Skógræktarritið - 15.10.2019, Síða 51

SKÓGRÆKTARRITIÐ 2019 49
verðmætasköpun, stuðla að mótun
menningar í kringum nýtingu innlendra
viðarafurða auk þess að stuðla að
raunverulegri kolefnisbindingu. Afurða-
sköpunin tók mið af þörfum skógræktar-
iðnaðar á landsvísu sem og úrvinnslu-
iðnaðar svo tryggja mætti að þróunin leiddi
af sér raunhæfar niðurstöður sem gætu haft
áhrif nær samstundis og leitt af sér aðra
jákvæða þróun í kjölfarið.
Að loknu tveggja ára rannsóknar- og
þróunarferli lá fyrir talsvert magn upplýsinga
HönnunarMars 2018, en verkefnið átti eftir
að vinda upp á sig. Á komandi mánuðum var
komið á gjöfulu samstarfi við Skógræktina,
Skógræktarfélag Íslands, Skógræktarfélag
Reykjavíkur og Landssamtök skógareigenda
og hófst undirbúningur fyrir áframhaldandi
rannsókn og þróun. Þrátt fyrir að mikið
magn rannsókna og upplýsinga lægju fyrir
fór Björn Steinar ásamt starfsnema í hringferð
í kringum landið til að afla upplýsinga með
áherslu á að heimsækja sem flesta aðila, félög
og stofnanir með sérþekkingu á skógræktar-
málum og ekki síður að heimsækja sem flesta
úr röðum úrvinnsluiðnaðar.
Að lokinni vettvangs- og rannsóknar-
vinnu hófst úrvinnsla verkefnisins með
það fyrir sjónum að miðla þeirri þekkingu
sem hafði verið aflað og sömuleiðis miðla
lausnum sem gætu stuðlað að jákvæðum
breytingum fyrir skógræktarsamfélagið og
um leið haft víðtækari jákvæð umhverfis-
áhrif.
Niðurstöður rannsóknarinnar leiddu í
ljós að það sem helst heftir uppgang fagsins
er sú keðjuverkun að ekki er framboð af
efni úr skógum landsins þar sem ekki hefur
skapast eftirspurn og eftirspurn hefur ekki
skapast þar sem ekki er nægilegt framboð
af viðarafurðum. Til að leita lausna á
þessu þverstæðukennda vandamáli var
lögð áhersla á að sú hönnun og þróun sem
ætti sér stað skyldi móta ríkari menningu í
kringum nýtingu viðarafurða svo hægt væri
að þróa lausnir til lengri tíma. Gott upplýs-
ingaflæði er undirstöðuatriði til að hægt
sé að móta menningu í kringum nýtingu
auðlindarinnar og því hófst undirbúningur
við skrif bókar sem útlistar alla þá kosti
sem skógrækt hefur í för með sér auk þess
að fræða um sögu skógræktar á Íslandi og
gefa yfirlit yfir helstu tegundir í nytjaskóg-
rækt svo eitthvað sé nefnt.
Samhliða skrifum bókarinnar hófst
afurðasköpun úr íslenskum skógar-
nytjum þar sem aukin úrvinnsla var álitin
góður kostur til að styrkja undirstöður
skógræktar á Íslandi með tilheyrandi
Greinakurlari
Bensínhjólbörur
Vír og lykkjur ehf
www.viroglykkjur.is - Sími 772-3200
B&S 7.5 hp mótor
með drifi á öllum.
með 15hp bensínmótor
fyrir allt að 100mm greinar
Einnig fyrirliggjandi járn girðingastaurar og
6 strengja net á góðu verði.