Fréttablaðið - 31.12.2006, Blaðsíða 32
Þ
egar Fréttablaðið
náði tali af Eyþóri
Arnalds tónlistar- og
stjórnmálamanni var
hann staddur í Mar-
okkó í Afríku en hann
og unnusta hans, Dagmar Una
Ólafsdóttir, ákváðu að taka sér frí
og dvelja þar yfir áramótin. Þau
eru væntanleg til landsins fljót-
lega á nýju ári. Eyþór mun því
horfa á Áramótaskaupið á netinu
staddur í Afríku. „Já, það eru allar
líkur á því.“ Eyþór segist aðspurð-
ur gera ráð fyrir því að grínararn-
ir muni gera sér mat úr hinu fræga
atviki þegar hann var gripinn ölv-
aður eftir að hafa keyrt á staur. Í
miðri kosningabaráttu í síðustu
bæjarstjórnarkosningum. „Nei,
ég kvíði því svo sem ekki. Held að
það gangist ekkert.“
En áður en Eyþór er inntur
eftir því hvaða augum hann lítur
það örlagaríka atvik er ráð að
heyra ofan í hann um nýja plötu
sem Todmobile sendi frá sér nú
fyrir jólin. Ópus 6 er fyrsta hljóð-
versplata Todmobile í heil tíu ár
og vísar til þess að hér er um að
ræða sjöttu hljóðversskífuna sem
Todmobile sendir frá sér á 18 ára
ferli en hljómsveitin var stofnuð
árið 1988.
„Platan var unnin á þessu ári,“ segir
Eyþór. „Þorvaldur Bjarni hafði
gengið með mörg þessara laga í
maganum í talsverðan tíma. Enda
eru 13 ár síðan við þrjú gerðum
saman plötu. Sú síðasta af því taginu
var platan Spillt og umslagið gert af
Halldóri Baldurssyni teiknara.
Þetta var margverðlaunuð plata en
reyndist svanasöngur okkar þá. Við
héldum hvert í sína áttina. Ég kom
ekki nálægt tónlist í sjálfu sér í rúm
tíu ár eða allt þar til við komum
saman með Sinfóníunni.”
Ekki var betur á Eyþóri að
skilja á þeim tíma en að hann væri
hættur afskiptum af tónlist. Og
reyndist það nokkurt áfall hinum
fjölmörgu aðdáendum Todmobile.
En hann hafði snúið sér að öðru,
viðskiptum og stjórnmálum, en
Eyþór segist svo sem aldrei gefið
út neinar yfirlýsingar þess efnis
að útilokað væri að þau þrjú sem
skipa Todmobile, Eyþór, Þorvald-
ur Bjarni og Andrea Gylfadóttir,
kæmu saman aftur.
„En það er rétt. Það var ekki á
dagskránni. Svo var svo gaman
með Sinfóníunni að til tals kom að
gera plötu.“
Öll voru þau upptekin við hin
ýmsu verkefni en til að fá frið var
farið til Barcelona á Spáni til að
taka upp Ópus 6 síðastliðið haust.
„Við vorum þar í tvær vikur og
fengum með okkur hljóðfæraleik-
ara. Svo hefur tæknin í sjálfu sér
frelsað fólk að því leytinu til að
hægt er að taka upp nánast hvar
sem er. Tölvutæknin er þannig að
hægt er að fara með stúdíó og
setja upp hvar sem er. Við vorum
í nokkur hundruð ára íbúð í gamla
hverfinu í Barcelona. Það gaf
plötunni kannski svona gothnesk-
an blæ. Já, það má alveg segja að
einhver gothnesk ára hafi sett
svip sinn á margt sem við höfum
gert. Öll höfum við klassískan
bakgrunn, eitthvert flúr fylgir
því og kannski dýpri pælingar en
hjá öðrum hljómsveitum sem fel-
ast í því að sameina popp og klass-
ík.“
Eyþór segir plötuna óvenju-
lega að því leytinu að hún hefst á
þyngri lögum en svo léttist platan
þegar á líður. Venjulega tjalda
tónlistarmenn léttmetinu fremst.
