Skógræktarritið - 15.05.2005, Qupperneq 5

Um mynd á kápu
Málverk jJóUcuMd' H'úem hefur mikla sérstöðu
meðal þeirra verka sem prýtt hafa forsiðu
Skógræktarritsins undanfarin ár. Hér er fólk á
ferð og fram undan er skógur. Kannski er þetta
fólk að yfirgefa auðnir, sanda og moldarflög sem
virðast fyrirferðarmikil í forgrunni. Þegar haft er í
huga að myndin er máluð 1982 mætti ímynda sér
að öflug umræða á 50 ára afmæli
Skógræktarfélags íslands og kynningarstarf um
skóg- og trjárækt árið 1980 á „Ári trésins" hafi í
og með verið kveikjan að verkinu. Hvort sem sú
tilgáta á við rök að styðjast eða ekki þá er
eitthvað í myndinni sem kveikir áhuga list-
unnandans Sverris Sigurðssonar sem kaupir
verkið af Jóhanni. Sverrir Sigurðsson, sem nýlega
er fallinn frá, var einhver athyglisverðasti
myndlistarsafnari landsins. Árið 1980 gáfu þau
hjónin Sverrir og Ingibjörg Guðmundsdóttir
Háskóla íslands safn listaverka, sem í raun varð
stofninn að Listasafni Háskólans, en síðar fylgdu
fleiri verk úr eigu þeirra hjóna. Þess ber einnig að
geta að Sverrir var mikill áhugamaður um
skógrækt og sagði þegar þessar tvær ástríður
hans bar á góma: „Hvort tveggja er göfug
fyrirhöfn, að hluta til heilsurækt og í vissum
skilningi mannrækt." Ritstjóri

Uelkomin
í akrúðgaröa
og ÚHvisl-arsyœði
Reykjavíkurborgar
GARÐYRKJUSTJORI REYKJAVIKUR
SKÓGRÆKTARRITIÐ 2005
3