Háðfuglinn - 01.07.1949, Page 10

VIÐSJAR
Nokkrar heimsóstandsvísur eftir Kolbein kaldaljós.
«
Brimar við Bölklett heimsins
byltingaralda þung,
og ber á blóðrauðum faldi
Brynjólf og Mao Tse tung.
„Það ku vera íallegt í Kína“
og kátur er Li Ho Wang.
Brynjólfur bolsana hyllir
en Bjarni Kuomintang.
Utanlands dafnar og innan
illkvitni, rógur og fals.
Víðar en vestur á fjörðum
er vígslóði Hannibals.
Kroppar í krataþýfi kvíga með júgursár. /"V
Beljurnar bera sig illa
sé bolatollurinn hár.
Illt er á Annes að byggja
og austræna bylgjan þung. Stalin er drjúgur við drykkju og dregur augað í pung.
>
HÁÐFUGLINN
Við íhald Framsóknarflokksins
foringinn styrjöld heyr.
Ristir nú Bjarni á Reykjum
raunir sínar í leir.
Hrumur er Hriflu-Jónas
og hrasgjarnt á frónskri mold
við glætu frá gáfnaljósi
Gunnars í Isafold.
Þungbúinn Jóhann Þorkell
um þjóðbraut miðja fer
og veltir með traustum tökum
tunnu á undan sér.
Traust var sú tunna í botninn
og tollurum framhjá smó.
Merkt var hún stórum stöfum:
Stefán Jóhann & Co.
/
Viðsjár um veröld alla
veikja nú þjóðarhag.
ísland fór varla til einskis
í Atlantshafsbandalag.
Með kjarki skal kross sinn bera
því krossinn er lífsins tákn.
Syng þú oss sálumessu,
Sigurbjörn íslandsdjákn!
4
HÁÐF.UGLINN