Skógræktarritið - 15.05.2003, Page 22

Það varð veruleg breyting á ár-
angri fyrstu árin sem bakkaplönt-
urnar voru notaðar, afföll voru
miklu meiri til að byrja með.
Landið sem notað var til gróður-
setningar á þessum fyrstu árum
bakkaplantna hafði verið nýtt til
kartöfluræktar 20 árum áður og
orðið mjög grasivaxið. Fyrstu
Yrkjuplönturnar voru gróðursett-
ar í þetta land að hausti, en það
hafði aldrei verið gróðursett að
hausti fyrr. Landið var undirbúið
með því að nota „roundup" á
svæðið og leit það mjög vel út
þegar gróðursetning fór fram í
september. Nú voru teknir í notk-
un gróðursetningarstafir sem ekki
höfðu verið notaðir áður í landi
Katlagils. Næsta sumar tók gras-
ið við sér aftur og færði plönturn-
ar í kaf. Það var þvf ljóst að svona
land þurfti að undirbúa á annan
hátt, því að þessar litlu plöntur
voru lengi að ná upp úr grasinu
og of margar köfnuðu alveg. Mun
betri árangur var í neðri brekkum
fjallsins þar sem ekki var hætta á
grasvexti þó að gróðursett væri
með staf.
Eftir þessa reynslu var gerð til-
raun með að forgróðursetja í 1,5
lítra plastpoka og geyma þá í reit
í Katlagili í eitt ár. Þessar plöntur
voru síðan gróðursettar með
skóflu og húsdýraáburði. Árangur
af þessari gróðursetningu var
mjög góður svo að á næstu árum
voru forgróðursettar árlega 500-
1000 plöntur á þennan hátt.
Nemendur skólans sáu um að
setja plönturnar í poka og var
það unnið á skólavellinum undir
stjórn kennara og plönturnar síð-
an fluttar í Katlagil.
Fer nú öll gróðursetning fram
með skóflu og lífrænum áburði
eins og upphaflega hafði verið
gert og gróðursetningarstafurinn
lagður til hliðar. Árangur er
greinilega miklu betri.
í nokkur síðustu ár hefur verið
gróðursett bæði að vori og á
haustin. Allir bekkir fara með
kennara sínum einn dag að vori í
Katlagil þar sem fram fer skipu-
lögð náttúrufræðsla og er einn
þáttur í henni gróðursetning og
einnig fá elstu nemendur að
grisja skóginn, en það þykir þeim
mjög spennandi verkefni.
Á haustin fara nemendur einn
20
SKÓGRÆKTARRITIÐ 2003