Skógræktarritið - 15.05.2003, Síða 100

MINNING
Erlingur Sigurðsson
F. 14. des.1916. • D. 8. mars 2000.
Erlingur Sigurðsson fæddist í Sólheimakoti í
Mýrdal. Foreldrar hans voru þau Sigurður E. Högna-
son, f. 16.9.1888 á Eystri Sólheimum, d. 15.9.1960 f
Reykjavík, og Þorgerður Erlingsdóttir, kona hans, f.
3.10.1889 á Kaldrananesi, d. 16.04.1974 í Reykjavík.
Auk Erlings áttu þau Högna, f. 1915, Ragnhildi, f.
1918, og Guðrúnu, f. 1924.
Erlingur ólst upp við hefðbundin sveitastörf, varð
fljótt liðtækur við hvað sem var er búskap varðaði.
Hann fékk hefðbundna barnafræðslu í barnaskólan-
um á Eystri-Sólheimum, hjá Eiríki Sverrissyni, en
hann kenndi þar 1918-1931.
Snemma fékk Erlingur áhuga á menningar- fram-
fara- og félagsmálum. Hann hóf ungur að starfa í
gamla „Kára Sölmundarsyni" og var fyrsti formaður fé-
lagsins þegar það var endurvakið skömmu fyrir miðja
öldina. Ungmennafélagið byggði m.a. samkomuhús á
aurunum austan við bæinn í Eystri-Pétursey og var
það fyrsta alvöru samkomuhúsið f Dyrhólahreppi.
Erlingur fékk ungur áhuga á skógrækt og var alla tíð
mikill áhugamaður um það mál.
Við stofnun Skógræktarfélags Mýrdælinga 21. maí
1944 var Erlingur kosinn f fyrstu stjórn félagsins eftir
tilnefningu sýslumanns, Gísla Sveinssonar, sem lýsir
trausti hans á Erlingi til þessara mála. Sat hann svö
óslitið í stjórn félagsins allt til ársins 1988, þar af for-
maður frá 1958. Lengst af voru með honum í stjórn
þeir Einar H. Einarsson á Skammadalshóli og Páll
Tómasson í Vík. Þó svo að það væri Gfsli Sveinsson
sýslumaður, sem ýtti úr vör þessum þarfa og ágæta fé-
lagsskap þá átti Erlingur ríkan þátt f að koma félaginu
á fót.
Stofnfélagar í Skógræktarfélaginu voru 169, þar af
27 ævifélagar. Félagið hóf störf með því að stækka
gróðrarstöð Umf. Kjartans Ólafssonar í Deildarárgili
og á næstu árum voru girtir reitir til skógræktar
allvíða um Mýrdal en lítill árangur varð af þvf starfi.
Árið 1952 var ákveðið að koma upp tilrauna- og
uppeldisstöð f trjárækt undir umsjón Einars H. Ein-
arssonar, en sú starfsemi lagðist fljótlega niður. Upp
úr þvf var aðaláherslan lögð á þrjár skógræktargirð-
ingar, þ.e. í Heiðardal, í Víkurbrekkum og svonefndum
Gjögrum í landi Sólheimajarða.
Skógræktarlandið í Gjögrum sýndi fljótlega að
þarna var um afburða land og staðhætti til skógrækt-
ar að ræða enda árangurinn eftir því.
Hæstu tré í Gjögrum munu nú vera hátt í 15 m.
Það var Erlingur sem gekkst fyrir því á sínum tfma
að fá þarna land til skógræktar, í upphafi 7,5 ha. Af
þvílíkum dugnaði og krafti var unnið að plöntun í
Gjögrum að landið var fljótlega útplantað og var því
skógræktargirðingin færð út.
Fullplantað er nú í alla girðinguna, þ.e.a.s. það land
sem talist getur hæft til skógræktar. Erlingur fylgdist
vel með málum skógræktarinnar til hinstu stundar.
Hann sótti m.a. í áratugi aðalfundi Skógræktarfélags
íslands.
Erlingur var gerður að heiðursfélaga í Skógræktarfé-
lagi Mýrdælinga á 50 ára afmæli þess árið 1994.
í stjórn Búnaðarfélags Dyrhólahrepps starfaði Er-
lingur f mörg ár, einnig í stjórn Nautgriparæktarfélags
Dyrhólahrepps.
í upphafi tæknialdar í jarðrækt, um miðjan fimmta
áratuginn, keypti Erlingur sé jarðræktartraktor,
International W4, sem hann fór með um sveitina til
ræktunarstarfa. Má segja að hann hafi með þessari
vél valdið byltingu í túnrækt hér á svæðinu. Þá vann
hann mikið land til ræktunar undir Eyjafjöllum eftir
Heklugosið 1947.
Erlingur kvæntist 11. janúar 1964 Kristínu Björns-
dóttur, frá Stóru-Gröf f Stafholtstungum, f. 9. apríl
1934. Þau eignuðust fjögur börn, en Kristín átti eina
dótturáður, Sigrúnu Ásgeirsdóttur, f. 12. janúar 1961,
maki Einar Einarsson, f. 20. júnf 1960, þau eiga tvær
dætur. Hin eru: Þorgerður, f. 22. nóvember 1964,
maki Þorvaldur Eydal, f. 19. janúar 1963, þau eiga
tværdætur; Sigurður, f. 15. mars 1966, maki Sigrún
Finnsdóttir, f. 2. júní 1965, þau eiga tvö börn, dreng
og stúlku; Björn Gísli, f. 24. september 1968, á einn
son og Andrína, f. 22. maí 1971, maki Benedikt Braga-
son, f. 3. september 1963, eiga eina dóttur.
Erlingur varð fyrir heilsuáfalli árið 1967, sem skerti
98
SKÓGRÆKTARRITIÐ 2003