Goðasteinn - 01.09.2011, Side 132

130
Goðasteinn 2011
Húsafriðun og rannsóknir tengdar henni. • Skógasafn og Þórður
tómasson hafa lengi unnið að friðun og varðveislu gamalla húsa.
leita þarf samstarfs við Húsafriðunarnefnd um að fræðasetrið taki að
sér ákveðna rannsóknarþætti í sögu húsagerðar og varðveislu eldra
húsnæðis á Íslandi.
Önnur verkefni á sviði rannsókna og fræða
Á vegum Háskólafélags Suðurlands er einnig unnið að öðrum átaksverk-
efnum sem ná til sama svæðis og fræðasetrið. Þar er annars vegar um að ræða
verkefni sem snýr að eldvirkni umhverfis Vík og Kirkjubæjarklaustur, samstarf
í jarðfræðitengdri ferðaþjónustu um land allt og stofnun eldfjallagarðs á Suður-
landi. Hins vegar rannsóknir á lífrænum orkugjöfum og nýtingu korns til orku-
framleiðslu. Bæði þessi svið gætu tengst fræðasetri í Skógum þótt starfsemi á
þeirra vegum verði víðar svo sem á Kirkjubæjarklaustri og í Vík.
fræðslustarfsemi
Skógar eru skólasetur frá fornu fari og þar er því til staðar margvísleg að-
staða sem nýtist í fræðslu- og skólastarfi. Með stofnun fræðaseturs er því eðli-
legt að vinna að uppbyggingu á fræðslustarfsemi í Skógum að nýju og passar
það ágætlega við markmið Háskólafélags Suðurlands og fleiri aðila. Fullyrða
má að þörf sé fyrir stað eins og Skóga í uppbyggingu á kennslu og menntun í
framtíðinni, ekki síst á háskólastigi.
3.3 sóknarfæri og atvinnusköpun
dæmin sanna að stofnun fræðasetra geta haft gríðarlega jákvæð áhrif á við-
komandi samfélög. Vöxtur þeirra margra er ótrúlega hraður, fjölmörg störf hafa
skapast á fáum árum og margfeldisáhrif út í nærumhverfi er augljóst. Ekki má
gleyma beinum og óbeinum stuðningi margra fræða- og sögusetra við atvinnu-
lífið, ekki síst ferðaþjónustu. Hér verður vikið að fáeinum augljósum sóknarfær-
um sem gætu skapast samhliða stofnun og starfsemi fræðaseturs í Skógum.
ráðstefnur, söguferðir og vinnufundir
fræðasetrið í Skógum og starfsemi þess gæti stuðlað að og nýst vel fyrir ráð-
stefnur og fundi af ýmsu tagi auk skipulagningar á söguferðum og annarri slíkri
þjónustu. Húsakostur staðarins og önnur aðstaða og þjónusta er afar heppileg
fyrir slíka starfsemi. ferðaþjónusta undir eyjafjöllum nyti einnig mjög góðs af
aukinni starfsemi af þessum toga, ekki síst utan háannatímans.