Skógræktarritið - 15.05.2003, Side 20

Húsið í Katlagili
Mjög mikilvægt var að hafa hús
á staðnum til þess að hægt væri
að komast f skjól og á snyrtingu
með nemendur í heimsóknum
þar og kennarar gætu notið dval-
ar í landinu í frítímum sínum..
Sumarið 1955 var ráðist í að
byggja hús. Þetta hús er 90 ferm.
að stærð, byggt á steyptum
grunni og útveggir hlaðnir, sfðar
var húsið klætt og einangrað að
utan.
Árið 1964 eru plönturnar komnar vel
upp sem gróðursettar voru á fyrstu
árunum. Ljósm: Kristinn Gíslason.
Á þessu sumri var einnig lagð-
ur vegur heim að húsinu. Sumar-
ið 1955 var eitt mesta rigningar-
sumar aldarinnar en áætluðu
verki var samt lokið eins og til
stóð. Á næstu tveimur árum var
gengið frá innréttingum, lagt raf-
magn og vatn sótt upp í hlíðina.
30 strákar úr vinnuskóla Reykja-
víkur voru 22 daga að grafa fyrir
vatnsleiðslunni undirstjórn eins
kennarans.
Þann 20. september fór svo
fram vígsla hússins.
Húsið í byggingu. Ljósm: Sveinn Kristjánsson.
Eignarréttur og framlag
kennara
Margir kennarar hafa lagt mikla
vinnu í að halda þessari eign við
en eignarrétturinn hefur alla tíð
verið þannig að starfandi kennari
við skólann er eignaraðili að
eigninni á meðan hann starfar
við skólann en þegar hann hverf-
ur frá skólanum fellur þessi réttur
niður en hann getur gerst aukafé-
lagi í félaginu hafi hann starfað í
skólanum í 5 ár
eða lengur og
öðlast þannig
rétt til dvalar.
Á sumrin er
húsið leigt út til
kennara eins og
hvert annað
sumarhús og
einnig nýta
margir kennarar
dvöl um helgar á
starfstíma skóla.
Með nokkrum
rétti má segja að
það sé kvöð á
kennurum að
þurfa að leggja
fram vinnu við
viðhald þessarar
eignar en á móti kemur mikil fé-
lagsleg styrking fyrir kennarahóp-
inn að starfa saman og hafa þann
möguleika að geta farið með
nemendur sína í náttúruskoðun, í
útivist og kennslu á þennan stað.
Hafin var útgáfa á skólablaði
árið 1946 og hefur sú útgáfa stað-
ið alla tíð síðan. Allir kennarar
gefa vinnu sína við gerð blaðsins.
Blaðið er síðan selt og ágóðinn
rennur f Selssjóð.
Frá berjaferð 1967. Góð berjasvæði eru í landinu. Stundum
var farið með alla yngri nemendur til berja í góðu berjaári.
Ljósm: )ón Freyr.
18
SKÓGRÆKTARRITIÐ 2003