Morgunblaðið - 24.11.1991, Blaðsíða 19
MORGUNBLAÐIÐ SUNNUDAGUR 24. NÓVEMBER 1991
19
F.v.:
Matgorzata,
Wiestawa
og Teresa.
Pólverjarnir
una sér
vel í kjöt-
vinnslunni.
Andrzej og
kona hans.
segir Matgorzata loks við mig: „Ter-
esa á yndislegan mann og þau ætla
sér að halda saman alltaf, hvemig
sem lífskjör þeirra verða.” Svo bæt-
ir hún við að maður Teresu sé
bílaviðgerðamaður, dóttirin sé í
skóla og sonurinn á barnaheimili.
Líkar betur að borða svínakjöt
Wiestawa Pruszynska er líka gift
og á tvö börn, hennar börn eru bara
tíu árum eldri en börn Teresu. Hún
er frá Zambróm sem er lítil borg.
Þar hefur hún unnið lengi á skrif-
stofu. „Ég kom til íslands til þess
að fá betra kaup,” segir hún. „En
hér er bara allt miklu dýrara en í
Póllandi svo afraksturinn er ekki
eins mikill og ég hélt hann yrði.”
Hún nefnir sem dæmi að 0,7 lítrar
af alkóhóli kosti sem næst 32 dollur-
um hér meðan 0,5 lítrar af því kosti
um 4 dollara í Póllandi. „Þetta hefur
þó allt gengið vel, við vinnum og
borðum í mötuneytinu nema um
helgar, þá eldum við sjálf alls konar
pólska rétti. Okkur líkar betur að
borða svínakjöt en kindakjötið sem
er svo vinsælt hér.” Hún segist ekki
hafa keypt sér neinn fatnað nema
það sem nauðsynlegt sé vegna vinn-
unnar. „Fatnaður er mjög dýr hér,”
segir hún. 1 frístundunum sínum
sagðist hún hvíia sig og spjalla við
hina úr hópnum. „í síðustu viku fór-
um við á bjórkrá til að hlusta á söng
og gítarspil, það var mjög gaman.
Til Reykjavíkur förum við ekki þeirra
erinda.”
Wiestawa sagði að marga Pólveij-
anna langaði til að sjá Gullfoss og
Geysi. „Mér finnst umhverfið hér
mjög ólíkt því sem ég er vön. Það
er svo tómlegt og eyðilegt, engin
tré.” Wiestawa segist ætla heim til
fjölskyldu sinnar í vor, en koma aft-
ur ef hún geti. „Hvaða áhrif þetta
hefur á hjónabandið er ekki gott að
segja, aðeins tíminn getur leitt það
í ljós,” segir hún og togar háruetið
niður á ennið. Þær stollur eru farnar
að ókyrrast, vinnan bíður og kaffi-
tíminn löngu liðinn. Um leið óg þær
standa upp bið ég þær að finna fyr-
ir mig athyglisverðan pólskan karl-
mann til að spjalla við,-helst mæltan
á enska tungu.
Körfuboltainaðurinn
Meðan ég bíð spennt eftir að Pól-
veijinn sýni sig skoða ég myndirnar
í smellirömmunum. Þær sýna
lagðprúðar ær renna af fjalli undan
íslenskum hundum og ríðandi bænd-
um. Á næstu mynd er búið að slátra
og flá skepnurnar og hengja krofin
upp í löngum röðum. Þriðja myndin
sýnir alvarlega frammámenn í ís-
lenskum landbúnaði sitja við stór
fundaborð. „Út af hveiju ættu þeir
líka að brosa,” þugsa ég og sest
aftur við borðið. í sama mund kem-
ur Andrzej Roszczenko stikandi.
Hann er yfir tveir metrar á hæð en
afar grannvaxinn. „Það vilja margir
í Póllandi komast hingað til íslands
til þess að fá betra kaup en þorri
fólks fær í Póllandi,” segir Andrzej.
„Þegar ég frétti af þessari vinnu
hér, greip ég tækifærið þó ég eigi
aðeins eitt ár eftir til þess að ljúka
fjögurra ára námi við íþróttaháskóla
í Varsjá. Ég má gera tveggja ára
hlé á því námi án þess að það komi
að sök. Ég ætla að vera hér í þessi
tvö ár, ef ég fæ vinnu svo lengi:
Andrzej er nýkvæntur og kona
hans er hér með honum. „Hún er í
sama íþróttaháskóla og ég, hún er
bara styttra komin í náminu. Við
erum bæði íþróttafólk, ég hef spilað
körfubolta í níu ár, uppá síðkastið í
fyrstu deild með liðinu Polonía War-
sjá. En á síðasta ári þurfti ég að
fara í aðgerð vegna meiðsla á hné
og hætti þá að leika að læknisráði
í a.m.k. í eitt ár. Konan mín er hand-
boltamanneskja, hún var til skamms
tíma í vörninni í fyrstudeildarliði
SKRA í Varsjá.
