Helgarpósturinn - 05.09.1985, Blaðsíða 7

eftir Ingólf Margeirsson myndir: Jim Smart og fl.
HELGARPÓSTURINN
BIRTIR LEYNISKÝRSLU
FRAMKVÆMDASTJÓRNAR
ALÞÝÐUBANDALAGSINS
UM FLOKKINN:
STAÐNAÐUR
LEIÐINLEGUR
ÓLÝÐRÆÐISLEGUR
KARLA- OG KERFISFLOKKUR
SEM BRUGÐIST HEFUR í BARÁTTUNNI
FYRIR BÆTTUM KJÖRUM LAUNAFÓLKS
„Leiðinlegur, ólýðræðislegur og staðnaður kerfisflokkur sem
fyrst og fremst eyðir kröftum sínum í að verja það sem er
eða það sem var." „Fyrir hönd flokksins koma fram þung-
búnir og ábúðarmiklir „gamlir" karlar" „í augum flestra
hefur flokkurinn brugðist því að berjast fyrir bættum kjörum
launafóiks" „Það þýðir ekkert að setja upp leiktjöld."
Þessar einkunnir fær Alþýðubandalagið hjá nefnd sem
skipuð var af framkvæmdastjórn flokksins í júlílok og fékk
nafnbótina „mæðranefnd". Nefndin skilaði skrifuðu áliti um
miðjan ágúst og farið hefur verið með þær niðurstöður sem
algjört trúnaðarmál. Helgarpósturinn birtir í dag í heild leyni-
skýrslu framkvæmdastjórnar en hún verður að teljast harka-
legasta árás úr herbúðum flokksmanna á forystusveit
Alþýðubandalagsins og flokkinn allan sem sést hefur á
prenti í sögu hans.
í eftirfarandi grein rekur Helgarpósturinn ítarlega tilurð
nefndarinnar og skýrslunnar og setur innihald skýrslu
nefndar framkvæmdastjórnar í samhengi við þá strauma og
andófsblikur sem á lofti eru fyrir landsfund Alþýðubandalagsins í nóvember.