Skógræktarritið - 15.10.2019, Qupperneq 57

SKÓGRÆKTARRITIÐ 2019 55
trjátegundir á svæðinu auk yfir 50 tegunda
af runnum. En heildarsvipur gróðurs er
frekar kyrkingslegur á að líta enda ríkja hér
brennandi hitar í marga mánuði að sumri
til og skógareldar herja hér af völdum
manna með reglulegu millibili (síðast
geisuðu hér skógar og kjarreldar árið
1986). Eru það fyrst og fremst harðgerðar
og hitaþolnar tegundir sem spjara sig við
slíkar aðstæður. i
Einn af hápunktum þessarar heimsóknar
var að hlusta á drengjakór Montserrat
sem er einn þekktasti kór í heimi. Kórinn
syngur venjulega einu sinni á dag í kapellu
svæðisins kl. 13:00 og við höfðum auðvitað
miðað dagskrá við þá tímasetningu og
tryggt okkur miða fyrir viðburðinn. Segja
má að kórinn hafi sannarlega staðið undir
væntingum og er ógleymanlegur hljómur
drengjanna eitt af því sem hægt er að mæla
með. Fallegur hljómur sem lengi er hægt að
ylja sér við í minningunni.
Við héldum svo áfram ferð okkar
með óm drengjakórsins í huga og tókum
stefnuna í norðvestur til bæjar í dalverpi
i Skrifleg heimild: Juan Manuel Rubiales.
við Pýreneafjöllin sem heitir Jaca en þar var
fyrirhugað að gista í þrjár nætur á Hotel
Oroel.
Á leiðinni tók Þórarinn til við að fræða
okkur um sögu og menningu Spánar.
Kom hann víða við í þeim fyrirlestri og
fleiri pistlar áttu eftir að fylgja í kjölfarið
næstu daga, enda er hér sagan við hvert
fótmál. Hér hefur maðurinn lengi teygt
lopann frá því að Afríkumaðurinn fór að
nema land í Evrópu og frá lokum ísaldar
fyrir um tíu þúsund árum þegar jökull
hopaði af Pýreneafjöllum fylgdi maðurinn
í kjölfarið og nam land í dölum um leið
og jökull hopaði. Margar þjóðir hafa í
árþúsundir byggt Íberíuskaga þar sem hver
bylgja þjóðflutninga á fætur annarri hefur
farið um og átt þátt í að móta ríkið sem í
daglegu tali kallast Spánn. Hér eru töluð
mörg tungumál og ríktu Márar um aldir á
stórum svæðum í suðurhluta landsins og
höfðu áhrif á þjóðmenninguna eins og allar
þjóðir þar á undan.
Það var farið að halla af degi þegar
komið var á hótel í bænum Jaca og
seinna um kvöldið kom til okkar Oscar
Schwendtner sem var með okkur næstu tvo
Oscar kynnir fyrir okkur þiður, stóran skógarfugl sem lifir einkum í furuskógi. Mynd: BJ