Morgunblaðið - 23.12.1995, Blaðsíða 17

MORGUNBLAÐIÐ
LAUGARDAGUR 23. DESEMBER 1995 17
ERLENT
Komst lífs af úr flugslysinu í Kólumbíu
• •
„Orlögin eru
óumflýjanleg“
„ÖRLÖGIN verða ekki umflúin,“
sagði Gonzalo Dussan Monroy frá
New Jersey í Bandaríkjunum í
gær, en hann var einn þeirra sem
lifðu af flugslysið í Kólumbíu á
miðvikudagskvöld að staðartíma.
Monroy sagði að allt hefði virst
vera í stakasta lagi við flug þot-
unnar þar til hún skall á fjallshlíð.
Við það missti hann meðvitund.
„Svona eru örlögin," sagðist hann
hafa hugsað er hann rankaði við
Jólahríð í
Danmörku
Kaupmannahöfn. Reuter.
DANSKA veðurstofan hvatti fólk í
gær til að aka ekki á þjóðvegunum
í dag vegna fannfergis og stórhríð-
ar sem spáð er um helgina.
Margir íbúar Kaupmannahafnar
og fleiri staða á Sjálandi aka hund-
ruð kílómetra á Þorláksmessu til
að halda jólin með ættmennum og
vinum í Jótlandi. Veðurstofan ráð-
lagði þessu fólki í gær að fresta
slíkum ferðalögum þar til veðrinu
slotaði á aðfangadag.
Allt að 10 stiga frost er í Dan-
mörku og Danir sjá fram á fyrstu
hvítu jólin frá árinu 1981. Spáð er
meiri snjókomu á öðrum í jólum.
sér í sundurtættu brakinu innan
um látna ferðafélaga.
Monroy var á leið í jólaleyfi
ásamt konu sinni og tveimur börn-
um. Dóttir hans lifði af en lá
stórslösuð milli heims og helju á
sjúkrahúsi í Calí í gær. Um konu
sína og son vissi hann ekkert en
fyrstu fregnir hermdu að fjölskyld-
an hefði öll bjargast.
Átta manns a.m.k. fundust á
lífi í flaki Boeing-757 þotunnar.
Einn þeirra lést í gær og þrír,
þ. á m. lítil stúlka, voru enn í lífs-
hættu, að sögn lækna. Fréttir út-
varpsstöðva um að allt að 17 hefðu
lifað af voru bornar til baka í
gær. Alberto Davila, fulltrúi flug-
málastjórnar Kólumbíu, tjáði
bandarísku sjónvarpsstöðinni NBC
að átta manns hefðu fundist á lífi
og í gær var vonast til að fleiri
fyndust.
Nítján ára piltur, Mauricio Rey-
es, lifði af. Bróðir hans, Juan Car-
los, fann hann en hann beið flug-
vélarinnar á flugvellinum í Cali
og hraðaði sér á slysstað þegar
tilkynnt var um afdrif þotunnar.
Var hann í mikilli geðshræringu í
gær er hann ræddi við frétta-
menn, sagði kraftaverk að bróðir
hans hefði lifað og þakkaði það
Maríu mey í sífellu.
Reuter
BJÖRGUNARMENN aðstoða einn þeirra sem lifðu af flugslysið
í Kólumbíu.
Rússland
Talning
atkvæða á
lokastigi
Moskvu. Reuter.
ENN var verið að telja atkvæði í
Rússlandi í gær, fimm dögum eftir
kosningarnar og var flokkur komm-
únista sem fyrr efstur, með 21,81%
en þjóðernissinnaflokkur Vladímírs
Zhírínovskíjs næstur í röðinni með
11,29%. Aðeins fjórir flokkar virð-
ast koma að mönnum af landslista
en nokkrir í viðbót ná inn mönnum
í einmenningskjördæmum.
Samkvæmt lögum í Rússlandi
þarf stjórnmálaflokkur minnst 5%
fylgi á landsvísu til að koma að
manni á landslista. Miðjuflokkur
Víktors Tsjernomýrdíns forsætis-
ráðherra var með 9,74% og umbóta-
flokkurinn Jabloko með 7,03%.
Búið var að telja um 56 milljónir
atkvæða af nær 70 milljónum og
úslit ljós í 196 af 225 kjördæmum
landslistanna.
Talningu í einmenningskjördæ-
munum 225 lauk í reynd á fimmtu-
dag. Kommúnistar eru þar einnig
öflugastir, með 58 sæti og fá þeir
alls um þriðjung þingsæta í neðri
deildinni, Dúmunni. Bændaflokkur-
inn, sem starfað hefur náið með
kommúnistum, hlaut 20 sæti, Jab-
loko 14 og flokkur Tsjernomýrdíns
10 en samtök Zhírínovskíjs aðeins
eitt.
Alls buðu 77 sig fram utan flokka
og er óljóst hverja þeir muni styðja
á þingi. Ekki var kosið til efri deild-
arinnar, sambandsráðsins.
^asveina
P Jólasveinarnir verða á vappi
í gamla miðbænum á Þorláksmessu
og dreifa jólakortum og gjöfum frá
verslunum og veitingahúsum
i gamla miðbænum.
íslenskur
heimilisidnadur
Kolaportið
Linsan
Midbæjarmyndir
Mac Donalds
- TISKUFATNAÐUR
S^GU >^NSKr I
SPARIBAUKAR 1
LD^Er?BUR LEikföng i
Parísarbúdin
/
Rammagerdin
...OG OTAL MARGT FLEIRA
l
Tjörnin
Svarta pannan
Toppskórinn
Týndi hlekkurinn
Thorvaldsenbasarinn
Opið til kl. 24 í dag
* Einstaka aðilar geta verið með annan opnunartíma
V