Fréttablaðið - 31.12.2006, Blaðsíða 41

Smáauglýsingasími
550 5000
Auglýsingasími Allt
550 5880
Þú getur pantað
smáauglýsingar á visir.is
Áramótin eru spennandi í aug-
um margra barna, einkum þó
flugeldarnir þó hávaðinn geti
stundum farið út í öfgar.
Þórhallur Tryggvason að verða átta
ára og hlakkar til áramótanna af
ýmsum ástæðum. „Það á að skíra
litla frænda minn sem var að fæðast.
Ég veit ekkert hvað hann á að heita,
örugglega ekki Þórhallur. Ég held að
hann muni heita Tómas.“
Þórhallur er ekki í vafa um hvað
er skemmtilegast á áramótunum.
„Mér finnst gaman að sjá flugeld-
ana springa uppi í loftinu. Mér
finnst bara rosalega oþægilegt að
heyra hávaðann. Ljósin eru
skemmtilegri. Fáir flugeldar eru
bláir því þeir sjást ekki á svörtum
himni en rauðir flugeldar eru mjög
flottir og grænir líka.“
Þórhallur hefur mjög ákveðnar
skoðanir á því hvenær má kaupa og
skjóta upp flugeldum. „Það má ekki
kaupa þá á degi sem er ekki réttur
áramótadagur. Maður veit ekkert
hvar maður á að geyma flugeldana.
Kannski ef maður á barn og geymir
flugeldana inni í geymslu þá getur
barnið bara farið inn í geymsluna og
tekið flugeldana. Það er alveg stór-
hættulegt og svolítið erfitt.Í fyrra
vorum við Mikael og ég úti og sáum
fullt af flugeldadóti og vorum að
reyna að rífa það og stíga ofan á það
og hreinsa til. Það kemur mikið drasl
eftir flugeldana.“
Hann horfir ekki mikið á sjón-
varpið um áramótin. „Ég og frændi
minn leikum okkur saman á gaml-
árskvöld. Ég horfði á áramótaskaup-
ið daginn eftir í fyrra. Mér fannst
það nú ekkert mjög fyndið.“
Þórhallur er ekki alveg með á
hreinu hvað áramótaheit er en
finnst að allir ættu að hætta að
reykja. „Mér finnst dáldið erfitt
þegar systir mín er að reykja. Hún
veit alveg hvað það er vitlaust. Hún
fer líka mikið í partí og ég held að
hún fari líka á gamlárskvöld. Ég
held að ég geti ekki hjálpað henni að
hætta að reykja. En það er hægt að
nota sígarettur til að kveikja í
sprengjum og flugeldum. Ég hef
séð það í sjónvarpinu,“ segir Þór-
hallur Tryggvason og tekur svo for-
skot á sæluna með því að stilla sér
upp með stjörnuljós úti á svölum.
Að sjálfsögðu er hann með hlífðar-
gleraugu sem verða föst á nefinu á
honum um áramótin.
Rauðir og grænir flugeldar
sjást mun betur en bláir
Dalsmynni *116 Reykjavík, Sími:566-8417 Fax:5668457 hundagalleri@simnet.is, www.dalsmynni.is
Við ræktum: Papillon, Chihuahua, Pomeranian, Japanese Chin, Pug, French bulldog, Cavalier King Charles, Spaniel, Miniature Pinscher, Miniature Púðli, Pekingese, Silky Terrier
Hundaræktin að Dalsmynni óskar landsmönnum öllum gleðilegra jóla og farsældar á komandi ári
með þökk fyrir viðskiptin á árinu sem er að líða megi guð og gæfan fylgja ykkur.
Smáhundaræktun