Golf á Íslandi - 01.12.2014, Page 26

GOLF Á ÍSLANDI • www.golf.is
26
Kristján Þór Einarsson átti frábært
golfsumar en hann stóð uppi sem
stigameistari á Eimskipsmóta-
röðinni áður en lokamótið fór fram á Akur-
eyri. Kristján Þór, sem leikur fyrir Kjöl í
Mosfellsbæ, ætlar sér stóra hluti á næsta ári
og Íslandsmeistarinn í holukeppni ætlar að
reyna við úrtökumótið fyrir Evrópumóta-
röðina. Golf á Íslandi ræddi við Kristján
Þór þar sem stiklað var á stóru á golfárinu
sem er að líða en hann ætlar að gera enn
betur á næsta ári.
Stigameistaratitillinn var þinn í sumar
– í fyrsta sinn á ferlinum. Var markmið
sumarsins að ná þessum titli?
„Já, það var vissulega eitt af mínum mark-
miðum sem ég setti fyrir sumarið og þetta
er titill sem að mig hefur langað að landa í
langan tíma þannig að það var rosalega ljúft
að klára hann fyrir lokamótið í sumar,“ segir
Kristján en hann sigraði á þremur mótum á
Eimskipsmótaröðinni. Hann var ánægðastur
með sigurinn á Goðamótinu sem fram fór á
Jaðarsvelli.
„Ég var að sjálfsögðu ánægður með Íslands-
meistaratitilinn í holukeppni en ég held að
sigurinn á lokamótinu á Akureyri standi upp
úr á þessu ári. Ástæðan er sú að ég var búinn
að tryggja mér stigameistaratitillinn fyrir
mótið. Ég setti smá auka markmið á sjálfan
mig fyrir mótið að spila vel og sýna það að ég
ætti titilinn skilið. Ástæðan fyrir að þetta mót
stendur upp úr er einnig hvernig ég spilaði
lokahringinn á mótinu, spilaði á 68 höggum
(-4) í mjög miklu roki þar sem ég tapaði ekki
einu einasta höggi á hringnum og að mínu
mati var ég óheppinn að hafa ekki spilað
betur.
Það gekk ekki allt upp hjá Kristjáni
í sumar og hann var ekki sáttur við
Meistaramótið hjá sjálfum sér hjá Kili í
Mosfellsbæ.
„Vonbrigði sumarsins voru meistaramótið hjá
klúbbnum mínum. Ég náði ekki að koma mér
almennilega í gang á neinum hring. Þar var
ég alltof fljótur að svekkja mig á hlutum sem
gengu ekki upp of þar af leiðandi náði ég ekki
að setja 100% fókus á minn leik.“
Kristján reyndi við úrtökumótið fyrir Nordic
„STÓRI DRAUMURINN
ER AÐ VERÐA EINN
AF ÞEIM BESTU“
- Kristján Þór Einarsson ætlar að gera enn betur – annasamt ár framundan
www.netto.is
| Mjódd · Salavegur · Hverafold · Grandi · Akureyri · Höfn · Grindavík · Reykjanesbær · Borgarnes · Egilsstaðir · Selfoss |
Töfrar jólanna
Byrja í Nettó