„Þetta byrjar í myrkri og endar í
ljósi.“
Eyþór segir þetta verkefni hafa
verið ákaflega skemmtilegt. Ekki
síst það að syngja en hann hefur
ekki sungið lengi. „Það var mjög
gaman að takast á við þetta. Lögin
eru fjölbreytileg eins og oft er á
Todmobile-plötum. Þung lög yfir í
léttari ballöður. Kannski hefur
maður lært eitthvað af því að
þegja?“
Todmobile hefur lítt fylgt plöt-
unni eftir en einir eru þó útgáfu-
tónleikarnir sem teknir voru upp í
sjónvarpssal og Eyþór segir hugs-
aða sem baðstofutónleika – fyrir
alla heima í stofu.
„En engir aðrir tónleikar og
engin myndbönd. En við höfum
hug á að halda tónleika í Barce-
lona þar sem við tókum upp plöt-
una. Vera má að það tengist ein-
hverjum öðrum viðburði eins og
til dæmis knattspyrnuleik. Já,
hugmyndin er að þegar tekur að
hitna í Barcelona verði haldnir
tónleikar þar og þá.“
Allt er þetta á hugmyndastigi
en ætla má að einhver ferðaskrif-
stofa komi að málum.
Í vor ákvað Eyþór að gefa kost á
sér að leiða lista sjálfstæðismanna
í Árborg í þá komandi sveitar-
stjórnarkosningum. Og það gekk
eftir, Eyþór sigraði glæsilega í
prófkjörinu, hlaut 593 atkvæði í
fyrsta sætið en alls kusu 1.087, og
í kjölfarið leiddu skoðanakannanir
í ljós að aldrei hafði verið eins
mikill byr í segl sjálfstæðismanna
og fyrir kosningarnar. En áður en
til þeirra kemur er frá því greint í
fréttum að Eyþór hafi verið grip-
inn, ásamt unnustu sinni, af lög-
reglu í Ártúnsbrekku, drukkinn
eftir að hafa ekið á ljósastaur á
Sæbraut við Kleppsveg í Reykja-
vík.
Þegar Eyþór horfir til baka, til
hinnar örlagaríku nætur, aðfara-
nætur sunnudags 14. maí, velkist
hann ekki í vafa um að varla sé
hægt að gera nokkuð eins heimsku-
legt og þetta.
„Hvort sem maður er í fram-
boði eða ekki á enginn að setjast
undir stýri undir áhrifum. En það
sem er mikilvægast er að gera sér
grein fyrir því að þetta voru klár-
lega mistök. Fyrsta skrefið er að
viðurkenna mistökin. Síðan er það,
að reyna að læra af mistökunum.
Sagt er að menn læri af reynsl-
unni og vonandi get ég lært sem
allra mest af þessum mistökum.
Að minnsta kosti lagði ég á það
áherslu strax að gera svo. Í raun
og veru er við engan annan að sak-
ast en mig sjálfan í slíku. Með því
að læra af mistökunum er maður-
inn að bæta sig.“
Margur stúturinn undir stýri
hefur verið gripinn, jafnvel þótt
um stjórnmálamann sé að ræða,
án þess að það hafi komist í
hámæli. Áætlað er að hátt í 2.000
manns séu teknir árlega ölvaðir
við akstur. Hins vegar er það tíma-
setningin sem verður til að gera
þetta atvik allt hið dramatískasta,
að oddviti lista sé korteri í kosn-
ingar gripinn fyrir ölvun við akst-
ur.
