Morgunblaðið - 23.03.1985, Blaðsíða 2

2
MORGUNBLAÐIÐ, LAUGARDAGUR 23. MARZ 1985
Matthías Bjamason um greiðslu námskostnaðar:
Forsendur brostnar
vegna uppsagna
„ÉG VEIT ekki til þess ad ég hafi verið að spilla fyrir friði, eða hella olíu á
eldinn," sagði Matthías Bjarnason, heilbrigðisráðherra, er hann var inntur
álits á ummælum Gunnars Inga Gunnarssonar, formanns Kjararáðs heimilis-
lækna f Morgunblaðinu í g*r. Þar sagði Gunnar Ingi, að sú ákvörðun
heilbrigðisráðuneytisins að taka ekki lengur þátt í námsleyfiskostnaði
heimilisltekna væri brot á samningum og hleypti hörku í deilu lækna við
ráðuneytið.
„Mér þykja þessi ummæli Gunn-
ars Inga síst stétt hans til fram-
dráttar," sagði ráðherra. „Ákvæði
um námsleyfi heilsugæsiulækna er
að finna í sérkjarasamningi
Læknafélags íslands og fjármála-
ráðherra fyrir hönd ríkissjóðs,
samanber gildandi kjarasamning,
sem undirritaður var 20. maí á sl.
ári. t annari grein þessa samnings
segir: „Við gerð samnings þessa er
samningsaðilum ljós gagnkvæm
þörf ríkisins og starfsmanna þess
fyrir að þeir starfsmenn sem eru
áhugasamir um störf sín, eigi kost
á reglubundinni þjálfun, námskeið-
um eða annars kona menntun, til
að viðhalda og auka við starfs-
hæfni sína. Við veitingu starfsleyfa
skal höfð hliðsjón af þeim reglum,
sem gilda um námsleyfi sjúkra-
húslækna, eins og þær eru á hverj-
um tíma.“
Samkvæmt kjarasamningi
sjúkrahússlækna eiga sérfræð-
ingar rétt á að fá greiddan kostnað
við námsferðir til útlanda, sem
nemur 15 dögum árlega eftir nán-
ari ákvörðun vinnuveitenda eða 30
dögum annað hvert ár,“ sagði ráð-
herra. „ónotaður réttur getur þó
aldrei verið meiri en 30 námsdagar
og fellur niður það sem umfram er.
Heilbrigðisráðuneytið hefur beitt
ofangreindum reglum þegar í hlut
eiga heilsugæslulæknar að öðru
ieyti en því, að niðurfellingarrétti
hefur aldrei verið beitt, þannig að
heilsugæslulæknar hafa fengið að
safna réttindum til lengri dvalar
en 30 daga.
Samkvæmt því sem áður segir
byggjast námsleyfi heilsugæslu-
lækna á þvi grundvallaratriði að
um sé að ræða þjálfun, nám eða
annars konar menntun til að við-
halda og auka starfshæfni til
starfa, sem eiga undir áðurnefndan
samning þ.e. á vegum hins opin-
bera, enda hefur ríkisvaldið metið
þörfina gagnkvæmt, jafnt sem og
hinn samningsaðilinn, Læknafélag
íslands. Því eru brostnar forsendur
fyrir veitingu námsleyfa fyrir
heilsugæsiulækna, sem sagt hafa
upp störfum síðar á árinu, þar sem
námsleyfi til þeirra mæta ekki
þeirri þörf, sem var afgerandi
samningsatriði af hálfu rikisins,
þ.e.a.s. um áframhaldandi störf sé
að ræða hjá hinu opinbera að
námsleyfi loknu. Þau ummæli, sem
höfð eru eftir formanni kjararáðs
heimilislækna í Mnrgunblaðinu f
gær, þess efnis, að ráðuneytinu
sé ekki stætt að neita þátttöku í
kostnaði og um skýlaus samn-
ingsbrot sé að ræða eru því hin
mesta fásinna. Ráðuneytið telur sig
ekki hafa neinum námsleyfisskyld-
um að gegna gagnvart umræddum
hópi heilsugæslulækna, sem hefur
sagt upp störfum, en hér er um að
ræða verulegan kostnað, sem með
öllu tilheyrandi má meta svona að
jafnaði á 100 þúsund krónur á
hvern heilsugæslulækni. Á næst-
unni hafa yfir 20 heilsugæslulækn-
ar, sem sagt hafa upp störfum,
áformað að sækja sama fundinn i
Sviþjóð. Það yrði því þversagna-
kennt, ef ráðuneytið féllist á að
greiða námsleyfiskostnað í þeim
tilvikum, vegna náms sem ekki nýt-
ist við störf, sem voru afgerandi
atriði við samningsgerð af hálfu
ríkisins, þar sem þessir læknar eru
að hætta störfum hjá ríkinu, sam-
anber þeirra uppsagnabréf,"
HLEYPT hefur verið af stokkunum undirskriftarsöfnun meðal íslenzkra mæðra til stuðnings Tarkovsky-
hjónunum í þeirri viðleitni að fi son þeirra og aldraða móður Larissu Tarkovsky frá Sovétríkjunum til
Vesturlanda. Myndin var tekin á fréttamannafundi í gær þar sem söfnunin var kynnt. F.v. Vilborg Harðardóttir,
Hallveig Thorlacius, sem var íslenskur túlkur á fundinum, þá Larissa Tarkovsky og austurrískur túlkur og
vinkona hennar, Christiane Bertonchini.
