voru börn frá Hellu send í heimavistarskólann að Strönd. Og í samræmi við
þá fornu hefð að gjalda skuli keisaranum það sem keisarans er, hóf Skattstofa
Suðurlandsumdæmis starfsemi sína á Hellu árið 1962. Mammon var þá ekki
langt undan og opnaði Búnaðarbankinn útibú sitt árið 1964. Póstur og sími tók
30 Morgunblaðið 7. des. 1947, bls. 1 og Mbl. 27. jan. 1948, bls. 7.
31 Kaupfélagssafn í Sögusetrinu á Hvolsvelli. fundargerðabækur Kaupfélagsins Þórs.
32 Suðurland, 1. sept. 1956, bls. 7.
33 Sveitarfél. Rangárþing ytra. fundargerðabækur Rangárvallahrepps.