„Ég dró mig í hlé sem var það
eina rétta í stöðunni, dró mig út úr
kosningabaráttunni. Hið jákvæða
var að þetta atvik eyðilagði ekki
kosningabaráttuna. Sjálfstæðis-
flokkurinn vann stóran sigur,
hlaut 42 prósent atkvæða, sem er
stærsti sigur flokksins þar um
slóðir.“
Aðspurður segir Eyþór ómögu-
legt að segja til um hvernig hefði
farið ef atvikið hefði ekki komið
upp en um 20 prósent kjósenda
Sjálfstæðisflokksins strikaði yfir
nafn hans á kjörseðli. Eyþór lýsti
því þá yfir að gott væri að hann
væri látinn gjalda mistaka sinna
en ekki flokkurinn.
„Miklu meira álag var á félaga
mína á framboðslista vegna þessa
og stuðningsmenn. En þeir stóðu
sig vel.“
Í þessum mikla darraðardansi er
áhugavert að vita um viðbrögð
flokksforystunnar og Eyþór dreg-
ur ekki dul á að þar á bæ hafi menn
haft af þessu áhyggjur. „Tíma-
setningin var slæm en allir lögð-
ust á eitt við að vinna úr þessu
máli saman. Já, ég er ánægður
með hvernig flokkurinn kom að
þessu. Farið var yfir þessi mál í
sameiningu með formanni, vara-
formanni, framkvæmdastjóra og
svo fjölmennum hópi í Árborg.
Menn komust að sameiginlegri
niðurstöðu. Við héldum vel sóttan
fund í Tryggvaskála á Selfossi
eftir að niðurstaðan lá fyrir: Að ég
ætlaði að taka mér frí auk þess að
fara í áfengismeðferð. Allir voru
með í þessu ferli og ég held að það
hafi skipt miklu máli.“
Eyþór missti bílprófið en fær það
nú eftir áramót. Hann hefur ekki
hug á að tjá sig um meðferðina
sem slíka enda tengist hún starfi
AA og þar ríkir nafnleynd. „Ég
held að SÁÁ og AA séu að vinna
afar merkilegt starf hér á Íslandi.
Þetta er í grunninn mannrækt. Og
ég held að enginn hafi nema gott af
því að rækta sjálfan sig. Hvort
sem það er með 12 spora kerfinu
eða fara yfir stöðu sína almennt.
Ég held að enginn hefði slæmt af
því að fara í gegnum meðferð,
hvort heldur er vegna áfengis eða
annarra mála. 12 spora kerfið
hefur verið notað við ýmsum
vandamálum svo sem átröskun eða
annars konar fíkn. Allt er þetta af
sama meiði – mannrækt. Að horfast
í augu við mannlega bresti og tak-
ast á við þá. Má segja að Íslending-
ar séu mjög framarlega í þessu. Í
mörgum öðrum þjóðfélögum er
þetta meira falið og AA ekki eins
stór og virt hreyfing.“
Eyþór segir bjart fram undan.
Hann hyggst snúa til baka í
stjórnmálin, koma inn strax í
vor, í pólitíkina í Árborg. Hann
segir fyrirliggjandi sömu málin
og síðast. Úrlausnarefnin hafa
ekkert farið: „Fyrst og fremst
þarf að taka á móti fjölguninni
sem orðið hefur að undanförnu.
Taka á móti henni með sómasam-
legum hætti.“
Tígullaga öldudalur Eyþórs
Hvort sem maður er í framboði eða ekki á enginn að setjast
undir stýri undir áhrifum. En það sem er mikilvægast er að
gera sér grein fyrir því að þetta voru klárlega mistök.
„Já, það má eiginlega segja að árið 2006 hafi verið
tígullaga öldudalur. Fyrst þú spyrð,“ segir Eyþór
Arnalds stjórnmála- og tónlistarmaður í samtali
við Jakob Bjarnar Grétarsson. Hann horfir nú um
öxl en einnig fram á veginn. Dramatískt fall hans
eftir að hafa farið með himinskautum í pólitík-
inni í Árborg er eitt af eftirminnilegum atburðum
ársins en einnig glæsileg endurkoma Eyþórs á
tónlistarsviðið með Todmobile.