Helgarpósturinn - 05.09.1985, Blaðsíða 17
LISTAPÓSTURINN
Hljómsveitin Grafík fyrir utan Jónshús í Kaupmannahöfn á dögunum. — Ljósm. Lauri Dammert.
GRAFÍK í Kaupmannahöfn:
Islenskur
djöflaskapur
íslenska rokkhljómsveitin Grafík
var eina hljómsveitin, sem slapp
heil á húfi í gegnum gagnrýna um-
fjöllun danska biaðsins information
um norræna rokktónleika, sem
haldnir voru 23. og 24. ágúst í Árós-
um og Kaupmannahöfn. Erla Sig-
urðardóttir í Kaupmannahöfn sagði
okkur, að blaðið hefði talað „um ís-
lenskan djöflaskap og syntheziser-
hljóð, sem myndu fá Gary Numan til
að fölna af öfund“. Gary Numan er
höfuðpönkari.
Á þessum tónleikum léku hljóm-
sveitir frá öllum Norðurlöndum og
meðal annars hljómsveit frá Græn-
landi.
i bréfi til HP segir Erla:
„Einhvern tímann hefði maður
haldið að rokk væri tilvalinn miðill
til að tengja ungar norrænar sálir.
Svo loksins þegar slíkt gerist, þeas.
að norrænir rokkhljómleikar eru
haldnir, læðist að manni sá grunur
að hver þjóð sitji fyrir sig og islend-
ingar og Finnar þegi þar til lækkað
hefur í flöskunni og þeir síðar-
nefndu fari að syngja.
En Helgi Björnsson var nú ekki á
því. Samskipti hljómsveitanna
hefðu verið með ágætum og þarna
hefði gefist tækifæri til að bera sam-
an reynslu sína. Ekki væri sagan
heldur öll sögð, því þeir í Grafík
hefðu rætt við norsku hljómsveitina
Lily & The Gigolos um að fara í sam-
eiginlega hljómleikaferð um Norð-
urlönd næsta sumar og þá jafnvel fá
þriðju hljómsveitina með."
Tónlistarfélagið:
Allt merkilegt
sem er í boði
— vetrarstarfið að hefjast
„Það er óhætt að segja að það sé
ailt merkilegt sem boðið er upp á,
og erfitt að draga það í dilka,“ sagði
Kristín Sveinbjarnardóttir hjá Tón-
listarfélaginu í samtali við HP, en í
vetur býður félagið upp á átta
áskriftartónleika, og auk þéss
þrenna kirkjutónleika, sem haldnir
eru sérstaklega í tilefni af Ári tón-
listarinnar 1985.
Kirkjutónleikarnir eru reyndar
nýjung í sögu félagsins, — samhliða
áskriftartónleikum. Flytjendur
verða Gunnar Kvaran sellóleikari,
Rut Ingóifsdóttir fiðluleikari og
Hörður Áskelsson orgelieikari og
Helga Ingólfsdóttir semballeikari
heldur síðustu tónleikana í röðinni
áður en árinu lýkur. Flytjendur leika
verk eftir afmælisbörnin, Bach og
Hándel.
Fyrstu kirkjutónleikarnir verða
haldnir í Bústaðakirkju 15. sept-
ember og þeir næstu 19. nóvember
í Kristskirkju. Fyrstu áskriftartón-
leikarnir verða laugardaginn 21.
september og eru þeir einnig sér-
staklega tileinkaðir Ári tónlistar-
innar. Þar koma fram Rodney
Hardesty counter-tenor og Ted
Taylor píanó- og semballeikari.
Einnig munu íslenskir tónlistar-
menn aðstoða við flutningi
16. nóvember verða kammertón-
leikar í samvinnu við Sinfóníu-
hljómsveit íslands, þar sem einleik-
ari verður Anne Sophie Mutter
fiðluleikari, sem verið hefur mikið í
sviðsljósinu að undanförnu.
í desember kemur American
String Quartet, sem er meðal bestu
strengjakvartetta í Bandaríkjunum
og laugardaginn 11. janúar verður
Halldór Haraldsson píanóleikari
með tónleika, en um þessar mundir
Helga Ingólfsdóttir semballeikari heldur
síðustu kirkjutónleika Tónlistarfélagsins,
áður en Ári tónlistarinnar lýkur.
eru liðin 20 ár síðan hann hélt sína
fyrstu opinberu tónleika í Reykja-
vík, og þá á vegum Tónlistarfélags-
ins.
