Morgunblaðið - 01.05.1992, Blaðsíða 37

MORGUNBLAÐIÐ FÖSTUDAGUR 1. MAÍ 1992
37' '
Andrés Magnússon málar eitt verka sinna.
Andrés sýnir í Gerðubergi
ANDRÉS Magnússon opnar málverkasýningu í Kaffi Gerðar,
veitingabúð menningarmiðstöðvar Gerðubergs, laugardaginn 2. maí
næstkomandi. Andrés sýnir Iandslagsmyndir unnar með olíulitum.
í frétt frá Gerðubergi segir að
Andrés sé fæddur árið 1924 og
hafi lært hjá Finni Jónssyni, Jó-
hanni Briem og Jóhannesi Jóhanns-
syni. Sýningin er opin á opnunar-
tíma Kaffi Gerðar eða frá mánudög-
um til fimmtudaga frá kl. 10.30 til
kl. 21, á föstudögum frá kl. 10.30
til kl. 16 og á laugardögum frá kl.
13 til kl. 16. Sýningin stendur til
30. maí.
Kaffisala Kristniboðsfélags
kvenna í Reykjavík 1. maí
ÁRLEG kaffisala félagsins verður í dag frá kl. 14—18 í kristniboðs-
salnum, Háaleitisbraut 58, 3. hæð. Boðið er upp á fjölbreytt hlað-
borð, kaffi og gos. Ágóði kaffisölunnar rennur allur til Kristniboðs-
sambandsins.
Margir íslendingar starfa nú er-
lendis og hérlendis að kristniboði á
vegum sambandsins og fleiri bætast
í hópinn á sumri komanda. Verkefn-
in eru óþijótandi og neyðin úti á
kristniboðsakrinum mikil. Kristin
trú er boðuð bæði í orði og verki,
með samhliða uppbyggingu skóla-
starfs, heilsugæslu og margs konar
hjálparstarfs. Fjárþörfín er mikil
svo unnt verði að efla enn frekar
þetta viðamikla starf, sem haldið
er uppi með frjálsum framlögum
einstaklinga og kristniboðshópa.
Eflaust munu margir vilja leggja
sitt af mörkum og njóta veitinga
hjá kristniboðskonunum í dag.
(Fréttatilkynning)
AND-leikhúsið með sýningu
á Danna og djúpsævinu bláa
HIÐ nýstofnaða And-leikhús
frumsýnir laugardaginn 2. maí
kl. 21 leikverk bandaríska leik-
skáldsins John Patricks Shanley,
Danna og djúpsævið bláa. Verkið
sem nefnist Danny and the Deep
Blue Sea á frummálinu var frum-
sýnt í New York árið 1984.
Höfundurinn, John, er fæddur
1950 í Bronx-hverfinu í New York.
Hann var síðan fenginn til að skrifa
handrit myndarinnar Moonstruck
(með Cher, Nicholas Cage, Olympíu
Dukakis og Danny Aiello) og fyrir
það hlaut hann tilnefningu til Osk-
arsverðlauna fyrir besta handrit.
Hann hefur síðan skrifað handrit
að fleiri kvikmyndum, m.a. Five
Corners, og samdi og leikstýrði
myndinni Joe versus the Volcano
(með Tom Hanks og Melanie Griff-
ith).
Danni og djúpsævið bláa er í leik-
stjórn og þýðingu Ásgeirs Sigur-
valdasonar. Með aðalhlutverkin tvö
fara Helga Braga Jónsdóttir og
Þorsteinn Guðmundsson. Ljósa-
hönnun annast Egill Örn Árnason
og tæknistjóri er Kári Gíslason, auk
Þorsteinn Guðmundsson og
Helga Braga Jónsdóttir í hlut-
verkum sínum.
þess kemur á annan tug manna við
sögu við uppsetninguna.
Sýningar fara fram í Tunglinu
v/Lækjargötu en gengið er inn frá
Austurstræti.
Exó, ný húsgagnaversl-
un, opnuð um helgina
UM helgina verður opnuð versl-
unin Exó, ný sérverslun með
húsgögn og húsbúnað á Suður-
landsbraut 54 við Faxafen.
Exó mun leggja sérstaka áherslu
á að kynna íslensk húsgögn. Af
íslenskum hönnuðum sem munu
hafa húsgögn sín til sölu og sýnis
í Exó má nefna Guðbjörgu Magnús-
dóttur, Finn Fróðason, Omar Sigur-
björnsson, Dóru Hansen, Hans
Unnþór Óiafsson o.fl. Einnig verður
mikil áhersla lögð á sölu á erlendum
húsgögnum s.s. frá Ítalíu, Hollandi,
Þýskalandi og Spáni.
Um helgina og föstudaginn 1.
maí verður sérstök opnunarsýning
þar sem fólki gefst kostur á að
skoða og kaupa þá húsmuni sem
boðið verður uppá í versluninni.
Opið verður alla dagana frá kl.
10-17. Framkvæmdastjóri verslun-
arinnar er Ingi Þór Jakobsson inn-
anhússarkitekt.
