Helgarpósturinn - 20.10.1983, Blaðsíða 4

4
Fimmtudagur 27. október 1983
^posturinn
Albert
strikarút
„Viðverðum að afskrifa þennan
innlenda vanda sjávarútvegs-
fyrirtækja með einu pennastriki.
Innanlandsvandinn í lánum
þessara fyrirtækja er orðinn
stærri en upphaflegu lánin sem
þau tóku“.
Yfirlýsingar Alberts Guð-
mundssonar fjármálaráðherra
vekja jafnan athygli. Fáar
þeirra þó jafn mikla og penna-
striksyfirlýsing hans í þinginu á
mánudaginn var. Þetta var löng
sending fram miðjuna og hún
skapar ólgu við vítateigslínuna.
„Það þarf að finna lausn á
skuldum útgerðar og fiskvinnslu
strax. Þetta er spursmál um það
hvað við viljum hugsa þetta
stórt. Hingað til hafa ráðamenn
farið hefðbundnar leiðir. Þetta
hafa verið bráðabirgðalausnir.
Það er alltaf verið að leysa eitt
og eitt vandamál", sagði Albert
þegar hann mundaði pennann til
striks í skrifstofu sinni fyrir HP,
í morgun, fimmtudag, skömmu
fyrir ríkisstjórnarfund.
„Menn hafa tekið þessari hug-
mynd mjög vel“, segir hann.
„Þeir sem ekki vilja skilja þetta,
þeir alhæfa til að þurfa ekki að
hugsa, ég tala nú ekki um vinna
í þessu. Þegar eitthvað nýtt kem-
ur upp, þá fara allir litlu strák-
arnir að skjálfa.
Það verður að koma með
lausn fljótt. Annars gæti annað
hvort gerst: að fyrirtækin fara á
hausinn, eða þá að við hættum
að vera efnahagslega sjálfráðir.
Ég var búinn að tala um þetta
á fundum á Blönduósi og í
Grundarfirði og svo lýsa hug-
myndinni á fundi í Vestmanna-
eyjum á sunnudaginn var, áður
en sérstök fyrirspurn kom um
hana í þinginu.
Það er ekki farið að kanna
þetta sérstaklega. Fyrst þarf að
athuga vandann mjög gaum-
gæfilega. Hugmyndin er að losa
fyrirtækin við innlenda vand-
ann, þannig að þau standi eftir
með upphaflegar skuldir. Nú
vinna þau ekki fyrir vöxtum og
afborgunum. Illa rekin fyrirtæki
fengju ekki slíka fyrirgreiðslu,
aðeins þau sem eru varanleg í
sinni verðmætasköpun.
Afraksturinn í sjávarútvegi
hefur verið fluttur frá honum,
hann hefur ekki fengið að njóta
hans. Afraksturinn hefur verið
settur í annað. Líttu bara í
kringum þig, það þarf bara að
líta hérna út um gluggann, á
Seðlabankabygginguna t.d. Og
þessir peningar eru í byggingum
einstaklinga, velmegun allra
nema sjávarútvegsins sjálfs.
Hann er í mestu vandræðunum,
undirstaða alls hins.
Þjóðin þarf að taka á sig
þennan vanda. Þetta er spurning
um hvort við ætlum að myrða
undirstöðuna í áföngum, eða
bjarga henni á einu bretti“, segir
fjármálaráðherra.
Vandlega verður fylgst
með pennahreyfingum
Alberts Guð-
mundssonar á
næstunni.
— HT.
PT'I Hið opinbera er ekki aðems
J í niðurskurðarhugleiðingum
S þessa dagana. Ríkisvaldið og
sveitarfélögin hafa nú í hyggju að
nýta opinbert fé mun betur en áður
og hyggur á herferð mikla í þessu
skyni. Fjármálaráðherra mun í dag,
fimmtudag,skýra frá fyrirhugaðri
herferð í fjárlagaræðu sinni. Hefur
verið skipuð nefnd til að annast
útgáfu á bæklingum, námskeiða-
hald, auglýsingastarfsemi og leita
tillagna hjá opinberum starfs-
mönnum um sparnað, hagræðingu
og bætta stjórnun á opinberum
rekstri og meðferð opinbers fjár.
