Morgunblaðið - 25.05.1996, Blaðsíða 21

MORGUNBLAÐIB
LAUGARDAGUR 25. MAÍ1996 21
VIÐSKIPTI
Umhverfisviðurkenning Iðnlánasjóðs var veitt í fimmta sinn á ársfundi sjóðsins nýverið
Samtakamátturiim
gerir þetta mögulegt
Iðnlánasjóður hefur undanfarin
ár veitt umhverfisviðurkenningu
fyrirtæki sem skarar fram úr í
aðbúnaði og öryggi starfsfólks
og verndun umhverfisins. Jó-
hannes Tómasson ræddi við
forráðamenn nokkurra fyrir-
tækja sem fengið hafa þessa
viðurkenningu og ljúka þeir upp
einum rómi um að slík viður-
kenning sé starfsmönnum
hvatning til frekari dáða og að
hún sé fyrirtækjunum jákvæð.
VIÐURKENNING
Iðnlánasjóðs er
þetta listaverk
Magnúsar Tónias-
sonar.
MÉR finnst Iðnlánasjóður eiga
heiður skilið fyrir að koma á slíkri
viðurkenningu og stjórnendur,
starfsmenn og hluthafar Haraldar
Böðvarssonar hf. þakka fyrir hana
af heilum hug. Samtakamáttur allra
í fyrirtækinu gerir þetta mögulegt,
sagði Sturlaugur Sturlaugsson,
einn af forráðamönnum H.B. eins
og fyrirtækið er daglega nefnt á
Akranesi, í samtali við blaðamann
Morgunblaðsins en Iðnlánasjóður
veitti á dögunum í fimmta sinn við-
urkenningu sína, „Vernd“, því fyrir-
tæki sem skarað hefur framúr í
aðbúnaði og öryggi starfsfólks og
verndun umhverfis. Viðurkenningin
er listaverk eftir Magnús Tómasson
sem lýsir á táknrænan hátt við-
horfi og ábyrgð stjórnenda fyrir-
tækisins til velfamaðar starfs-
manna og varðveislu umhverfis og
náttúru landsins.
Viðurkenning Iðnlánasjóðs er í
samræmi við þá stefnu sjóðsins að
lána til aðgerða sem auka á holl-
ustuhætti og bæta aðbúnað á vinnu-
stöðum. Bragi Hannesson forstjóri
sjóðsins segir Iðnlánasjóð vera stór-
an lánveitanda til fyrirtækja í mat-
vælaiðnaði og segir hann um 20%
af lánum sjóðsins fara í þá grein.
Fjögurra manna dómnefnd velur
fyrirtækið sem viðurkenninguna
hlýtur en í henni sitja formaður og
forstjóri Iðnlánasjóðs og fulltrúar
Vinnueftirlits ríkisins og umhverfís-
ráðuneytis. Þau atriði sem koma til
skoðunar eru m.a. umhverfísstjórn-
un, úrgangs- og fráveitumál, hrá-
efnanotkun, meðhöndlun hættulegra
efna, gæðamál, umbúðanotkun, að-
búnaður og hollustuhættir starfs-
manna, svo nokkuð sé nefnt. Um-
ræða um umhverfismál hefur aukist
mjög í þjóðfélaginu og með þessari
viðurkenr.ingu viljum við hvetja fyr-
irtækin til að taka á þessum málum,
segir Bragi Hannesson. Við fáum
góðar upplýsingar um fyrirtækin
sem við styðjumst við í mati okkar
en á þessum sviðum eru mörg góð
fyrirtæki og mér fínnst áberandi
hversu umhverfismál eru að fá sí-
fellt meira vægi í atvinnulífínu.
Viðurkenning fyrir
90 ára starf
Hjá okkur koma fagmenn að öll-
um þessum málum og eftirlitsstofn-
anir ríkisins fylgjast með að farið
sé að settum reglum en það má
kannski segja að hér séum við að
fá viðurkenningu fyrir góðan
árangur og metnað okkar í 90 ár,
sagði Sturlaugur Sturlaugsson
einnig í samtali við Morgunblaðið.
