Morgunblaðið - 25.05.1996, Blaðsíða 64
MORGUNBLAÐID, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NETFANG MBL@CENTRUM.IS / AKUREYRI: HAFNARSTRÆTI 85
LAUGARDAGUR 25. MAÍ 1996
VERÐ í LAUSASÖLU 125 KR. MEÐ VSK
Samþykkt á ASÍ-þingi
Ákvæði
. um félags-
skyldu
bönnuð
„í SAMÞYKKTUM félaga innan
aðildarsamtaka ASÍ mega ekki vera
ákvæði um félagsskyldu né ákvæði
sem takmarka aðild að félögum
m.t.t. búsetu og lögheimilisfesti. A
sama hátt mega ákvæði ekki hamla
því að félagsmenn geti sagt sig úr
félögum með skriflegri tilkynningu,
með þeirri undantekningu einni að
um tímabundnar hömlur sé að ræða,
, -t.d. vegna yfirstandandi kjaradeilu
og verkfallsaðgerða henni tengdra,"
segir í breytingu á lögum ASI sem
samþykkt var á þingi ASÍ.
Starfsmenn staðfesti inngöngu
í verkalýðsfélög
Þar segir einnig að félag sem
greitt er til beint frá atvinnurekanda
á grundvelli ákvæða kjarasamnings
skuli innan tveggja mánaða frá því
að fyrsta greiðsla barst óska stað-
festingar starfsmanns á inngöngu í
^'^agið. Verkalýðsfélögum er gefínn
irestur til að gera viðeigandi breyt-
ingar á samþykktum sínum vegna
þessa fyrir apríllok árið 1999.
Hafrannsóknastofnun leggur til aukningu á þorskkvóta
Eykur tekjur þjóðar-
búsins um tvo milljarða
Útlit fyrir ívið meiri hagvöxt á Is-
landi en í OECD-löndum
ÞÓRÐUR Friðjónsson, forstjóri
Þjóðhagsstofnunar, segir að þjóð-
hagsleg áhrif af tillögum Hafrann-
sóknastofnunar um aukinn þorsk-
kvóta séu að útflutningstekjur þjóð-
arbúsins aukist um tvo milljarða.
Hann segir þetta heldur meiri aukn-
ingu en reiknað sé með í þjóðhags-
áætlun og búast megi við að hag-
vöxtur hér á landi verði ívið meiri
en að meðaltali í aðildarlöndum
OECD.
Hafrannsóknastofnun leggur til
í skýrslu um fiskveiðiráðgjöf á
næsta fiskveiðiári að þorskkvótinn
á næsta ári verði aukinn úr 155
þúsund tonnum í 186 þúsund tonn.
Hins vegar er gerð tillaga um sam-
drátt í ýsu, ufsa og grálúðu. Sömu-
leiðis leggur stofnunin til að veitt
verði heldur minna af síld og karfa
en gert var á síðasta ári. Ástand
loðnustofnsins er afar gott og telja
fiskifræðingar að • líkur séu á að
óhætt verði að veiða allt að 1,6
milljón tonn af loðnu. Upphafskvóti
verður þó 1,1 milljón tonn.
Þórður segir að tillögur fískifræð-
inga hafí í för með sér u.þ.b. 2%
aukningu á afla, en það þýði að
útflutningsverðmæti sjávarafurða
aukist um tvo milljarða. Hann tekur
fram að þetta sé varlega metið.
Hagvöxtur að aukast
„Við munum í ljósi þessarar físk-
veiðiráðgjafar endurskoða þjóðhags-
spána. Það hefur reyndar fleira gerst
frá því við gáfum út síðustu spá.
Meðal annars er útlit fyrir að inn-
flutningur á árinu verði meiri en
spár gerðu ráð fyrir og störfum
hefur einnig fjölgað meira en við
reiknuðum með. Spáin, sem við
gerðum í byijun febrúar, gerði ráð
fyrir 3% hagvexti milli áranna 1995
og 1996. Það er margt sem bendir
til að umsvif í efnahagslífínu verði
meiri.
Það er allt útlit fyrir að hagvöxt-
ur hér verði í efri kantinum miðað
við aðildarríki OECD. Reyndar
verður hagvöxtur hér töluvert meiri
en í Evrópu þar sem gengur frekar
illa,“ segir Þórður.
Friðun skilar árangri
Þorsteinn Pálsson sjávarútvegs-
ráðherra segir að í skýrslu Haf-
rannsóknastofnunar felist merk
tímamót. í fyrsta skipti leggi fiski-
fræðingar til aukningu á þors-
kveiðum.
Jakob Jakobsson, forstjóri Haf-
rannsóknastofnunar, tekur undir
þetta og segir að þennan árangur
megi þakka skynsamlegri nýtingu
þorskstofnsins á síðustu árum.
Hann telur þó að veiðin muni ekki
aukast langt umfram 200 þúsund
tonn á næstu árum nema að upp
komi sterkir árgangar. Nýliðun í
þorski sé enn léleg.
■ Tillaga um 20%/6
Átakaþingi ASI lauk í gær
Fimm ára kaup-
máttarmarkmið
ekki samþykkt
Hrikti í stoðum vegna kosninga
í sambandsstjórn
TILLAGA miðstjórnar Alþýðusambandsins, sem lögð var fyrir
þing þess, um að launastefna næstu ára byggi á markvissri
áætlun um að ná kaupmætti nágrannaþjóðanna á fimm árum,
var ekki samþykkt á þinginu sem lauk síðdegis í gær. í launa-
stefnu og kjaramálaályktunum þingsins segir að höfuðmarkmiðið
sé að rétta hlut launafólks með beinum hækkunum launataxta.