Nefndin er skipuð þeim Magnúsi
Péturssyni hagsýslustjóra, sem er
formaður nefndarinnar, jafnframt
Geir Haarde og Þórði Ingva Guð-
mundssyni; allir fulltrúar ríkis-
valdsins. Fulltrúar sveitarfélaganna
eru hins vegar þeir Björn Friðfinns-
son og Sigurgeir Sigurðsson,
sveitarstjóri á Seltjarnarnesi. Full-
trúar þessara tveggja geira hafa
ennfremur fengið tvo fulltrúa
atvinnulífsins i lið með sér, þá
Steinar Berg Björnsson, forstjóra
Lysis h/f, og Sigurð R. Helgason,
framkvæmdastjóra Björgunar.
Hugmynd þessi mun upphaflega
hafa komið frá Birni Friðfinnssyni,
en hann mun hafa fengið hana að
láni hjá Norðmönnum sem aftur á
móti hafa haft Bandaríkjamenn að
leiðarljósi í þessum efnum...
Kjartan Ólafsson, varafor-
maður Alþýðubandalagsins,
hefur verið við sögurann-
sóknir í Kaupmannahöfn undan-
farna mánuði. Vinnur hann að gerð
ritgerðar um samtíðarmenn Jóns
Sigurðssonar. Enn hefur ekki kom-
Gœöi og verö
sem koma á óvart!
ið nein yfirlýsing frá Kjartani um
að hann hyggist segja af sér varafor-
mannsstarfinu en hins vegar er ljóst
að flokksbræður hans reikna með
að hann haldi starfinu ekki áfram.
Helstu arftakar Kjartans hafa verið
nefndir þeir Hjörleifur Guttorms-
son og Steingrímur J. Sigfússon.
Nú bregður hins vegar svo við að
konur innan Alþýðubandalagsins
munu hafa í hyggju að stilla upp
kandidat og nái þær sameiningu
um einn frambjóðanda mun sá (eða
sú) ná kjöri. I kvöld, fimmtudag,
verður haldinn kvennafundur í
flokksmiðstöðinni og skýrast þá
væntanlega línurnar varðandi
frambjóðanda kvenna. Þær helstu
sem hafa verið nefndar í varafor-
mannsstöðuna eru Álfheiður Inga-
dóttir, Gerður Óskarsdóttir, Bjarn-
fríður Leósdóttir og Vilborg Harð-
ardóttir. Af þessum kandidötum
mun Vilborg Harðardóttir hafa
mestan meðbyr...
Vl Bireyting er í vændum
f~ í á SIS-geiranum. Þar er
y Kristleifur Jonsson, banka-
stjóri Samvinnubankans, að hugsa
sér til hreyfings og er talað um að
við stöðu hans taki Þorsteinn
Ólafsson, sem verið hefur
aðstoðarmaður Erlends Einars-
sonar...
Mannaflutningar hafa átt sér
Y I stað í fjármálaráðuneytinu.
y Yfirmaður hagsýsludeildar,
Jón Böðvarsson, hefur tekið við
star'fi, framkvæmdastjóra flug-
stöðvarbyggingarinnar á Kefla-
víkurflugvelli. í hans stað kemur
Þórður Ingvi Guðmundsson sem
starfað hefur við hagsýsludeild-
ina...
Tískuverslanir við Laugaveg
inn börðust margar hverjar í
_ -t bökkum (og bönkum) í sum-
ar og menn spáðu því að einhverjar
þeirra færu á hausinn. Því miður
hafa þessir spádómar ræst. Tvær
tískuverslanir rúlluðu nýlega:
Blondie og Airport...
VÁ Stjórnmálaflokkarnir eru nú
I í óða önn að koma gæðing-
y um sínum fyrir í embættis-
mannakerfinu. Nýjasta tilfæringin
er að Hreinn Loftsson, sem verið
hefur ritstjóri Stefnis og stjórnar-
maður í SUS, hefur fengið fasta
stöðu í viðskiptaráðuneytinu en þar
ræður Matthías Á. Mathiesen...
T* i Það er óvenjulegt að eitt af
f' 1 aðalhlutverkunum í óperu sé
y* þögult. Svo er þó umóperuna
Miðilinn eftir Menotti sem nú er í
æfingu hjá íslensku óperunni í
Gamla bíói og verður frumsýnd í
lok nóvember. Þetta hlutverk leikur
Viðar Eggertsson leikari sem síðast
gerði garðinn frægan á Edinborgar-
hátiðinni. Hins vegar er titilhlut-
verkið í höndum Þuríðar Pálsdótt-
ur, en Guðmunda Elíasdóttir lék
það í Iðnó 1952. í þriðja aðalhlut-
verkinu er Katrin Sigurðardóttir, en
leikstjóri er Hallmar Sigurðsson.
Með þessari óperu verður flutt
önnur stutt sem heitir Síminn...