Helgarpósturinn - 04.07.1985, Blaðsíða 12
II
m daginn hóf störf sem yfir-
maður hjá Cosmos á íslandi, dótt-
urfyrirtæki Hafskips, ung kona með
meistaragráðu í viðskiptafræðum
frá Bandaríkjunum. En viðdvölin
varð í stysta lagi, því eftir því sem
HP hefur fregnað sagði konan upp
störfum sama daginn og hún byrjaði
og bar því við, að starfssviðið væri
annað en kynnt hefði verið fyrir
henni í starfslýsingu...
l^Slftir að HP hleypti lífi í umræð-
urnar um framtíð Hafskips hefur
gætt mikillar taugaveiklunar meðal
forráðamannanna og Parkerpennar
verið skrúfaðir sundur og saman á
fundum. Þá hafa menn verið á þon-
um út um lönd og fór forstjórinn
Björgólfur í ferð til Evrópu og
Ameríku. Til Bandaríkjanna fóru
einnig sér á parti tveir menn, Þor-
valdur Bergmann Björnsson,
hægri hönd Björgólfs, og Þorsteinn
Sigurðsson. Sá síðarnefndi var
meðal annars í því að líta á heildar-
dæmið vegna rekstrarins á Hafskip
í Bandaríkjunum og mun hafa geng-
ið rösklega fram. Hins vegar tók
hann upp á því fyrir nokkrum dög-
um að spyrja áleitinna spurninga og
var þá víst rætt um að senda hann
heim...
Wt egar Lárus Jónsson og
Ólafur Helgason úr bankastjórn
Útvegsbankans voru látnir reyna að
svara ásökunum okkar HP-manna
um að bankinn hefði iánað Hafskipi
langt umfram veðhæfni eigna, var
það látið fyigja, að bankinn hefði
ekki bara veð í eignum félagsins,
heldur einnig persónuleg veð í eig-
um hluthafa. Þetta kom mörgum
kunnugum manninum á óvart, en
þá var það sem einum snjöllum datt
í hug, að þeir Útvegsbankamenn
hlytu að eiga við ódagsettan trygg-
ingarvixil með nafni Magnúsar
Magnússonar, fyrrverandi Haf-
skipsmanns, sem lenti í fangelsi og
hvarf svo af landi brott, og jafnframt
nafni Þórarins Gudbergssonar í
Garðinum. Þessi tryggingarvíxill
hljóðar víst upp á 990 þúsund þýsk
mörk. Þá munu liggja aðrar per-
sónulegar skuldbindingar á pappír-
um í sama banka, en að raunvirði
hafa þessir víxlar hrapað í áranna
rás niður í nokkurra þúsund króna
verðmæti. . .
Eins og menn muna eflaust
sögðum við frá því hér í HP, að
Þórður Björnsson ríkissaksóknari
hefði hótað því að segja af sér sem
ríkissaksóknari, ef Hæstiréttur
dæmdi lögreglumennina þrjá, sem
komu við sögu í Skafta-málinu svo-
kallaða. Nú hefur Hæstiréttur sýkn-
að tvo, en dæmt einn þeirra. Það
verður því spennandi að sjá hvort
Þórður lætur sér nægja einn dæmd-
an lögreglumann eða ekki. Ef hann
gerir sig ekki ánægðan, þá fær
framsóknarmaðurinn í dómsmála-
ráðuneytinu, Jón Helgason, tæki-
færi til að skipa eftirmann Þórðar í
samræmi við flokkssamþykktir
frammara...
A
^^^^nnars segja menn um mál-
flutning Þórdar, að hann hefði
sómt sér vel í amerískri „Perry
Mason-mynd, æðislega klár og
greindur nagli, sem hefði hrifið
kviðdóminn með sér í hringdans, ef
hann hefði viljað. Á hinn bóginn er
bent á, að Þórður hafi „gleymt" því,
að hérlendis er ekki notast vð kvið-
dómendur heldur þunga hæstarétt-
ardómara, sem láta ekki glepjast af
einföldum leikbrögðum. Aðrir
halda því fram, að Þórður hafi verið
að tala fyrir fulltrúa pressunnar á
staðnum. Hvað sem því líður, ku
Þórður ræðumaður af fyrstu gráðu
enda fyrrverandi borgarfulltrúi
Framsóknar í Reykjavík...
blaðsins og núverandi, starfsmanni
Menningar- og fræðslusambands
Alþýðu, að taka að sér fram-
kvæmdastjórastarfið. Þráinn mun
hins vegar hafa afþakkað starfann
og nú geysast Jónsmenn áfram...
V
erkalýðsforystan mun vera
ólm út í Þjóðviljann, sem eru reynd-
ar ekki nýjar fréttir. En einkum eru
það fréttir blaðsins af fundum
verkalýðstoppanna sem fara í taug-
arnar á alþýðuleiðtogunum. Ástæð-
an: Þjóðviljinn talar bara við Guö-
mund jaka Guömundsson...