Morgunblaðið/Halldór
Sólveig Lilja
fegurðardrottning
Lögð er áhersla á að efnahags-
stefnan eigi að taka mið af því að
tryggja stöðugan og öruggan hag-
__vöxt, stöðugt gengi og lága verð-
bólgu. Tillaga sem kjaramálanefnd
þingsins lagði fram, um að með
styttingu vinnutíma megi skapa
raunhæfar forsendur fyrir hækkun
grunnlauna, þar sem afköst og
framleiðni muni aukast samhliða
og gæði framleiðslunnar fara vax-
andi, var felld að tillögu nokkurra
Dagsbrúnarmanna. í stað hennar
var samþykkt að Alþýðusambandið
krefðist þess að dagvinnulaun
nægðu fyrir framfærslu.
Enginn verslunarmaður í
sambandsstjórn
Miklar deilur voru á þinginu í
gær um gildi kosninga til sam-
bandsstjórnar sem fram fóru á
fimmtudagskvöld en tæp 70% full-
trúa skiluðu auðu í kosningunum.
Þinghald lá niðri um tíma í gær-
morgun og lá við að fulltrúar í
Verkamannasambandinu og fleiri
landssamböndum gengju á dyr.
Sættir náðust að lokum og féllust
verslunarmenn á að kosningin
teldist gild, þrátt fyrir að enginn
fulltrúi þeirra væri kosinn í sam-
bandsstjórn.
Halldór Björnsson, formaður
Dagsbrúnar, sagði að fulltrúar
Dagsbrúnar hefðu verið ákveðnir
í að ganga út af þinginu ef kosn-
ingin hefði verið ógilt og taldi að
allir aðrir fulltrúar VMSÍ hefðu
fylgt þeim. Afleiðingin hefði orðið
klofningur ASÍ.
„Okkar sjónarmið urðu í raun
ofan á. Það voru auðvitað skýr
skilaboð, sem minnihluti þingsins
fékk, þegar 70% þingfulltrúa skil-
uðu auðu,“ sagði Magnús Sveins-
son, formaður VR.
Grétar Þorsteinsson, forseti
ASÍ, sagði í ræðu sinni, er hann
sleit þinginu síðdegis, að þótt hrikt
hefði í hefði þingið haft þrek til
að takast á við erfiðan ágreining
og leysa hann.
■ Útganga og klofningur/11
■ Beinar hækkanir/11
SÓLVEIG Lilja Guðmundsdóttir,
19 ára stúlka úr Njarðvíkum, var
kjörin fegurðardrottning íslands
í gærkvöldi. í öðru sæti varð Auð-
ur Geirsdóttir, fegurðardrottning
Norðurlands. Harpa Rós Gísla-
dóttir, fegurðardrottning Reykja-
víkur, lenti í þriðja sæti. Hún var
jafnframt kjörin Oroblu-stúlka
ársins og verður fulltrúi Islands í
Ford-keppninni. í fjórða sæti varð
Ilalla Svansdóttir, fegurðar-
drottning Vesturlands. Hún var
jafnframt kjörin vinsælasta stúlk-
an. Fimmta varð Bergljót Þor-
steinsdóttir.
Ríkissjóður
2 milljarðar
sparast
með
innlausn
FJÁRMÁLARÁÐHERRA kynnti í
gær áform um innköllun á þremur
flokkum spariskírteina frá 1986.
Verðmæti skírteinanna er áætlað
um 17,3 milljarðar króna og er
þetta stærsta innlausn sem ríkis-
sjóður hefur ráðist í til þessa. Verð-
ur hún fjármögnuð með því að bjóða
nýja flokka spariskírteina og ríkis-
bréfa í skiptum, en mismunurinn
verður fjármagnaður með erlendum
lántökum ef með þarf.
Að sögn Friðriks Sophussonar,
fjármálaráðherra, mun þessi aðgerð
spara ríkissjóði um 2 milljarða króna
í vaxtagjöldum á næstu þremur
árum. Spariskírteinin sem hér um
ræðir bera á bilinu 8-9% nafnvexti
eða um 2,5-3,5% hærri vexti en 5
ára spariskírteini bera í dag.
Gæti leitt til vaxtalækkana
Friðrik segir að því hafi verið
lýst yfir strax árið 1993 að ríkis-
sjóður myndi áskilja sér rétt til
þess að grípa til slíkra aðgerða og
hafi það haft áhrif á gengi bréfanna
þá. Þessi ráðstöfun ætti því ekki
að koma fjárfestum á óvart.
Gunnar Helgi Hálfdánarson, for-
stjóri Landsbréfa, segir að þessi
ráðstöfun ætti að geta leitt til ein-
hverrar vaxtalækkunar á 20 ára
spariskírteinum og megi vænta þess
að fjárfestar muni leita eftir því að
tryggja sér núverandi ávöxtunar-
kröfu á næstu dögum. Hins vegar
gæti þetta leitt til smávægilegrar
vaxtahækkunar á 5 ára spariskír-
teinum.
■ Leiðir til/20