Fyrir okkur er ísland mjög nýst-
árlegt land. Það er fróðlegt að kynn-
ast hér landi og þjóð, einkum þegar
litið er til hinna miklu þjóðfélags-
breytinga sem nú ganga yfir í Pól-
landi, þegar verið er að skipta yfir
úr sósíalísku þjóðskipulagi í kapítal-
isma. í þeim öru breytingum sem
nú eiga sér stað þar hefur verðlag
á matvörum og ö'ðrum nauðsynjum
stigið mjög, án þess að laun hafi
vaxið að sama skapi. Mönnum til
fróðleiks má geta þess að verkamað-
ur í Póllandi hefur um 150 til 200
dollara mánaðarlaun meðan íslensk-
ur verkamaður hefur þetta 800 til
1.000 dollara. En hér er allt líka
miklu dýrara, verðlag hér er svona
tvisvar til þrisvar sinnum hærra en
í Póllandi.
Við hjónin unum okkur hér all
vel. Okkur er búin mjög góð aðstaða
í nýjum húsum og maturinn hér í
mötuneytinu er ágætur. Við vildum
hins vegar gjarnan halda okkur við
í íþróttunum. Ég fer einu sinni í viku
á Selfoss til þess að æfa körfubolta
með áhugamannaliði þar. Ég hef
meira að segja farið með því liði í
eins dags keppnisferð og fannst það
mjög mikii tilbreyting. Konan mín
hefur hins vegar ekkert getað æft.
Það er ekkert handboltalið hér á
Hvolsvelli, og engin aðstaða til æf-
inga. Við eigum heldur engan bíl
og ættum því óhægt með að mæta
á æfingar utanbæjar, nema þangað
sem góðar rútuferðir væru.”
Ég spurði Andrzej álits á íslensk-
úm körfubolta. „Hann er nýr fyrir
mig. Liðið á Selfossi er áhugamann-
alið eins og fyrr sagði, ég var hins
vegar í góðu atvinnumannaliði í
Varsjá. Samanburðurinn getur ekki
annað en verið Selfossliðinu í óhag.”
Andrzej spurði mig hvort ég teldi
að hann og kona hans gætu fengið
vinnu ef samningurinn við Sláturfé-
lagið yrði ekki framlengdur. „Ef
mögulegt er viljum við vera hér
þangað til ég verð að mæta í skól-
ann 1. október 1993. Ég vil endilega
ljúka náminu í íþróttaháskólanum,
því ég stefni að því að verða íþrótta-
kennari og þjálfari þegar fram líða
stundir.”
Að falla að umhverfimi
ísafirði.
íbúðarhús þeirra
Ásthildar Cesil Þórðar-
dóttur og Elíasar
Skaftasonar við Selja-
landsveg á ísafirði kúr-
ir makindalega undir
snæþekju vetrarins.
Undir þekjunni er ekki
bara íbúðarhús heldur
skrúðgarður sem bíður
þess að sólin skíni á
ný inn um gluggana
sem mynda helming
kúlunnar. Hinn helm-
ingurinn er torfi lagð-
ur, líkt og bústaðir
fyrri alda.
- Úlfar.
Morgunblaðið/Úlfar Ágústsson
Hesthús Fáks
við Bústaðaveg
17% afsláttur
Við getum tekið á móti fleiri hestum í hesthús félagsins
í vetur. Gjald fyrir hesta á fóðrum í húsum félagsins
við Bústaðaveg verður 17% ódýrara en í húsunum á
Víðivöllum.
Þeir, sem hafa þegar geitt staðfestingargjald, og eins
þeir, sem greiða það fyrir 15. desemþer 1991, fá 7%
afslátt af vetrargjaldi í húsum félagsins.
Nánari upplýsingar á skrifstofu frá kl. 8-17 mánudaga
til fimmtudaga og frá kl. 8-16 á föstudögum.
Smölun
Fyrsta smölun í beitarhólfum Fáks verður sunnudaginn
1. desember 1991. Réttað verður í Dalsmynni milli kl.
11-12; þar verða einnig öll hross úr Saltvík.
Réttað í Arnarholti milli kl. 13-14. Bílar verða á staðn-
um. Þeir, sem eiga hesta á Ragnheiðarstöðum og vilja
fá þá flutta suður, þurfa að hafa samband við skrifstof-
una í síma 672166.
Kveðja, Fákur.
TILBOÐ
ÓSKAST
í BMW 318 IS, árgerð '91 (ekinn 15 þús. mílur),
Jeep Wrangler H.T. Sahara 4x4, árgerð ’88 (ek-
inn 48 þús. mílur), MMC L-300 Mini Bus, ár-
gerð '88 og aðrar bifreiðar, er verða sýndar á
Grensásvegi 9, þriðjudaginn 26. nóvember
kl. 12-15.
Tilboðin verða opnuð á sama stað kl. 16:
SALA VARNARLIÐSEIGNA