Fiskvinnslufyrirtækið Haraldur
Böðvarsson hf. hefur í stefnumörk-
un sinni lagt áherslu á umhverfis-
mál, gæðamál og vinnuvernd. Stur-
laugur segir að síðustu tvö árin
hafi vinnuhópur starfað með stjórn-
endum fyrirtækisins við að skil-
greina þarfir og meta verklag m.a.
samkvæmt nýjum reglum sem verið
er að setja í þessu starfsumhverfí.
Við höfum þannig verið að skil-
greina hvaða úrgang við erum að
láta frá okkur, hvemig beri að fara
með hann, hvernig komast megi
hjá óþarfa kostnaði vegna umhverf-
ismála og þar fram eftir götunum,
segir Sturlaugur ennfremur. Við-
urkenningin er okkur öllum tví-
mælalaust mikil hvatning til að
halda áfram á sömu braut sem er
alveg bráðnauðsynlegt og verður
sífellt mikilvægari í sölustarfi okkar
á erlendum markaði. Við seljum
allar frystiafurðir okkar gegnum
S.H. en tökum einnig þátt í beinu
sölustarfí og þróunin hefur verið í
þá átt að kaupendur koma gjarna
hingað til að skoða og taka út fyrir-
tækið og framleiðsluaðferðir og
skipta helst við þá sem geta sýnt
fram á að vel sé að öllum fram-
leiðsluferli staðið.
Stöðug brýning
Eins og fyrr segir er þetta í
fimmta sinn sem Iðnlánasjóður veit-
ir þessa viðurkenningu. Árið 1992
fékk hana lyfjafyrirtækið Delta hf.,
1993 Hekla hf., árið eftir Sæplast
hf. og í fyrra Sláturfélag Suður-
lands. Jón Gunnar Jónsson er fram-
leiðslustjóri SS á Hvolsvelli og tók
hann við viðurkenningunni í fyrra
fyrir hönd SS. Þetta var okkur mik-
il hvatning og viðurkenning til allra
starfsmanna fyrirtækisins og verð-
launagripurinn hér í anddyrinu
á Hvolsvelli verður okkur stöðug
áminning og bfyning til að halda
áfram á þessari braut til stærri
verka, sagði Jón Gunnar í samtali
við Mbl. Viðurkenninguna fékk SS
fyrir að hafa staðið vel að málum
m.a. varðandi sorpflokkun og
hvernig tekið hefur verið á málum
og unnið samkvæmt markaðri
stefnu. Starfsmenn vita að hér er
verið að gera góða hluti og þeir eru
ekkert hætfir því þótt við höfum
fengið viðurkenningu, við munum
vinna áfram að því að tryggja fram-
leiðslugæði fyrirtækisins í hvívetna.
Jákvætt fyrir fyrirtækið
Hekla hf. sem flytur inn bíla og
rekur umfangsmikia verkstæðis-
þjónustu fékk viðurkenningu Iðn-
lánasjóðs árið 1993. Sigfús Sigfús-
son forstjóri var spurður hvemig
viðurkenningin hefði nýst fyrirtæk-
inu: Hún nýtist mjög vel á allan
hátt því hún er bæði viðurkenning
fyrir starfsfólkið og stjórnendur
fyrir að koma á hreinu vinnuum-
hverfi, sinna sorpflokkun og annað
slíkt og á það höfum við minnt í
sölu- og markaðsstarfi okkar, til
dæmis þegar við eram að þreifa
fyrir okkur erlendis með ný við-
skiptasambönd. Við höfum stillt
listaverkinu upp á áberandi stað,
notað það í kynningarbæklingum
og erlendir viðskiptaaðilar hafa
fengið að vita um þessa viðurkenn-
ingu og um leið að hér er lögð
áhersla á rétta meðferð spilliefna
og umhverfismál öll, gerðar kröfur
til starfsfólks og lagt talsvert fé í
að sinna þessum málaflokkum. Við
eram mjög hreykin af því að hafa
fengið þessa viðurkenningu og
þakklát því hún er jákvæð fyrir
fyrirtækið bæði inná við og út á við.
Innri sýn
Loftkastalcmum 25. mcn kl. 21.00