Morgunblaðið - 23.03.1985, Blaðsíða 4
4
MORGUNBLADIÐ, LAUGARDAGUR 23. MARZ 1985
*
Utvarpsráð:
Páll Magnús-
son braut ekki
hlutleysisregl-
ur útvarpsins
ÚTVARPSRÁÐ samþykkti i fundi
sinum í gær að engin ástæða væri til
að ætla að Páll Magnússon, frétta-
maður sjónvarpsins, hefði gerst brot-
legur við hlutleysisreglur Ríkisút-
varpsins í fréttaflutningi sínum.
Ingibjörg Hafstað, fulltrúi
Kvennaframboðs í útvarpsráði,
taldi að Páll hefði margbrotið
hlutleysisgrein útvarpslaganna í
fréttaflutningi sínum frá Alþingi.
Meirihluti útvarpsráð ályktaði að
með hliðsjón af því yfirliti af
fréttum Páls, sem lagt var fram,
sæi útvarpsráð enga ástæðu til að
gera athugasemd við störf frétta-
mannsins. Ályktun þessi var sam-
þykkt með 5 atkvæðum, en engin
mótatkvæði voru greidd.
*
Utvarpsráð:
Mælti með Ing-
ólfi Hannessyni
í stöðu íþrótta-
fréttamanns
Á FUNDI útvarpsráðs f gær var
ákveðið að mæla með Ingólfi
Hannessyni í fasta stöðu sem
íþróttafréttamaður útvarpsins, en
Ingólfur hefur starfað sem íþrótta-
fréttamaður sjónvarpsins.
Að beiðni útvarpsstjóra var
ákveðið að annar íþróttafrétta-
maður yrði lausráðinn til starfa
og mælti útvarpsráð með Samúel
Erni Erlingssyni.
Flugleiðir:
Farþegar
beðnir að
breyta pönt-
unum sínum
— vegna verkfalls
í Danmörku
FLUGLEIÐIR hafa ákveðið að
fljúga til Kaupmannahafnar á morg-
un, þrátt fyrir að allsherjarverkfall
danska verkalýðssambandsins skelli
á á miðnætti í kvöld.
Að sögn Sæmundar Guðvins-
sonar, fréttafulltrúa Flugleiða,
munu starfsmenn fyrirtækisins á
Kastrupflugvelli sjálfir afgreiða
farangur farþega inn og út úr
flugvélinni. Millilent verður í Nor-
egi eða Sviþjóð á heimleið, til að
taka eldsneyti, því það er ekki af-
greitt á Kastrupvelli á meðan á
verkfalli stendur.
Farþegum, sem eiga bókað far
til Kaupmannahafnar og ætla
þaðan áfram til annarra landa, er
ráðlagt að hafa samband við
Flugleiðir og breyta sinni áætlun
og fara fremur með Flugleiðum til
London, Osló, Stokkhólms eða
Glasgow, svo tryggara sé að þeir
komist leiðar sinnar. Ekki er
reiknað með að farið verði til
Kaupmannahafnar á mánudag, en
Flugleiðir munu fljúga samkvæmt
áætlun í næstu viku þrátt fyrir
verkfallið.
Kólnandi
veöur
VEÐUR fer kólnandi um allt land
um helgina, að því er Unnur
Ólafsdóttir, veðurfræðingur á
Veðurstofu íslands, tjáði blm.
Mbl. í gær. Fremur hæg norðan-
og norðaustan átt mun ganga yfir
landið með éljum víða Norðan-
lands, bjart verður yfir Suður-
landi.
Tekið á æfíngu kóranna í Langholtskirkju ( gær.
Landsmót barnakóra í Langholtskirkju:
Átján kórar af landinu taka þátt og
halda tónleika í dag klukkan 14.00
LANDSMÓT barnakóra stendur
nú yfir í Reykjavík og er það hald-
ið í Langholtskirkju að þessu sinni.
Tónmenntakennarafélag íslands
befur allt frá árinu 1977 haldið
landsmót íslenskra barnakóra
annað hvert ár og hafa mótin verið
haldin til skiptis úti á landi og í
Reykjavík.
í ár, á ári æskunnar og á tón-
listarári Evrópu, taka þátt rúm-
lega 600 börn úr 18 kórum víðs
vegar að af landinu. Landsmótið
var sett í gær, föstudag, klukkan
13.00. Síðart- var hópvinna kór-
anna á dagskrá og samæfingar
þeira. Seinnipartinn voru kór-
arnir æfðir fyrir tónleikana, sem
verða í dag klukkan 14.00.
Á tónleikunum munu 12 kór-
anna syngja hver fyrir sig, en
síðan munu þeir syngja allir
sameiginlega með undirleik
hljómsveitar frá Tónskóla Sigur-
sveins D. Kristinssonar lög eftir
G.F. Hándel og Johann Sebasti-
an Bach í tilefni af því að 300 ár
eru liðin frá fæðingu þeirra á
þessu ári. Einnig munu kórarnir
syngja saman íslenska þjóðsöng-
inn.
