Morgunblaðið - 18.02.1983, Blaðsíða 25
MORGUNBLAÐIÐ, FÖSTUDAGUR 18. FEBRÚAR 1983
25
Kveðjuorð:
Þorleifur Bjarna
son Litla-Mel
Fæddur 18. febrúar 1923
Dáinn 4. febrúar 1983
Meðan við sitjum við hlið dauð-
vona vinar og reynum af veikum
mætti að gera honum stundirnar
léttbærari, án þess að geta í raun
annað en haldið í hönd hans og
strokið blítt um vanga, er okkur
dýrmætust stundin sem er.
Þegar dauðinn hefur slegið hönd
sinni á sárþjáðan líkamann og
vegferðinni lýkur, verður manni
hin gengnu spor efst í huga, hinar
liðnu stundir í hugljúfri minn-
ingu.
Sorgin er sú tilfinning sem kall-
ar fram í hugskot okkar ljúfar
samverustundir með þeirri eftir-
sjá sem aldrei má endurheimta.
Þorleifur K. Bjarnason er einn
þeirra manna sem gott er að
minnast og hollt er að minnast,
karlmennsku hans og hugprýði í
veikindum, gáska hans og lundar í
viðkynningu, og máske ekki síst
vegna barngæða og skilnings á líf-
inu sjálfu.
Ég mun minnast þessa manns
með ljúfri þökk fyrir samferð og
góða viðkynningu, heilt og djarft
handtak og það heillyndi sem
prýðir góðan dreng.
Systur minni, börnum hans og
barnabörnum, svo og öllum að-
standendum sendi ég þá ósk að
minning hans verði þeim styrkur í
sorg.
Ari
„K|! minnist þín viA margnn gleAirund
man þig vel á beiskri reynslustund.
hve stóðst þú tigin, stór í þungri sorg,
hve stór þú varst — en barst ei harm á torg.
Ó, vinur kær, ég sáran sakna þín,
en samt ég veit að ávallt hjá mér skín
þín minning Tógur, gjöfug, hrein og góð,
sem gimsteinn, lögð í minninganna sjóð.“
(Margrét Jónsdóttir, Ný Ijóð)
Þann 4. febrúar andaðist Þor-
leifur K. Bjarnason í Landspítal-
anum og vantaði aðeins nokkra
daga í sextugs afmæli sitt. Við
hefðum glaðst með honum þá —
enn í stað þess ríkir söknuður.
Þorleifur, Leifur, eins og hann
var kallaður, bjó sín æskuár í
Keflavík hjá foreldrum sínum,
Björgu Einarsdóttur og Bjarna
Sveinssyni í Hábæ. Leifur var
einn ellefu systkina. Eftirlifandi
eru þrjár systur, Júlíana, Valgerð-
ur og Rósanna og einn hálfbróðir,
Ingimundur.
Leifur var giftur Sigrúnu Hall-
varðsdóttur og bjuggu þau að
Litla-Mel í Skilmannahreppi. Lést
Sigrún langt fyrir aldur fram.
Börn þeirra eru Helga Rúna og
Björgvin.
Ekkjumaður var Leifur er hann
kynntist Sigríði Þóru Sigurjóns-
dóttur árið 1975, og flutti hún að
Litla-Mel, þar sem þau sameinuðu
fjölskyldur sínar í ást og um-
hyggju.
Þótt Leifur væri mikið veikur
nú hin tvö síðustu árin, barðist
hann eins og hetja og lét engan
bilbug á sér finna — engin uppgjöf
— alltaf létt lund. Við skiljum
ekki af hverju maður á besta aldri
er burtu kvaddur, frá ástvinum
öllum. Alltof fá ár áttum við með
góðum vini, en vegir guðs eru
óskiljanlegir. Við lútum því í
djúpri sorg.
Mikil þökk er læknum og
sjúkraliði á Landspítala og
Akranesspítala er önnuðust hann
í hinum þungbæru veikindum, og
þakka ber einnig þá umhyggju
sem þau sýndu Sigríði, sem vék
vart frá manni sínum uns yfir
lauk.
Mikill er söknuður Sigríðar í
ástvina missi, barna hans, tengda-
dóttur og sonadætranna litlu, sem
alla tíð gátu hlaupið yfir hlaðið til
afa. Það er erfitt að útskýra að
elskulegur afi sé allur.
Ekki ríkir síður söknuður hjá
börnum Sigríðar, Sverri, sem bjó
hjá þeim í góðri umhyggju, og
barna hennar og fjölskyldna á
Akranesi og í Vestmannaeyjum.
Barnabörn Sigríðar sakna góðs
afa.
Með söknuði kveðjum við Leif
og þökkum honum samfylgdina.
Við biðjum góðan guð að halda
sinni verndarhendi yfir skyld-
mennum öllum og hugga þau í
sinni djúpu sorg.
Guð blessi minningu Leifs og
styrki hann í nýjum heimkynnum
og við ný störf.