Síðari hluti starfsvetrar hefst með
tónleikum Nancy Weems píanóleik-
ara í febrúar. I mars verða tónleikar
með Janos Starker sellóleikara og
Alain Planes píanóleikara. í sama
mánuði gefst svo tækifæri tii að
hiusta á gríska píanóleikarann
Dimitri Scouros, sem er aðeins 16
ára en hefur þó vakið heimsathygli.
Síðustu áskriftartónleikarnir
verða svo í apríl, þá kemur fram
sópransöngkonan Ellen Lang frá
Bandaríkjunum við undirleik
William Huckaby.
-EA
KVIKMYNDIR
Geöþekkur gimbill í úlfagœru
Laugarásbíó: Gríma (Mask). ★★★
Bandarísk, árgerö 1984.
Framleidandi: Martin Starger.
Leikstjórn: Peter Bogdanovich.
Handrit: Anna Hamilton Phelan.
Kvikmyndun: Laszlo Kovacs.
Förðun og gervi: Michael Westmore og
Zoltan.
Adalleikarar: Cher, Sam Elliott, Eric Stolz,
Estelle Getty, Richard Dysart, Laura Dern,
Craig King.
Mask togar í sömu taugar og The Elephant
Man. Söguhetjan er þó fráleitt eins illa leikin
í útliti og Fílamaðurinn forðum, en samt nóg
til þess að vegfarendur ætla að það sem er
hið raunverulega andlit hennar sé gríma.
Leikstjórinn Bogdanovich vildi freista þess
með verkinu að draga upp sannferðuga
mynd af lífi afburðasnjalls unglings sem það
eitt hrjáir að vera afkáralegur í framan. Og
þetta hvorttveggja skyldi sjást: lífsgleði hans
og leiði. í stuttu máli sagt hefur ætlunarverk-
ið tekist.
Gríma er afskaplega vönduð kvikmynd og
ber þar hæst þrjá höfuðþættina: handrit,
leikstjórn og leik. Að ekki sé talað um förð-
unina. Hún er kraftaverk. Sagan, sem ku
vera sönn, segir af mæðginum, Rusty og óeðlilega mikil og kemur hún fram í stækkun
Rocky Dennis, en Rocky er með þeim ósköp- höfuðkúpunnar. Læknar eru úrræðalausir
um gerður að kalkmyndun í líkama hans er og bíða raunar þess eins að Rocky deyi
„Leikstjóra og helstu
leikendum tekst að
sýna áhorfendum inn í
óþekktan heim þeirra
sem hafa ekki útlit að
skapi samfélagsins,"
segir Sigmundur Ernir
m^. í umsögn sinni
um nýjustu kvikmynd
Bogdanovich, Mask.
Ljósmyndin sýnir atriði
úr henni.
eftir Sigmund Erni Rúnarsson
vegna þrýstings á mænu og heila af völdum
beinmyndunarinnar.
Rusty, móðir Rockys, er sjálf veik á ýmsa
lund, til dæmis háð eiturlyfjum. Hún lifir fyr-
ir líðandi stund, dópar sig fulla hvert kvöld
og sængar hjá þeim gæja er til fellur. En fyrst
og síðast segir þessi saga af sambandi mæðg-
inanna, tilfinningalegum sveiflum milli
þeirra, ást og umhyggju og óvirðingu á
stundum. Þetta er mynd mikilla svipbrigða
og sem slík er hún æði áhrifamikil á köflum,
fyndin líka, falleg og frískleg. Hinn trega-
blandni þáttur hennar er ekki sterkari en svo
að brosið hverfur aldrei að fullu af vörum
áhorfenda.
Bogdanovich hefur sýnt það áður að hann
er metnaðarfullur leikstjóri, Cher að hún er
mikilhæf leikkona. Ásamt Eric Stolz í rullu
Rockys tekst þeim að sýna áhorfendum inn
í óþekktan heim þeirra sem hafa ekki útlit að
skapi samfélagsins. Og tekst það svo innilega
að ekki er annað hægt en að hrífast. Mask er
einstaklega sterk mynd með miklum vísun-
um og symbólísk á sína sjarmerandi vísu. Og
svo vel skrifuð, að setningar þaðan sitja í
manni lengi, lengi.
-SER.
HELGARPÓSTURINN 17