Morgunblaðið - 23.12.1995, Blaðsíða 16
16 LAUGARDAGUR 23. DESEMBER 1995
ERLENT
MORGUNBLAÐIÐ
Þingkosningarnar í Tyrklandi
Kannanir benda
til ósigurs Ciller
Fylgi tveggja stjórnarand-
stöðuflokka talið hnífjafnt
Ankara. Reuter.
-
lfidls mmmm. • •
di v . Úfí. r
*. fmm
* . ■ •
Wei áfrýjar fang-
elsisdóminum
Reuter
Jólaljós
í Seoul
FLOKKUR Tansu Ciller, forsætis-
ráðherra Tyrklands, er í þriðja
sæti samkvæmt skoðanakönnun,
sem helsta dagblað Tyrklands birti
í gær. Benti blaðið Hurriyet, sem
er andvígt Ciller, á að hún hefði
einungis haft forystu í einni könnun
af þrettán á síðustu vikum. Þing-
kosningar eru í Tyrklandi á að-
fangadag.
Stærsti stjórnarandstöðuflokk-
urinn, Föðurlandsflokkurinn
(ANAP), hefur haft forystu í sex
könnunun og íslamski velferðar-
flokkurinn (RP) í fimm. í nýjustu
könnuninni er fylgi ANAP og RP
hnífjafnt.
Samkvæmt tyrkrieskum lögum
er bannað að birta niðurstöður
skóðanakannana síðustu dagana
fyrir kosningar. Margir fjölmiðlar
hafa hins vegar virt þetta bann að
vettugi að undanförnu. í gær fyrir-
skipáði dómstóll í Istanbul að óseld
eintök af Hurriyet og síðdegisblað-
inu Posta skyldu gerð upptæk.
Sami dómstóll ákvað að láta
gera tvö önnur dagblöð, þar á
meðal Milliyet systurblað Hurriyet,
upptæk af sömu ástæðu á fimmtu-
dag.
Dagblöð berjast
Hurriyet og MiIIiyet hafa stutt
Mesut Yilmaz, Ieiðtoga Móður-
landsflokksins, í kosningabarátt-
unni sem lið í harðri baráttu um
lesendur við blaðið Sabah, er styður
Ciller.
Það blað réðst í gær harkalega
á Yilmaz og sagði hann ekki hafa
gert neitt af viti á öllum stjórnmála-
ferli sínum. Fyrr í vikunni vitnaði
blaðið í skoðanakannanir sem
bentu til að fimmtungur kjósenda,
aðallega konur, ætti eftir að gera
upp hug sinn, og spáði því að þær
ættu að lokum eftir að kjósa Ciller.
Yilmaz hefur hvatt kjósendur til
að snúa báki við forsætisráðherr-
anum og fylkja liði undir merkjum
ANAP í baráttunni gegn íslömsk-
um heittrúarmönnum.
Ciller boðaði til kosninganna i
október, tíu mánuðum áður en
nauðsynlegt var að efna til kosn-
inga, eftir að stjóm hennar varð
undir í mikilvægri atkvæðagreiðslu
á þinginu. Fréttaskýrendur em
flestir þeirrar- skoðunar að önnur
samsteypustjórn verði mynduð að
loknum kosningum.
Forsætisráðherrann hefur í
kosningabaráttunni lagt mikla
áherslu á samninginn um tolla-
bandalag við Evrópusambandið,
sem tekur gildi um áramót.
Peking. Reuter.
WEI JINGSHENG, einn þekktasti
andófsmaður Kína, áfrýjaði í gær
fjórtán ára fangelsisdómi sem hann
hlaut fyrir meint samsæri um að
grafa undan stjóm landsins.
Systir hans, Wei Ling, sagðist
vona að áfrýjunardómstóllinn myndi
taka ákvörðun sína fyrir opnum tjöld-
um en tók jafnframt fram að hún
eygði litla von fyrir hönd bróður síns
um að réttarhöldin yrðu réttlát. „Að
öllum líkindum mun áfrýjunardóm-
stóllinn ekki láta vitnaleiðslur fara
fram,“ sagði Wei Ling.