Fyrirspurn Hjálmars Jónssonar;
Landbúnarráðherra neit-
ar að staðfesta frystigjald
HALLDÓR Blöndal landbúnaðarráðherra ætlar ekki að staðfesta
umdeilt samkomulag Framleiðsluráðs landbúnaðarins og Lands-
samtaka sláturleyfishafa um „um aðgerðir til þess að koma á jafn-
vægi á markaði með nautgripakjöt“. Hjálmar Jónsson (S-Nv) spurði
ráðherrann nokkurra spurninga um þetta samkomulag og ráð-
lierra svaraði þeim í gær.
26. febrúar síðastliðinn var gert
samkomulag milli Framleiðsluráðs
landbúnaðarins og Landssamtaka
sláturleyfishafa til að koma á jafn-
vægi á markaði með nautakjöt.
Samkomulag þetta hefur verið
nokkuð umtalað. Það varð m.a.
sammæli samningsaðila: „Sér-
greint verði frystigjald í slátur- og
heildsölukostnaði nautgripakjöts
að upphæð kr. 20 pr. kg. Frysti-
gjald þetta verður notað til að
greiða kostnað við frystingu og
geymslu og eftir atvikum sölu þess
nautgripakjöts sem fryst verður
eða er nú þegar fryst í geymslum
sláturleyfishafa. Stjórn Landssam-
taka sláturleyfishafa gerir tillögur
i vinnureglur varðandi inn-
heimtu og ráðstöfun gjalds þessa.
4) Sláturleyfishöfum verði tryggð
ijármögnun birgða og afsetning
kjötsins innan hæfílegs tíma, taki
innanlandsmarkaðurinn ekki við
öllu kjötinu. 5) Landssamband
kúabænda (LK) leggi verðmiðlun-
argjald á framleiðendur til að
mæta kostnaði við ráðstafanir skv.
4. lið. Miðað er við að gjald þetta
verði 5% af framleiðendaverði
nautgripakjöts nánar útfært af
LK.“
7. grein frumvarpsins kveður á
um: „Leitað verði allra leiða til að
draga úr heimaslátrun. Sérstök
áhersla verði lögð á að gera heima-
slátrun fjárhagslega óhagstæðari.“
Hjálmari Jónsyni sýndist ýmis
atriði þessa samkomulags orka
mjög tvímælis og beindi því nokkr-
um spumingum til Halldórs Blön-
dals landbúnarráðherra m.a:
Hyggst ráðherra staðfesta sam-
komulagið? Svar landbúnaðarráð-
herra var: „Nei.“
Telur ráðherra að heimilt sé að
skuldbinda þá sláturleyfishafa,
sem aðeins selja ferskt nautakjöt,
til þess að standa straum af kostn-
aði við frystingu og geymslu á
nautakjöti? „Ekki er í lögum nr.
46/1985 um framleiðslu, verðlagn-
ingu og sölu á búvörum, eða öðrum
lögum, gert ráð fyrir gjaldtöku af
því tagi sem samkomulagið ijallar
um án ótvíræðrar heimildar slátur-
leyfishafa, sem aðeins selja ófrosið
kjöt, til að bera kostnað annarra
sláturleyfíshafa, sem frysta kjöt
og geyma það í birgðum."
Eru sláturleyfishafar skyldugir
til að vera í Landssamtökum
sláturleyfíshafa? „Nei, lög kveða
ekki á um slíka skyldu.“
Geta Framleiðluráð landbún-
aðarins og Landssamtök slátur-
leyfíshafa skuldbundið þriðja aðila,
Landssamband kúabænda, til þess
að innheimta verðmiðlunargjald af
framleiðendum án þess að það sé
aðili að samkomulaginu? „Nei. Slík
innheimta verðmiðlunargjalds
verður að byggja á heimild í lög-
um.“
Eru kúabændur skyldugir til
þess að vera í Landssambandi kúa-
bænda og lúta slíku samkomulagi
ef staðfest verður? „Landssam-
band kúabænda er búgreinafélag
og eru einstakir framleiðendur
ekki að lögum skyldugir til að vera
í búgreinafélagi. Almenna reglan
er að Stéttarsamband bænda fari
með fyrirsvar framleiðenda búvara
við framkvæmd búvörulaga nr.
m ' -
MMIGI
46/1985, en unnt er að viðurkenna
einstök landssamtök framleiðenda
búvara til að fara með fyrirsvar
vegna framleiðenda í viðkomandi
grein, enda samþykki Stéttarsam-
band bænda það.“
Landbúnaðarráðherra var einn-
ig spurður hvaða aðgerðir hann
teldi mögulegar samkvæmt 7.
grein samkomulags til að draga
úr heimaslátrun og gera hana
„fjárhagslega óhagstæðari". Land-
búnarráðherra sagði einkum
tvennt ýta undir heimaslátrun
nautgripa. Offramboð sem ylli því
að sláturhús tæku ekki gripi til
slátrunar. Við slíku yrði að bregð-
ast, annars vegar með því að draga
úr framleiðslu og þar hefði Fram-
leiðsluráð landbúnaðarins sérstöku
hlutverki að gegna, hlutverki sem
fælist í framleiðslu- og neyslu-
spám. Hins vegar yrði að breyta
verði eftir markaðsaðstæðum.
