Leikskrár Þjóðleikhússins - 20.04.1950, Page 13

bregður fyrir svipuðum endurminningum úr leikritum Ibsens:
Fruen fra Ilavet, Hedda Gabler og Et Dukkehjem, ennfremur
úr leikritum Macterlincks og vafalaust ýmissa annarra, en ein-
mitt þetta sýnir, hve mjög Indriði unni leikritum stórskáld-
anna og lærði af þeim.
Nýársnóttin er fyrsta leikritið, er sýnt er í Þjóðleikhúsi ís-
lendinga, höfundi þess til heiðurs. Honum myndi hafa verið
fagnað ákaft af þakklátum leikhúsgestum, ef hann hefði lifað
þenna dag, en í stað þess minnumst vér hans með þakklæti
fyrir öll leikrit hans og brautryðjandastarf í þágu leiklistar á
íslandi.
[ 11 ]