Búist er við að réttarhöldin verði
fyrir luktum dyrum og segja kín-
verskir lögfræðingar að dómaramir
standi frammi fyrir þremur kostum.
Að staðfesta dóm undirréttar, milda
refsinguna eða láta rétta í málinu
að nýju. Yfirdómur getur ekki þyngt
refsinguna.
ÞÓ AÐ flestir íbúar Suður-
Kóreu haldi jólin ekki hátíð-
leg er miðborg höfuðborgar-
innar Seoul prýdd jólaskreyt-
ingum. Með hvetju árinu fara
fleiri Kóreubúar í hátíðar-
skap á þessum árstíma og er
ástæðan sú að kaupmenn hafa
ýtt mjög undir vestrænar jóla-
hefðir á síðustu árum til að
glæða viðskiptin.
*
Astkona Karls Bretaprins bregst við yfirlýsingu hans
Lundúnum. Reuter.
CAMILLA Parker Bowles, ástkona Karls
Bretaprins til margra ára, hyggst „standa
með strák“ að því er greint var frá í
breska dagblaðinu Sun í gær. í fréttinni
sagði að yfirlýsing Karls prins þess efnis
að hann hygðist ekki kvænast á ný breytti
engu um hug Parker Bowles þótt ljóst
væri nú að hún yrði aldrei drottning Bret-
lands.
Dagblaðið, sem skýrði fyrst allra frá
bréfi því sem Elísabet drottning ritaði
þeim Karli og Díönu prinsessu þar sem
hún hvatti þau til að ganga frá skilnaði,
kvaðst enn á ný eitt búa yfir fréttinni um
óbreyttan hug Camillu til prinsins. Sagði
í fréttinni að ástkonan hefði sent ríkisarf-
anum eftirfarandi skilaboð: „Ég mun ætíð
standa með þér, ástin mín. I þessu tilviki
fara ekki saman hagsmunir einstaklings-
ins og stofnunarinnar - og í þessu tilfelli
ganga hagsmunir stofnunarinnar fyrir.“
Miskunnarleysi
„Meðal-Bretans“
-Sést hefur til þeirra Camillu Parker
Bowles og prinsins við nokkur tækifæri
á þessu ári en almenningur í Bretlandi
hefur litla samúð með „hinni konunni"
sem Díana prinsessa lýsti yfir í sjónvarps-
viðtali fyrr í ár að hefði lagt hjónaband
þeirra Karls í rúst. Díana prinsessa er
hins vegar í hávegum höfð í Bretlandi.
Dagblaðið Daily Mirror skýrði frá því
í gær að þau Karl og Camilla hefðu átt
„mjög mikilvægan fund“ á þriðjudag. I
fréttinni var sú ályktun dregin að Cam-
illu biði það hlutskipti að vera ávallt í
aukahiutverki í lífi ríkisarfans.
Svo virðist sem Camilla, sem skildi við
eiginmann sinn í janúar, telji það hlu-
Camilla heitir
að standa
ávallt með
ríkisarfanum
DIANA prinsessa (t.v) og
Camilla Parker Bowles.
skipti ekki albölvað. „Ég mun ætíð vera
til staðar þegar prinsinn af Wales þarfn-
ast mín þó svo ég verði aldrei eiginkona
hans. Ég óska mér einskis annars en að
hann verði konungur. Þau eru örlög hans.
Og það á hann skilið," var haft eftir henni
í samtölum við vini hennar.
Astir og afrek
Samband þeirra Camillu og prinsins
hófst á áttunda áratugnum en haft er
fyrir satt að þau hafi kynnst í drullusvaði
á póló-leikvelli. „Veröldin spann og sner-
ist fyrir augum hans og ég held að hann
hafi aldrei jafnað sig fyllilega,“ sagði rit-
höfundurinn Christopher Wilson, sem
skrifað hefur um bre&ku konungsfjöl-
skylduna.
