Skógræktarritið - 15.10.2019, Síða 54

SKÓGRÆKTARRITIÐ 201952
Inngangur
Skógræktarmenn á Íslandi hafa ekki sótt
mikið til Spánar né Pýreneafjalla en til eru
undantekningar þar á sem vert er að nefna.
Jóhann Pálsson grasafræðingur ferðaðist
nokkuð um spænsk–franska hluta Pýrenea-
fjalla árið 2000. Safnaði hann m.a. annars
bergfurufræi við vatnið Lac des Bouillouses
sem er í 2.017 m hæð yfir sjávarmáli.
Vakti Jóhann athygli undirritaðs á efnivið
og sýndi fyrir um þrem árum bergfuru
(Pinus uncinata Mill. ex Mirb.) sem spjarar
sig ágætlega í norðanverðum brekkum
Rauðavatns en auk þess gróðursetti hann
annað efni í Kálfamóa í Grafarvogi.
Þessi bergfurutré kveiktu áhuga á því að
skoða trjágróður í Pýreneafjöllum og kynna
áhugafólki á Íslandi gróðurfar og skóga
á svæðinu. Það var því rökrétt að hafa
samband við heimamanninn Borja Alcober,
sem starfað hefur sem skógræktarráðgjafi
á Austurlandi um nokkurra ára skeið, og
kanna hvort hann hefði sambönd þar ytra
sem nýst gætu við undirbúning og aðkomu
að slíkri ferð. Við áttum svo fund og
skiptumst á tölvupóstum og kom þá í ljós
að bekkjarfélagi hans úr skógræktarnámi á
Spáni, Juan Manuel Rubiales, var starfandi
í háskólanum í Madríd og hafði unnið
að rannsóknum á skógum og gróðurfari
í Pýreneafjöllum. Þannig hittist einnig á
að hann kom með fjölskylduna til Íslands
sumarið 2017 og þá varð til gróf mynd
af heimsókn skógræktarfólks til Pýrenea-
fjalla-hluta Spánar. Seint um sumarið 2018
kom í ljós að Rubiales gat ekki losað sig úr
kennslu á þeim tíma sem íslenski hópurinn
var á ferð en var svo vinsamlegur að benda
Skógarferð til Spánar