Eria
Bridge
Arnór Ragnarsson
Bridgefélag
Suðurnesja
Barómetertvímenningur 26
para hófst sl. mánudag hjá fé-
laginu og eins og sagt er muna
elztu menn ekki eftir svo góðri
þátttöku hjá féiaginu. Er þessi
þátttaka án efa hvetjandi fyrir
hina nýkjörnu stjórn sem hyggst
ekki sitja auðum höndum næsta
kjörtímabil. Hefur hún nú þegar
sýnt það í verki og er komið út
fréttabréf frá stjórninni, 1. tbl.
og vonandi ekki það síðasta. í
upphafi fréttabréfsins segir
m.a.:
Fréttabréf þetta er hið fyrsta í
röðinni.
Stjórn BS mun öðru hvoru
senda frá sér slík bréf, eftir því
sem ástæða þykir til og eru þau
ætluð meðlimum í Bridgefélagi
Suðurnesja, þannig að þeir geti
fylgst með því sem á döfinni er
hverju sinni, hvaða hugmyndir
hafi komið fram hverju sinni
varðandi starfsemina, og komið
sjálfir á framfæri til allra með-
iima félagsins því, sem þeir telja
nauðsynlegt.
Víða er komið við í innanfé-
lagsmálum félagsins en verður
ekki tíundað hér nánar.
Þá kom fram á síðasta spila-
kvöldi að Einar Jónsson, sem er
einn af þekktari keppnisspilur-
um félagsins, hefir gengist fyrir
bridgekennslu í Keflavík bæði
fyrir byrjendur og þá sem hafa
áhuga á að læra meira en mann-
ganginn ef hægt er að komast
svo að orði.
Þá vakti einnig athygli undir-
ritaðs að stjórnin hefir ákveðið
að kynna spilurum alþjóðlegar
keppnisvenjur þannig að spilar-
ar geti tekið þátt í stærri mótum
án þess að verða sektaðir fyrir
óeðlilega hegðan við spilaborðið.
Á fyrsta spilakvöidinu talaði rit-
arinn, Alfreð G. Alfreðsson, um
„bank“-regluna sem í stórum
dráttum byggist á því að þegar
sagðar eru svokallaðar gervi-
sagnir skal meðspilari banka í
borðið andstæðingunum til við-
vörunar.
Barómeterinn verður spilaður
í 4 kvöld og eru þátttakendur 52
eins og áður sagði.
Staðan eftir fyrsta kvöldið:
Arnór — Sigurhans 71
Karl — Magnús 68
Elías — Kolbeinn 50
Magnús — Sigurjón 36
Guðmundur — Snorri 34
Sigurður — Jón Frímann 27
Sigurður — Aðalsteinn 26
Eins og kunnugt er óskar þátt-
urinn eftir því að föðurnöfn fylgi
þegar sagt er frá efstu pörum í
keppnum. Úr því verður vonandi
bætt næst en undirritaður á alla
sök á að svo er ekki að þessu
sinni.
Önnur umferð verður spiluð í
Stapa nk. mánudagskvöld kl. 20.
Bridgefélag
Hafnarfjarðar
Mánudagskvöld 17.02. sl. lauk
Butler-tvímenningskeppni fé-
lagsins og urðu úrslit eftirfar-
andi:
Stig
Ásgeir Ásbjörnsson —
Friðþjófur Einarss. 208
Guðbrandur Sigurbergss. —
Kristófer Magnúss. 203
Georg Magnússon —
Kristján Blöndal 187
Magnús Jóhannsson —
Bjarni Jóhannsson 186
Sverrir Jónsson —
Ólafur Ingimundars. 181
Ólafur Gíslason —
Sigurður Aðalsteinss. 181
Alls tóku 20 pör þátt í keppn-
inni og sá Hermann Lárusson
um keppnisstjórn af röggsemi.
Nk. mánudagskvöld, 21.02.,
hefst firmakeppnin, eða ein-
menningur eins og þetta keppn-
isfyrirkomulag er oftast kallað.
Spilað verður í íþróttahúsinu við
Strandgötu og hefst spila-
mennskan stundvíslega kl. 19.30.
Allir sem áhuga hafa á að vera
með, eru boðnir velkomnir og
jafnframt bent á að þátttöku-
réttur fer eftir skráningarröð
spilara og er því vissara að
mæta vel tímanlega.
Bridgeklúbbur
Akraness
Staðan í Akranesmótinu í
tvímenningi þegar fimm kvöld af
sex eru búin, er þessi:
Óliver Kristófersson
— Þórir Leifsson 264
Ólafur Gr. Ólafsson
— Guðjón Guðmundsson 250
Karl Alfreðsson
— Þórður Elíasson 234
Eiríkur Jónsson
— Alfreð Viktorsson 224
Skúli Ketilsson
— Vigfús Sigurðsson 199
Laugardaginn 12. febrúar var
spiluð hin árlega bæjakeppni
milli Akurnesinga og Hafnfirð-
inga og var spilað á Akranesi í
ár. Fimm sveitir frá hvorum
aðila spila í aðalkeppninni en
sjötta sveitin spilar um sérstak-
an bikar. Úrslit urðu sem hér
segir og eru sveitir Akurnesinga
taldar upp á undan:
Sveit Alfreðs Viktorssonar
— Aðalsteins Jörgensen 11— 9
Sveit Halldórs Sigurbjörnssonar
— Sævars Magnússonar 3—17
Sveit Guðmundar Sigurjónssonar
— Kristófers MagnússonarO—20
Sveit Alfreðs Þ. Alfreðssonar
— Jóns Gíslasonar 20— 0
Sveit Búa Gíslasonar
— Kristjáns Haukssonar 9—11
Hafnfirðingar báru því sigur-
orð af Akurnesingum í aðal-
keppninni þetta árið með 57 stig-
um gegn 43 stigum.