Landbúnaðarráðherra benti á, að
með breytingum á búvörulögum í
vetur hefði verið opnaður mögu-
leiki til verðbreytinga umfram það '
sem verið hefði, og reyndar hefði
verð til bænda á nautgripakjöti
verið lækkað um 10% 1. mars síð-
astliðinn.
Halldór Blöndal landbúnaðar-
ráðherra benti einnig á það að öll
kostnaðarmyndun á slátrunar- og
sölustigi hvetti til heimaslátrunar.
Þegar spurt væri eftir þvíjtil hvaða
opinberar aðgerðir væru möguleg-
ar til að gera heimaslátrun ijár-
hagslega óhagkvæmari, sýndist
varla um annað að ræða en aukn-
ar niðurgreiðslur á sölustigi. Land-
búnarráðherra taldi engan grund-
völl vera fyrir slíkum aðgerðum.
Afkoma banka og sparisjóða 1991:
Hagnaður fyrir skatta
723 milljónir króna
aði hins vegar 118 mil(j. kr. á
árinu 1990. Jón Sigurðsson við-
skiptaráðherra upplýsti þetta í
svari við fyrirspurn frá Svavari
Gestssyni alþingismanni á Al-
þingi í gær.
HAGNAÐUR viðskiptabank-
anna þriggja og fimm spari-
sjóða fyrir telyu- og eignar-
skatta á síðasta ári, skv. fyrir-
liggjandi reikningum, nam sam-
anlagt 723 milljónum kr. saman-
borið við 1.167 millj. á árinu
1990. Hagnaður Seðlabankans á
síðasta ári nam 1.164 milljónuni
kr. fyrir skatta en bankinn tap-
Utanríkisráðherra:
EES-samningurinn á
almenningsbókasöfn
- sérstakur kynningarbæklingur í maí
Utanríkisráðuneytið áformar að gefa út almennan kynning-
arbækling um samninginn um evrópskt efnahagssvæði um miðjan
maí. Þá hafa embættismenn ráðuneytisins dregið saman upplýsing-
ar sem almenningur fær aðgang að til að kynna sér alla þætti
samningsins. Áformað er að samningurinn sjálfur með viðaukum
og greinargerðum liggi frammi á öllum almenningsbókasöfnum
og á sýsluskrifstofum þar sem allar upplýsingar verði birtar í
aðgengilegum formi, að sögn Jóns Baldvins Hannibalssonar utan-
ríkisráðherra.
Þetta kom fram við umræður á
Alþingi í gær um fyrirspurn Krist-
ins H. Gunnarssonar (Abl-Vfj)
um kostnað við fundaherferðir og
kynningar innan lands á vegum
utanríkisráðuneytisins vegna
GATT-samninga og EES-samn-
inga frá 1. maí 1991 til 1. mars
1992.
í svari ráðherra kom fram að
heildarkostnaður ráðuneytisins við
fundarferðir og kynningu á þess-
um samningum innanlands á
þessu tímabili hefði numið
4.438.499 kr. Kostnaður vegna
EES-samninganna hefði numið
3.093.375 kr. en vegna GATT
1.345.124 kr. Sagði ráðherra að
samstaða hefði verið um nauðsyn
þess að kynna þessi tvö mál ræki-
lega. „Ég tel að því fé sem varið
hefur verið til kynningarinnar sé
vel varið," sagði Jón Baldvin við
umræðurnar.
Viðskiptaráðherra upplýsti
einnig að samanlagður hagnaður
bankanna og sparisjóðanna eftir
skatta nam 380 millj. kr. 1991 en
903 millj. kr. árið á undan. Arð-
semi eiginfjár nam 2,4% á árinu
1991 en 6,5% árið 1990.
Jón Sigurðsson sagði að
hagnaður banka og sparisjóða
hefði verið lítill á síðasta ári og
arðsemi minni en á undangengn-
um árum. „Á síðustu þrem árum
hefur hagnaður banka og spari-
sjóða minnkað. Skýringarnar eni^
ekki síst aukin samkeppni og
minnkandi vaxtabil,“ sagði ráð-
herra.
Hagnaður Seðlabankans árið
1991 eftir skatta nam 478 millj.
samanborið við 888 millj. kr. tap
á árinu 1990. „Skýringin á hagn-
aðarfærslu Seðlabankans er fyrst
og fremst gengisendurmat vegna
breytinga á gengi erlendra gjald-
miðla í gjaldeyrisvaraforða lands-
ins. Breytingar á gengi valda mikl-
um sveiflum á afkomu bankans,
sem hafa ekkert með það að gera
hver afkoma hans er í venjulegum
viðskiptalegum skilningi á hveij-
um tíma,“ sagði ráðherra.
Svavar sagði að þessar upplýs-
ingar sýndu að samanlagður hagn-
aður banka og sparisjóða á síðasta
ári hafi numið 1.887 millj. kr. sam-
anborið við 1.149 millj. kr. og
hagnaðaraukningin á milli ára
hefði því verið um 70%.