Ástarsamband þeirra varð opinbert
1993 er birtar voru upptökur af samtali
þeirra þar sem ekki fór dult að samband
þeirra var einnig kynferðislegt: „Stærsta
afrek þitt er að elska mig,“ sagði hann.
í svari sínu greip hún til líkingamáls:
„Ástin mín, samanborið við það er erfið-
ara að skrika af stólsessu.“
Líkt við Rottweiler-tík
Camilla Parker Bowles er 48 ára, 14
árum eldri en Díana og ári eldri en ríkis-
arfinn. Hún þykir fremur venjuleg í út-
liti og Díana prinsessa mun hafa líkt henni
við tík af Rottweiler-kyni. Camilla þykir
almennt - á ytra byrðinu, hið minnsta -
ekki búa yfir sömu töfrum og Díana en
haft er fyrir satt að engin kona í heimi
hér sé ljósmynduð af viðlíka ákafa og
prinsessan. CamiIIa hefur á hinn bóginn
sömu áhugamál og Karl prins og þykir
líkjast honum I hátterni öllu og fasi.
Fólks úr
Sólarhofs-
reglu
saknað
SVISSNESKA lögreglan
sagði í gær að enn væri verið
að Ieita að 16 liðsmönnum
sértrúarsafnaðar er kennir sig
við Sólarhofið, m.a. væri ekki
vitað um afdrif eiginkonu og
sonar franska skíðamannsins
Jeans Vuarnets. Fólkið hvarf
einhvers staðar í vesturhluta
Sviss og Frakklandi en lög-
regla sagði að ef til vill amaði
ekkert að því, nauðsynlegt
væri á hinn bóginn að kanna
málið. Söfnuðurinn komst í
fréttir í fyrra er 53 liðsmenn
hans voru annaðhvort myrtir
eða fyrirfóru sér, málið er enn
ekki að fullu upplýst. Söfnuð-
urinn starfaði í Sviss og
Kanada.
Hirðuleysi
við brjósta-
stækkun
HÆSTIRÉTTUR í Kanada
dæmdi í gær í máli konu sem
kærði fyrirtækið Dow Com-
ing fyrir hirðuleysi við fram-
leiðslu á efnum til bijósta-
stækkunar er valdið hefðu
henni tjóni. Niðurstaðan var
konunni í vil og er talið að
dómurinn geti orðið fordæmi
í fjölmörgum slíkum málum.
Fimm af sjö dómurum töldu
að fyrirtæki væru líklegri til
að gera meira úr kostum
framleiðslu sinnar en áhættu
sem henni fylgdi.
Austurríska
lögreglan
gagnrýnd
HART var deiit á lögregluna
í Austurríki í gær fyrir að
geta ekki handsamað hryðju-
verkamenn sem slasað hafa
tylft manna undanfarin tvö
ár með því að senda þeim
sprengjur í pósti. Tveir ný-
nasistar voru sýknaðir af
ákærum í slíkum málum á
fimmtudag. „Árum saman
hafa innanríkisráðherrar van-
metið hættuna frá ofstækis-
mönnum í kynþáttamálum og
málum minnihlutahópa,"
sagði einn af þingmönnum
græningja, Terezija Stoisits.
Henni var send bréfsprengja
en hún slapp naumlega við
líkamstjón.
Banka-
hneyksli
í Litháen
SEÐLABANKINN í Litháen
hefur undanfarna daga látið
loka tveim bönkum er sýnt
höfðu tap á rekstrinum og
hefur §öldi fólks tekið út inni-
stæður sínar í öðrum bönkum
af ótta við hrun. Ástæðan
fyrir lokuninni mun hafa verið
að upp komst um svik er opin-
berir rannsóknarmenn könn-
uðu fyrirhugaðan bankasam-
runa. Adolfas Slezevicius for-
sætisráðherra sagði í gær að
almenningur þyrfti ekkert að
óttast, ríkisvaldið myndi
hlaupa undir bagga ef hætta
skapaðist.