Skógræktarritið - 15.10.2019, Síða 58

SKÓGRÆKTARRITIÐ 201956
daga. Við höfðum verið í tölvusambandi
og ræðst við í síma en nú lögðum við á
ráðin um endanlega dagskrá næstu tvo
daga og reyndum að átta okkur á hvað sé
raunhæfur dvalartími á hverjum stað og
hvar sé möguleiki á að komast á salerni
en þegar komið er upp í fjöllin á þessum
slóðum getur verið hörgull á slíkri aðstöðu
og eins gott að lenda ekki í þrengingum
með rúmlega fimmtíu manns. Ákveðið var
að taka daginn snemma og vona það besta
með veðrið. Það var vel tekið á móti okkur
í sameiginlegum kvöldverði og Sigurður
Þórðarson, söngstjóri hópsins, tók stutta
æfingu með hópnum fyrir háttatíma.
19. október
– Skógarferð í Baskalandi – Navarra
Jaca er um 12 þúsund manna bær í
héraðinu Huesca í víðfeðmu dalverpi
þar sem áin Aragon liðast um dalinn og
Pýreneafjöllin rísa í norðri. Bærinn á rætur
að rekja til tíma Rómverja sem byggðu
þar virkisveggi árið 200 f.Kr., en Márar
tóku þar stjórn 760 e.Kr. Nafn bæjarins
á rætur að rekja til þess þegar hér var
slegin mynt á tímum Rómaveldis. Á síðari
tímum, það er á síðustu öld, var bærinn
og héraðið þekkt átakasvæði fyrir það að
hér tókust á andstæðar fylkingar þegar
geysaði borgararastyrjöld með tilheyrandi
mannfalli á báða bóga. En í dag er Jaca
kannski þekktust fyrir það að hér liggur
gönguleið um Jakobsveginn og er sú leið
merkt kyrfilega.
Eftir hálfan annan tíma og fyrirlestur
Þórarins á leiðinni um áhrif Mára á Spáni
breyttist landslagið skyndilega. Við héldum
nú á slóðir Baska eða héraðið Navarra
eins og það hét á öldum áður. Ekið var um
þröngan dal og hægt og bítandi hækkuðum
við í landslaginu. Jafnframt var skógur
orðinn samfelldari í bröttum hlíðum
sitthvoru megin, en vegurinn breyttist
jafnframt í sveitaveg sem liðaðist meðfram
þröngum árfarvegi. Meðfram ánni uxu
fjölmargar trjátegundir svo sem víðir og
aspir.
Glaðir ferðalangar í bergfuruskógi í um 2000 m hæð. Mynd: BJ