Leikskrár Þjóðleikhússins - 20.04.1950, Blaðsíða 31

Árni Björnsson Dr. Urbantschitsch
Árni Björnsson
er einn meðal yngri tónskálda vorra. Hann er fæddur að Lóni í Kelduhverfi
23. desember 1905. Af tónsmíðum hans hafa verið birt á prenti Kantata við
kvæði eftir Kjartan Gíslason frá Mosfelli að tilefni lýðveldisstofnunarinnar
og Fimm sönglög, sem Leiftur h.f. gaf út 1940. Tónlistarmenntun sína hlaut
Arni fyrst hjá dr. Páli Isólfssyni en síðan í Tónlistarskólanum og lauk hann
prófi þaðan 1935. Framhaldsnám stundaði hann í Manchester og lauk prófi
1946 í Royal Manchester College of Music með flautu-leik sem sérgrein. Hefur
hann Iengst af leikið á þetta hljóðfæri í Hljómsveit Reykjavíkur hjá stjórn-
endum eins og' dr. Franz Mixa og dr. Urbantschitseh. Hljómlist í sambandi
við Ieiklist kynntist Árni fyrst, er hann lék undir á píanó við sýningar á
barnasjónleiknum Þymirósa eftir Oskar Kjartansson og litlu síðar samdi hann
lög við annað leikrit eftir Oskar, Töfraflautuna, sem Leikfélag Reykjavíkur
sýndi 1932. — Arni Björnsson tók fyrst að fást við tónsmíðar í sambandi við
Nýársnóttina 1943 og hefur hann unnið að þeim í viðlegum síðan, en músik
hans er af stofni byggð á íslenzkum þjóðlögum og hvað dansana snertir á
liigum, sem höfundur sjónleiksins, Indriði Einarsson, hefur lagt fyrir að nota
bæri við sýningu leiksins, eins og: Stóð ég úti í tunglsljósi. Olafur reið með
björgum fram og Máninn hátt á himni skín.