Þorsteinn Pálsson, formaður Sjálfstæðisflokksins, um stjórnarsamstarfið:
Samstar fs f lokkur inn
er farinn að ókyrrast
„ÞAÐ ER ekki tímabært að
svara spurningum um kosn-
ingar eins og sakir standa.
Sjálfstæðisflokkurinn hefur
aldrei hlaupizt frá verkum,
þegar hann hefur átt aðild að
ríkisstjórn. Við munum láta
málefnalegar forsendur ráða
framhaldi þessa samstarfs,“
sagði Þorsteinn Pálsson,
formaður Sjálfstæðisflokks-
ins, í samtali við Morgun-
blaðið, er hann var spurður
um kosningar og tal um að
sjálfstæðismenn væru að
undirbúa kosningar.
„Það er á hinn bóginn ljóst,"
hélt Þorsteinn áfram, „að sam-
starfsflokkur okkar hefur verið
órólegur í þessu samstarfi upp á
síðkastið. Þeir hafa birt lista um
ágreiningsefni, sem til stjórnar-
slita gætu leitt. Þeir hafa lýst
því yfir, að beir hafi gert afger-
andi pólitísk mistök við myndun
AB stofnar
ljóðabókaklúbb
LiÓÐAKLÚBBUR AB er nýr bókaklúbbur, sem Almenna bókafélagið er
að stofna um þessar mundir. Klúbburinn mun eingöngu gefa úr Ijóða-
bækur, nýjar og gamlar, og bækur um IjóðlisL Einnig munu gefnar út
plötur og snældur með Ijóðalestri og þá einkum höfundanna sjálfra.
Fyrsta bók Ljóðaklúbbs AB verður Hólmgönguljóð eftir Matthías Jo-
hannessen, en hún er aukin og breytt frá fyrri útgáfu með skýringum
höfundar.
í nýútkomnu fréttabréfi AB
segir, að tilgangur hins nýja
bókaklúbbs sé að efla íslenzka
Ijóðlist, örva ljóðalestur og
áhuga á Ijóðlist meðal lands-
manna; gefa klúbbfélögum færi
á að eignast vandaðar ljóðabæk-
ur, bæði að innihaldi og útliti,
fyrir eins lágt verð og frekast er
kostur. Félagsmaður Ljóða-
klúbbsins getur hver sá orðið,
sem þess óskar. Engin kvöð er á
fjölda bóka, sem félagsmönnum
er gert að kaupa. Allar bækurn-
ar verða innbundnar og þær
verða áritaðar af höfundi eða
umsjónarmanni verksins, sé þess
kostur. Gert er ráð fyrir útkomu
fjögurra bóka á ári.
Sala bókanna fer fram með
sama hætti og sala bóka i Bóka-
klúbbi AB. Félagsmenn fá heim-
sent bréf, þar sem greint er frá
næstu bók klúbbsins, og þarf þá
félagsmaður að láta vita, bréf-
lega eða simleiðis, óski hann
ekki eftir bókinni, ella er hún
send honum ásamt gíróseðli.
Þeir, sem vilja gerast stofnfé-
lagar Ljóðaklúbbsins geta fyllt
út eyðublað i Félagsbréfinu eða
haft samband við klúbbinn á
annan hátt. Utanáskriftin er:
Ljóðaklúbbur AB, Austurstræti
18, Pósthólf 340,121 Reykjavík.
stjórnarinnar og því er ekki
óeðlilegt að sjálfstæðismönnum
detti í hug að þeir séu á leið út úr
ríkisstjórn með öllu þessu tali.“
Morgunblaðið spurði Þorstein
Pálsson álits á yfirlýsingum
Friðriks Sophussonar, varafor-
manns Sjálfstæðisflokksins,
þess efnis að flokkurinn ætti að
fara úr stjórninni. Þorsteinn
sagði: „Friðrik hefur ekki haldið
því fram, heldur að hann telji að
slíta eigi stjórnarsamstarfinu og
að rangt sé að halda þvi miklu
lengur áfram. Ég geri ráð fyrir
því að hann sjái þessar yfirlýs-
ingar samstarfsmanna okkar í
ríkisstjórn í þessu ljósi eins og
fleiri sjálfstæðismenn."
Formaður Sjálfstæðisflokks-
ins var þá minntur á þau um- *
mæli Friðriks um að greinilega
væri farið að gæta mikillar
þreytu í samstarfinu. Þorsteinn
sagðist ekki getað svarað fyrir
hugsanir Friðriks í þessu efni.