V,
ið heyrum sífellt nýjar sögur
úr athafna- og viðskiptalífinu. Gengi
íslensku krónunnar og kaupmáttur
hefur löngum verið upp og ofan, og
þó aðallega ofan. Nú mun það tíðk-
ast víða að forráðamenn og stjórn-
endur fyrirtækja séu farnir að semja
um kaup sitt í dollurum, þannig að
launagreiðslur í íslenskum krónum
fylgi gengi dollarans. Þannig heyrð-
um við um daginn að þekktur fram-
kvæmdastjóri hér í borg hefði samið
um mánaðarkaup upp á þrjú þús-
und dollara. Og reikni nú hver sem
vill.. .
A
i^^Alþýðuflokksmenn, með
Jón BaJdvin Hannibalsson í
broddi fylkingar, leita nú logandi
ljósi að nýjum framkvæmdastjóra,
en Ámundi Ámundason hefur
gegnt því starfi að hluta til, þótt
hann hafi aldrei fengið titilinn. Hef-
ur forystan rætt við ýmsa menn,
sem allir hafa beðið um að þessi kal-
eikur væri tekinn frá þeim. Þannig
mun Jón Baldvin og kó hafa lagt
mjög hart að Þráni Hallgríms-
syni, fyrrum blaðamanni Alþýðu-
V
iðbúnaður í hugvísindahúsi
Háskóla íslands, vegna ráðstefnu
norrænu svæfingarlæknanna, fór
fyrir brjóstið á mörgum nemendum
og kennurum. Öryggisverðir Se-
curitas höfðu strangt eftirlit með
höndum, og margir nemendur sem
hugðust ná í einkunnir sínar síðari
hluta dags, urðu frá að snúa, því
ekki þótti þorandi að hleypa þeim
inn í húsið. Þá þurfti einn kennara
að sýna nafnskírteini þegar hann
ætlaði á skrifstofu sína til að vinna
að kvöldi til. Ástæðan fyrir öryggis-
gæsiunni var ekki einungis ráð-
stefna læknanna sem slík, heldur
tæki upp á tugi milljóna sem voru til
sýnis í tilefni af henni Hættu menn
ekki á annað en að hafa þarna stöð-
uga vörslu. Annars sögðu gárungar
að húsakynni hugvísindamanna
hefðu nánast verið eins og markað-
ur, m.a. var eiginkonum svæfingar-
lækna boðið upp á ilmvatnskynn-
ingu í einu horni hússins. . .
||
■I afnarbúðadeilan heldur
áfram. Borgarstjórn er nú farin í
sumarfrí og kemur ekki aftur saman
fyrr en 19.’sept., þannig að engar
stórar ákvarðanir verða teknar á
meðan. Hins vegar hefur Davíð
Oddsson borgarstjóri herst allur í
málinu og vill útkljá það hið fyrsta
með því að borgin selji ríkinu Hafn-
arbúðir sem síðan afhendi þær
Landakotsspítala. Mun hin harðn-
andi afstaða Davíðs einkum byggj-
ast á því, að hann álítur það öldung-
is ótækt að 50 milljónir skuli liggja
vaxtalausar í Hafnarbúðum, svo og
að borgin keypti Hafnarbúðir ein á
sínum tíma og naut ekki aðstoðar
ríkisins, en því bar að greiða 85%
kaupverðsins þá. Þá mun Davíð
túlka þrýsting starfsmanna á að hús-
ið verði ekki selt sem samantekin
ráð læknamafíunnar á Borgarspítal-
anum. Á hinn bóginn segja aðrir að
þrýstingurinn af hálfu Landakots á
ríkið um sölu Hafnarbúða séu sam-
antekin ráð læknamafíunnar á
Landakoti, þannig að nú virðist
mafíustríð í uppsiglingu...
Etains og blaðalesendur hafa ef-
laust tekið eftir hafa rútubílstjórar
lagt talsvert upp úr aukinni kynn-
ingu á starfsemi sinni, sem að sjálf-
sögðu miðar að því að hvetja fólk til
þess að ferðast um landið sitt á
ódýran hátt. Þannig fór Austurleið
í dag með hóp blaðamanna og ljós-
myndara austur í Þórsmörk, þar
sem þeim verður kynnt aðstaðan
fyrir ferðamenn í þessari vin. Meðal
annars hefur verið stórbætt öll
hreinlætisaðstaða og í þokkabót
komið gufubað á svæðið. Kynning
sem þessi er ekki ástæðulaus, því í
hugum margra, ef ekki flestra Reyk-
víkinga, er einhver óravegur til
Þórsmerkur. Staðreyndin er óvart
önnur. Þangað eru í fyrsta lagi ekki
nema um 150 kílómetrar og í öðru
lagi hefur vegurinn austur verið
malbikaður alla leið að Markarfljóti.
Þaðan eru ekki nema 25 kílómetrar
í Mörkina. Með skikkanlega löglegu
aksturslagi tekur því ekki nema
röskar tvær klukkustundir að skjót-
ast þangað. Með rútu og einu stoppi
á Hvolsvelli tekur ferðin aðeins 3
klukkutima...
12 HELGARPÓSTURINN