Morgunblaðið - 22.02.1997, Blaðsíða 37

36 LAUGARDAGUR 22. FEBRÚAR 1997
MORGUNBLAÐIÐ
MORGUNBLAÐIÐ

STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
SKARÐIHUGAR-
FARSMÚRINN
DÓMUR Hæstaréttar í máli konu, sem slasaðist í leik-
fimitíma fyrir tólf árum, gefur mikilvægt fordæmi
og er skref í átt til jafnréttis kynjanna.
Hæstiréttur dæmdi konunni bætur vegna skertrar starfs-
orku og segir í forsendum dómsins: „Útreikningur tjónsins
verður ... að byggjast á áætlun um framtíðarhorfur henn-
ar á vinnumarkaði. Þótt útreikningar sýni, að meðaltekjur
kvenna hafi almennt verið lægri en karla, getur það ekki
ráðið úrslitum, þegar til framtíðar er litið. Mismunun um
áætlun framtíðartekna, þegar engar skýrar vísbendingar
liggja fyrir um tjónþola sjálfan, verður ekki réttlætt með
skírskotun til meðaltalsreikninga, en í 65. grein stjórnar-
skrárinnar er boðið, að allir skuli vera jafnir fyrir lögum
og konur og karlar njóta jafns réttar í hvívetna ...“
Ekki er lengra síðan en tvö ár að Hæstiréttur dæmdi
lítilli stúlku, sem hundur hafði bitið í andlitið, bætur sem
voru mun lægri en bótaupphæðin, sem piltur hefði fengið.
Rökin voru þau að meðallaun kvenna væru lægri en laun
karla.
Hér hefur því orðið ánægjuleg breyting á. Hún sýnir í
fyrsta lagi að stjórnarskrárbreytingin 1995, er sérstök
jafnræðisregla var sett í stjórnarskrána og sérstaklega
vísað til jafnréttis kynjanna, var raunveruleg réttarbót í
jafnréttismálum.
í öðru lagi þurfa ungar stúlkur ekki lengur að búa við
það ranglæti að æðsti dómstóll landsins geri beinlínis ráð
fyrir að ævitekjur þeirra verði lægri en ungra pilta. Hæsti-
réttur gefur sér ekki lengur þá forsendu að launamunur
kynjanna sé óumbreytanleg staðreynd. Þannig hefur dóm-
ur Hæstaréttar höggvið skarð í þann hugarfarsmúr, sem
er erfiðasta hindrunin í vegi raunverulegs jafnréttis kynj-
anna.
ÚR TAKTIVIÐ TÍMANN
BÓNDANUM á Bálkastöðum í Vestur-Húnavatnssýslu
og formanni Félags ferskra fjárbænda, Eyjólfi Gunn-
arssyni, hefur verið vikið úr Kaupfélagi Vestur-Húnvetn-
inga, vegna þess að hann, ásamt fleiri félögum í Félagi
ferskra fjárbænda, hefur átt viðskipti við verzlunina Hag-
kaup. í því félagi eru um 70 bændur en Eyjólfur er eini
bóndinn á félagssvæði kaupfélagsins.
Afstaða kaupfélagsins er í senn furðuleg og úr takti
við tímann. Það gengur að sjálfsögðu ekki í nútíma þjóðfé-
lagi, að félagsmanni kaupfélagsins sé vísað úr því og við-
skipti við hann stöðvuð vegna þess, að hann telur sér hag
í því að skipta einnig við aðra aðila. Þótt kaupfélög hafi
beitt slíkum aðferðum við bændur fyrr á tíð er fráleitt að
láta sér detta í hug, að verzlunarfyrirtæki geti stundað
slíka viðskiptahætti nú. Þróun verzlunar og viðskipta síð-
ustu árin hefur einkennzt af sívaxandi frelsi. Hömlur hafa
verið afnumdar í innflutnings- og útflutningsverzlun, gjald-
eyrishöft afnumin og frjálst flæði fjármagns er komið á
milli landa. Fjármálamarkaður hefur eflzt mjög með auknu
frelsi og umsvif verðbréfamarkaðar aukast dag frá degi.
íslendingar hafa gerzt aðilar að Evrópsku efnahagssvæði
(EES), sem enn hefur flýtt fijálsræðisþróuninni, og landið
er aðili að Alþjóðaviðskiptastofnuninni (WHO), en megin-
markmið hennar er að stuðla að sem víðtækustu frelsi í
verzlun og viðskiptum.