„Við höfum verið að undirbúa
landsfund. Við höfum einsett
okkur málefnalega stöðu á
landsfundinum og það mun ráða
úrslitum um það með hvaða
hætti við berjumst fyrir fram-
gangi stefnumála okkar, á hvern
hátt við náum þeim fram. Þess
vegna er ekki tímabært að svara
spurningum af þessu tagi. Menn
geta verið misjafnlega ánægðir
með stjórnarsamstarfið. menn
sjá af yfirlýsingum forystu-
manna Framsóknarflokksins, að
þeir virðast hugleiða að ganga út
úr samstarfi. Það skiptir hins
vegar engu um afstöðu okkar.
Við munum láta málefni ráða
framhaldi þessa samstarfs,"
sagði formaður Sjálfstæðis-
flokksins.
Friðrik Sophusson, varafor-
maður Sjálfstæðisflokksins,
dvelst nú í Togo í Afríku á fundi
Alþjóðaþingmannasambandsins.
Steingrímur Hermannsson:
Tel rangt að slíta
stjórnarsamstarfínu
„ÉG SKILDI ekki ummæli Þor-
steins Pálssonar og get því ekki lýst
skoöun minni á þeim, en ég hef sagt
hvað eftir annað að ég teldi það mis-
tök að slíta stjórnarsamstarfinu
núna þegar stjórnin hefur hafið sam-
ráðsstarf við aðila vinnumarkaðar-
ins um lausn kjaramála og er að
taka á stórum vandamálum hús-
byggjenda og bænda. Ég tel rangt að
hlaupa frá því nú,“ sagði Steingrfm-
ur Hermannsson, forsætisráðherra,
er hann var inntur álits á ummælum
Þorsteins Pálssonar um stjórnar-
samstarfið í fréttatfma sjónvarpsins
ígær.
„Ég skildi Þorstein helst svo, að
hann teldi mig hafa sagt að það
hefðu verið pólitísk mistök að
mynda þessa ríkisstjórn. Þetta er
ekki rétt, ég sagði að það hefðu
verið pólitísk mistök að gera ekki
ráðstafanir til að leiðrétta mis-
gengi lánskjaravfsitölu og kaup-
máttar þegar það misgengi hófst
um mitt árið 1982,“ sagði Stein-
grímur. „Varðandi fullyrðingar
Friðriks Sophussonar í Helgar-
póstinum um að ekki sé eðlilegt
samstarf meðal stjórnarflokkanna
vil ég segja það, að samstarfið við
ráðherra Sjálfstæðisflokksins hef-
ur verið prýðilega gott og einnig
við Þorstein Pálsson."
Haft er eftir Friðrik Sophussyni
í Helgarpóstinum, að Framsókn-
arflokkurinn sé hagsmunaflokkur,
sem vilji vera í stjórn til að
„vernda sjóðina sína“. Steingrím-
ur Hermannsson sagðist ekki hafa
lesið þetta, en menn væru vanir að
blaðra svona og hlaupa svo af
landi brott. „Þessi ummæli eru
furðuleg, en það má kannski geta
þess að við framsóknarmenn erum
búnir að bíða í nokkrar vikur eftir
að Sjálfstæðisflokkurinn afgreiddi
sjóðafrumvörpin og vonandi verða
þau lögð fram innan fárra daga.
Það má vera að hann sé að tala um
það. Friðrik langaði víst í ríkis-
stjórnina einu sinni, var sagt, og
kannski það séu einhver sárindi í
honum, blessuðum," sagði forsæt-
isráðherra að lokum.
Biðstaða í kennaradeilunni
MENNTAMÁLARÁÐUNEYTIÐ sendi í gær skeyti til þeirra framhalds-
skólakennara, sem gengu úr störfum sínum hinn 1. mars með ólögmætum
hætti og hafa verið fjarverandi síðan án lögmætra forfalla. í skeytinu er
skorað á kennara að hefja skyldustörf sín á ný eigi síðar en á mánudag, en
að öðrum kosti verði ekki hjá því komist að veita þeim lausn frá störfum
vegna ólöglegra fjarvista undanfarið.
Hið íslenska kennarafélag sendi
menntamálaráðherra, Ragnhildi
Helgadóttur, bréf í gær, þar sem
það var ítrekað að kennarar ráði
sig ekki aftur til starfa nema allir
þeirra verði endurráðnir á ekki
lakari ráðningarkjörum en þeir
höfðu fyrir. Við þetta grundvallar-
atriði muni stjórn HÍK standa þar
til deilan sé að fullu leyst. Enn-
fremur ítrekar stjórnin, að engin
alvörulausn sé á vanda nemenda
fyrr en þeir kennarar, sem la|t
hafa niður störf, séu komnir aftur
til kennslu. Beinir stjórn HÍK
þeim tilmælum til menntamála-
ráðherra að nú þegar verði gerðar
ráðstafanir um nám, kennslu og
fra.nlengingu annarinnar er komi
til framkvæmda frá þeim degi er
deilan leysist, því nemendur verði
að fá skýr svör um á hvern hátt
vandi þeirra verði leystur. Heitir
stjórn HÍK fullum stuðningi fé-
lagsins við gerð slíkra áætlana.