Sveit Björgv. Bjarnas. 10 stig 94 IMP-stig
Sveit Ernu Hrólfsd. 10 stig 93 IMP-stig
Eins og sá má sigruðu Akurnes-
ingar á sjötta borði en naumari
gat sigurinn ekki orðið.
Bridgeklúbbur Akraness
þakkar Hafnfirðingum kærlega
fyrir komuna og tilkynnir það að
klúbburinn hyggst hefna harma
sinna á næsta ári þegar hann
leggst í Hafnarfjarðarvíking.
Föstudaginn 4. febrúar lést í
Landspítalanum tengdafaðir
minn, Þorleifur K. Bjarnason.
Hann v'ar fæddur 18. febrúar
1923, og vantaði því ekki nema 14
daga í sextugsaldurinn.
Vegna þess alls er hann var
mér, konu minni og syni, langar
mig til að minnast hans með
nokkrum orðum.
Fyrstar koma upp í hugann
minningar úr ferðalagi er við fór-
um í saman fyrir nokkrum árum.
Leifi hafði glöggt auga fyrir feg-
urð landsins og hafði yndi af
ferðalögum. Það eru ógleymanleg-
ar stundir er við gengum saman í
náttúrunni og ræddum um fegurð
landsins. Ást Leifa á börnum var
mikil og þreyttist hann aldrei á að
útskýra fyrir syni mínum hin
ýmsu fyrirbrigði sem eingöngu
börn spyrja um. Fyrir tveimur ár-
um þurfti kona mín að leita sér
lækninga í Reykjavík. Þá var Leifi
þar líka að reyna að fá bata á
sjúkdómi þeim sama sem að lok-
um dró hann til dauða. Þannig
vildi til að þau voru á sama spítala
en sitt hvorri deildinni. Leifi var
þá að hefja sitt stríð við dauðann
sem hann vissi að var ekki langt
undan, en hugsunin um það vék
fyrir umhyggju hans fyrir stjúp-
dóttur sinni, sem hann hughreysti
í hennar veikindum þó sjálfur
væri við dyr dauðans.
Slíkar minningar um þann
mann sem Leifi hafði að geyma
eru gull sem við geymum í hjört-
um okkar og munu létta okkur
sorgarbyrðina. Tengdamóður
minni, börnum Leifa og barna-
börnum og öðrum ættingjum og
aðstandendum votta ég mína inni-
legustu samúð.
Jóhann Norðfjörð
HREINLÆTISVÖRUR:
Leyft Okkar
verð: verð
C-11 650 gr. 25,65 23,10
C-11 3 kg. (plastpoki) 97,85 88,05
C-11 3 kg. (karton) 103,50 92,90
C-11 10 kg. 309,00 278,10
Vex 700 gr. 26,10 23,50
Vex 5 kg. 145,85 131,25
Iva 550 gr. 23,60 21,25
íva 5 kg. 149,15 137,20
Sparr 550 gr. 22,35 20,35
Sparr 2,3 kg. 97,40 87,65
Dixan 600 gr. 39,65 35,70
Dixan 3 kg. 185,70 167,15
Dixan 10 kg. 497,20 457,40
Ajax 800 gr. 37,35 33,65
Ajax 3 kg. 151,65 136,50
Prana 20 dl. 30,20 27,20
Prana 75 dl. 112,95 101,65
Prana 4 kg. 135,30 121,80
Botaniq 4 kg. 141,30 127,15
Skip 900 gr. 48,30 43,45
Skip 3 kg. 146,95 132,25
Omo 1250 gr. 56,80 52,25
Ariel 600 gr. 31,30 28,80
Ariel 900 gr. 42,85 39,45
Ariel 3 kg. 139,40 128,25
Fairy snow 620 gr. 30,70 27,65
Fairy snow 930 gr. 54,75 50,35
Bold 930 gr. 43,10 39,65
Ariel autom. 930 gr. 52,80 47,50
Wipp express 450 gr. 30,10 27,70
Dato 690 gr. 45,50 41,90
Perwoll 240 gr. 17,50 15,85
Lux spænir 425 gr. 32,85 29,60
Henko 640 gr. 20,95 19,30
Luvil 700 gr. 41,75 37,60
Bio Botaniq 40 dl. 82,15 73,90
Bio Botaniq 12 dl. 26,90 24,20
Geriö verðsamanburð.
Opiö til 8 í kvöld og
til hádegis á morgun.
árumarkaðurinn hf.
|Ár múla 1A. Sími 86111.