Bændablaðið - 10.10.2024, Síða 39

39Á faglegum nótumBændablaðið | Fimmtudagur 10. október 2024
Stórkaup ehf. | Skútuvogur 9 | 104 Reykjavík
Sími 515 1500 | storkaup@storkaup.is
Motorscrubber er kraftmikill og fjölhæfur
hreinsibúnaður sem tryggir skilvirk og hröð
þrif. Skrúbburinn hefur langt og létt skaft sem
auðveldar þrif á svæðum sem erfitt er að
komast að.
Öflug rafhlaða skilar allt að 3 klukku stundum
af þráð lausum vinnslutíma.
Motorscrubber kemur með fjölbreyttu úrvali
bursta sem henta fyrir mismunandi gólfefni og
yfirborð, sem gerir hann fullkominn fyrir ýmis
verkefni. Hann er frábær fyrir þrif á gólfum,
veggjum, stigum og jafnvel heitum pottum.
Kynntu þér Motorscrubber á Storkaup.is
Rafknúnir
skrúbbar
er það fyrirtæki að koma úr minni
heildarveltu en Lactalis svo árangur
franska risans er einstakur.
Bandaríski risinn með
sætaskipti við Nestlé
Í yfirliti Rabobank sést einnig að
bandaríska afurðafélagið Dairy
Farmers of America (DFA), sem
er samvinnufélag þarlendra bænda,
hafði sætaskipti við svissneska
fyrirtækið Nestlé. Skýringin var
ekki mikill framgangur Nestlé, sem
var þó 3,4% á milli ára, heldur mun
frekar mikið tekjufall DFA en það
var alls 11,4%. Skýring á þessu
tekjufalli felst aðallega í því að
DFA er með frekar umfangsmikla
heildsölu á ómeðhöndlaðri mjólk, svo
að verðbreytingar á henni koma hratt
fram í heildarveltu félagsins.
Fonterra ýtir Arla og
FrieslandCampina neðar
Eins og áður segir hefur Fonterra náð
nokkuð sínum fyrri styrk og náði á
rekstrarárinu að stinga sér fram fyrir
sína helstu keppinauta á alþjóðlegum
markaði, Arla og FrieslandCampina.
Munurinn á þessum þremur félögum,
sem öll eru samvinnufélög kúabænda,
er þó lítill en öll eru þau á svipuðum
markaði með mjólkurduft og osta, þó
svo að áherslumunur sé vissulega til
staðar á milli þeirra.
Fyrirtæki frá Mexíkó
nýtt á listanum
Síðasta rekstrarár var einnig áhugavert
fyrir þær sakir að nýtt fyrirtæki,
mexíkóska Grupo Lala, náði
inn á listann yfir 20 stærstu
afurðafyrirtæki heims. Þetta
fyrirtæki, sem ýtti hinu írska
Glanbia út af listanum, bæði jók
umsvif sín á þarlendum markaði
um 6% en það sem einnig hjálpaði
verulega var 11,8% styrking
mexíkóska pesóans gagnvart
Bandaríkjadal.
Fáar sameiningar eða uppkaup
Í skýrslunni kemur einnig fram að
meðal þessara 20 fyrirtækja á lista
Rabobank var lítið um sameiningar
eða uppkaup á síðasta rekstrarári og
er það nokkuð svipuð staða og var á
næstsíðasta rekstrarári. Hins vegar
benda sérfræðingar Rabobank á það
að margt bendi nú til þess að mörg
fyrirtæki séu í startholunum til að
kaupa upp eða sameinast. Auk þess
hafi mörg fyrirtæki þegar tilkynnt
að þau ætli að selja frá sér hluta af
núverandi framleiðslu til að sérhæfa
enn frekar aðra framleiðslu. Það á
við um sölu á ísstarfsemi Unilever,
fyrirhuguð sala Fonterra á hluta af
starfsemi sinni á neytendamarkaði
sem og fyrirhuguð sala General
Mills á Yoplait jógúrtfyrirtækinu.
Þessar mögulegu breytingar
á eignarhaldi fyrirtækja á lista
Rabobank undirstrika þá breytingu
sem á sér stað nú um stundir þar
sem fleiri og fleiri fyrirtæki
eru nú að einbeita sér frekar að
kjarnastarfsemi sinni og losa sig
við ónauðsynlegar rekstrareiningar
til að hámarka framtíðarvöxt og
arðsemi.
Heimild: RaboReseach 2024,
Global Dairy Top 20