í dag koma allir kórarnir sam-
an klukkan 11.00 til að vinna
saman í hóp. Klukkan 14.00 eru
síðan tónleikarnir eins og áður
sagði og er ætlunin að þeir
standi í um tvo tíma. Boðið er
upp á hressingu klukkan 16.30 og
klukkutíma síðar verður sam-
söngur og skemmtiatriði. Móts-
slit verða klukkan 19.00.
Sædís Guðmundsdóttir
Blaðamaður og ljósmyndari
Mbl. litu inn í Langholtskirkju í
gær en þá stóðu æfingar sem
hæst. Blaðamaður tók nokkrar
ungar kórmeyjar tali og spurði
þær um kórstarfið.
Sædís GuÖmunds-
dóttir barnakór
Húsavíkur:
Sædís sagði að tónlistarlífið á
Húsavík væri mjög gott. „Margir
krakkar eru í tónlistarskólanum,
sem starfræktur er á Húsavík og
er kennt á mörg hljóðfæri. Það
er eiginlega mjög gott að búa á
Húsavík. Fyrir krakka er ýmis-
legt hægt að gera í frístundun-
um, til dæmis fara á skíði,
stunda íþróttir og fara í opið
hús. Á vegum tónlistarskólans er
starfandi lúðrasveit, sem ein-
göngu krakkar eru í.“
Barnakór Húsavíkur ætlar að
syngja tvö lög sér og síðan sam-
an með hinum kórunum. Sædís
sagðist hafa farið í orgelnám í
tvo vetur en síðan hefði hún
hætt því og farið þá að syngja í
staðinn. „Við frá Húsavík getum
eiginlega lítið sungið í dag, því
við sátum í rútu í tíu tíma í
gærdag og það var sko mikið
sungið þá. Kórinn er því frekar
hás í dag, en mannskapurinn
verður vonandi búinn að fá rödd
sína fyrir tónleikana."
Stjórnandi barnakórs Húsa-
víkur er Hólmfríður Benedikts-
dóttir.
Marfa Fjóla Harðardóttir
María Fjóla Harðar-
dóttir barnakór
Þorlákshafnar:
María Fjóla sagðist ekki vera í
tónlistarskólanum i Þorláks-
höfn, en sagðist hafa svolítinn
áhuga á að læra á orgel næsta
vetur, þegar hún væri orðin 10
ára. „Jú, jú, mér finnst mjög
gaman hérna á kóramótinu, én
samt vildi ég ekki búa í Reykja-
vík. Það er fínt að búa í Þor-
lákshöfn."
Hún sagði að í barnakór Þor-
lákshafnar væru um 30 krakkar
í stóra kórnum, en svo væri ann-
ar minni kór sem væri eitthvað
fámennari. Hún sagði að það
væri misjafnt hvaða rödd hún
syngi. Stjórnandi barnakórs
Þorlákshafnar er Hilmar Örn
Arnarsson.
Andrea Jónsdóttir
skólakór Seltjarnar-
ness:
Andrea sagði að í skólakór
Seltjarnarness væru um 40
krakkar, en kórnum er skipt í
tvo hópa — A-hóp og B-hóp.
„B-hópur er hópur byrjenda, en
A-hópur eru þeir krakkar sem
eru lengra komnir í kórastarf-
inu. Þessu var skipt svona í vet-
ur því kórinn var alltf að
Andrea Jónsdóttir
stækka, og ég lenti í hóp A. I
B-hópnum eru flestir 9 ára
krakkarnir og eldri krakkarnir
eru í hinum hópnum. Elstu
krakkarnir í kórnum eru 14 ára.
Ég er að læra á fiðlu i tónlist-
arskólanum — byrjaði þegar ég
var níu ára, en nú er ég 12 ára. I
tónlistarskólanum á Seltjarn-
arnesi er kennt á flest hljóðfæri
og einnig eru tvær hljómsveitir,
strengjahljómsveit og hljóm-
sveit. í strengjahljómsveitinni
eru fiðlur, selló og víóla, en i
hljómsveitinni eru öll blást-
urshljóðfærin," sagði Andrea.
Stjórnandi skólakórs Seltjarn-
arness er Margrét Pálmadóttir.
Ólöf Helga Björns-
dóttir barnakór Mos-
fellssveitar
ólöf Helga sagði að 33 krakk-
ar væru i kórnum í Mosfells-
sveit. „Það er bara einn strákur í
kórnum, en þeir byrjuðu þrír
a.m.k. Jú, það er tónlistarskóli í
Mosfellssveit, en ég er ekki í
honum. Ég verð 10 ára í apríl og
ég vil halda áfram að syngja í
kómum þangað til ég verð 12 ára
og þá ætla ég að hætta. Nú syng
ég fyrsta sópran,“ sagði Olöf
Helga.
Stjórnandi barnakórs Mos-
fellssveitar er Guðmundur örn
óskarsson.
Ölöf Helga Björnsdóttir