Loks má rifja það upp, að sérstök löggjöf hefur verið
sett um samkeppni. Fréttirnar úr Vestur-Húnavatnssýslu
benda ekki til þess, að forráðamenn kaupfélagsins hafi
áttað sig á þessum staðreyndum. Brottvikning Eyjólfs
bónda úr kaupfélaginu er hins vegar áminning um forn-
eskjulegt hugarfar. Bóndinn hefur ekki látið aðfarir kaup-
félagsins hræða sig til undanhalds í viðskiptum sínum við
Hagkaup. Hann sagði m.a. í samtali við Morgunblaðið:
„Þetta breytir engu fyrir mig, heldur hvetur þetta mig
einungis enn frekar til dáða. Samstarfið við Hagkaup hef-
ur verið einstaklega gott og Ijúft, og þetta hvetur mig enn
til að stuðla að bættum hag sauðfjárbænda eins og Félag
ferskra fjárbænda er stofnað til.“
Er nú ekki kominn tími til fyrir forráðamenn Kaupfé-
lags Vestur-Húnvetninga og hugsanlega skoðanabræður
að átta sig á þeim þjóðfélagsbreytingum sem orðið hafa
síðustu áratugi? Þar er frjálsræði í verzlun og viðskiptum
lykilatriði.
Yfirburðastaða Flugleiða og Ferðaskrífstofu íslands á hótelmarkaði
A
ÐILAR sem reka hótel á
landsbyggðinni, sem eru
ekki í eignatengslum við
Flugleiðir og Ferðaskrif-
stofu tslands (FÍ), óttast að verða
settir til hliðar við markaðssetningu
og ræða nú sín á milli um stofnun
samtaka til mótvægis við það vald
sem þeir segja að Flugleiðir og fyr-
irtæki tengd þeim hafi náð á mark-
aðnum.
Einar Sigurðsson, aðstoðarmaður
forstjóra Flugleiða, telur stofnun
slíkra samtaka mundi verða til þess
að styrkja íslenska ferðaþjónustu
og telur koma til greina að Flugleið-
ir gangi til til markaðssamstarfs við
slík samtök.
Allt of mikið framboð
og úrelt hótel
Samkvæmt könnun sem gerð var
árið 1993 var rúmlega 50% offram-
boð á gistiherbergjum á hótelum
og gistiheimilum í landinu miðað
við að æskilega 55% heilsársnýt-
ingu. Stór hluti þeirra hótelher-
bergja sem til eru stendur heldur
ekki undir kröfum nútímans.
Herbergi með baði finnast yfir-
leitt ekki á sumarhótelunum sem
Ferðaskrifstofa íslands rekur undir
merkjum Hótel Eddu yfir hábjarg-
ræðistíma ferðaþjónustunnar í ára-
tugagömlum
heimavistar-
skólum víða um
land.
Þrátt fyrir að
fyrrgreind
könnun hafi
gefið til kynna
að nýting her-
bergja hafi far-
ið úr 85,5% árið
1990 í 75,2%
árið 1993,
vegna aukins
framboðs þykja
fjárfestingar i
sumarhótelum
óhjákvæmileg-
ar til þess að
koma til móts
við óskir
markaðarins og
uppfylla þarfir
ferðamanna
fyrir jafnsjálf-
sögð nútíma-
þægindi og hót-
elherbergi með
baði.
Aðilar í
ferðaþjónustu tala um hótelmark-
aðinn í landinu sem tvo markaði;
þann á höfuðborgarsvæðinu og
hinn á landsbyggðinni.
Ferðaskrifstofa íslands hefur
haft mikla yfirburði á hótelmarkaði
á landsbyggðinni, ekki aðeins með
sumarhótelunum heldur rekur fyr-
irtækið heilsárshótel á Kirkjubæjar-
klaustri, Flúðum, Hvolsvelli og
Stóru-Tjörnum, auk þess sem það
hefur keypt Hótel Höfn og á fjórð-
ungs hlut í nýju 36 herbergja hót-
eli sem er verið að byggja á Egils-
stöðum til þess að leysa Hótel Vala-
skjálf af hólmi.
Á hótelum í eigu FÍ er að finna
17-20% gistirýmis í hótelum og
gistiheimilum á landsbyggðinni
miðað við áætlað framboð 1997, að
sögn Kjartans Lárussonar, fram-
kvæmdastjóra FÍ. Flugleiðir ráða
yfir um það bil 32% af -----------
hótelplássi í Reykjavík, að
sögn Einars Sigurðsson-
ar.
Það að langöflugasta __________
fyrirtækið í íslenskri
ferðaþjónustu, Flugleiðir, skuli nú
með svo afgerandi hætti hasla sér
völl í hótelrekstri utan höfuðborgar-
innar veldur óróa hjá þeim aðilum
sem hafa verið í samkeppni við FÍ
og töldu sig þegar vera í erfiðri
stöðu í þeirri samkeppni.
Þessi hópur hefur m.a. haft horn
í síðu þeirrar sérstöðu sem Eddu-
hótel FÍ hafa notið í því að reka
hótel í húsnæði í eigu ríkis og sveit-
arfélaga í heimavistarskólum víða
um land.
Óháð hótel
kanna niög’ii-
leika á niark-
aðssamstarfi
_ *
Kaup Flugleiða á Ferðaskrifstofu Islands
valda titringi meðal þeirra aðila sem eiga
og reka hótel á landsbyggðinni. Pétur Gunn-
arsson kynnti sér málið og ræddi við aðila
í ferðaþjónustu.
NÝTT heilsárshótel Hótel Eddu á Kirkjubæjarklaustri er meðal þess sem
Flugleiðir eignuðust við kaup á Ferðaskrifstofu íslands.
Óttast að
verða settir til
hliðar
Við einkavæðingu FÍ hafði fyrir-
tækið samning um leigu á skólun-
um. Margir þeirra áttu að renna
út á árinu 1997 og flestir þeirra
hafa þegar verið framlengdir, að
sögn Kjartans Lárussonar. Sam-
kvæmt upplýsingum Morgunblaðs-
ins eru þeir samningar yfirleitt til
3-5 ára.
Óháður hótelrekandi sagði við
Morgunblaðið að hann teldi óveij-
andi að þetta húsnæði opinberra
aðila væri leigt án útboða til þess
aðila sem er ráðandi í verðlagningu
á hótelgistingu utan höfuðborgar-
svæðisins.
Eiginfjárskortur
Eiginfjárskortur hefur bagað
uppbyggingu ferðaþjónustu á ís-
landi og því munar um það að Flug-
leiðir leggi sitt þunga lóð á vogar-
—------- skálar Ferðaskrifstofu ís-
lands.
Auk Ferðaskrifstofu ís-
lands eiga Flugleiðir hlut
í Hótel Húsavík, Hótel
ísafirði og keðjunni Foss-
hótelum, sem á hlut í Hótel Hörpu
og Hótel Áningu og stendur í fram-
kvæmdum við nýtt hótel á Hall-
ormsstað.
„Við hljótum að þurfa að fylgj-
ast mjög grannt með því hvernig
þróunin verður á næstu mánuðum
því að það getur enginn haft eftir-
lit með því hvort Flugleiðir eru að
nota Ferðaskrifstofu Islands í eigin
þágu,“ segir Helgi Jóhannsson,
framkvæmdastjóri Samvinnuferða-
Landsýnar, sem auk þess að flytja
inn erlenda ferðamenn rekur m.a.
sumarhótel á Bifröst.
Aðspurður hvort hann teldi þá
ekki þau skilyrði sem Samkeppnis-
stofnun setti fyrir kaupum Flugleiða
á FÍ duga til að tryggja að hagur
annarra á þessum markaði verði
ekki borinn fyrir borð, sagði Helgi:
„Það er alveg Ijóst að Samkeppnis-
stofnun áttar sig á vandanum en
þetta er erfitt og nánast vonlaust
að hafa eftirlit með þessari sam-
keppni.“
I máli viðmælenda úr þeim hópi
sem Helgi tilheyrir kemur m.a. fram
tortryggni í garð Flugleiða og að
þessir aðilar óttast að verða settir
til hliðar við markaðssetningu.
Tryggja uppbyggingu
Erlendum ferðaheildsölum verði
beint í viðskipti við dótturfyrirtæki
Flugleiða en fyrirtækinu
sé í lófa lagið að útbúa
hagstæða pakka hjá eigin
fyrirtækjum, þar sem
gisting og bílaleigubílar,
sem er virðisaukaskatt-
skyld þjónusta, verði boðin niður
en flug, sem ber ekki virðisauka-
skatt, verði látið vega þyngra.
Einar Sigurðsson, aðstoðarmaður
forstjóra Flugleiða, aftekur að þess-
ir aðilar þurfi að óttast að verða
settir til hliðar og segir að félagið
hafi fjárfest í Ferðaskrifstofu Is-
lands til að styrkja uppbyggingu á
gistirými í landinu. Samkeppnisyf-
irvöld hafi sett ákveðin skilyrði fyr-
ir kaupunum, sem Flugleiðir vilji
halda og fyrirtækið telji að þaú
skilyrði tryggi að hagur annarra
aðila á þessum markaði verði ekki
fyrir borð borinn.
„Það er ekki tilgangur okkar að
hafa á einni hendi allt gistirými í
landinu heldur að tryggja að það
sé áframhaldandi uppbygging, sér-
staklega í dýrara hótelrými. Þar
hefur skort þátttöku og fjármagn
og þess vegna var farið í þetta af
hálfu Flugleiða með það fyrir aug-
um að styrkja, Ferðaskrifstofu Is-
lands, fyrirtæki sem hefur verið
langfremst í þessari uppbyggingu
hér á landi.“
Kjartan Lárusson segir að
meðalstór fyrirtæki í ferðaþjónustu
eigi undir högg að sækja gagnvart
stórum fyrirtækjum. Smærri aðilar
eigi nú fyrst og fremst sóknarfæri
í sérhæfðum greinum á markaðn-
um. Hið sama hafi gerst í öðrum
atvinnugreinum og í ferðaþjónustu
í öðrum löndum. Kjartan kveðst
ekki hafa skoðun á því ef einhveij-
ir vilji vera á móti þessum raun-
veruleika viðskiptalífsins.
Aðilar sem standa utan Flug-
leiðablokkarinnar ræða nú mikið
saman um stöðuna í íslenskri ferða-
þjónustu og hvaða möguleika þeir
eigi á að tryggja stöðu sína gagn-
vart þessum öfluga aðila sem til er
orðinn á markaðnum. Meðal þess
sem er til um-
ræðu er mynd-
un keðju eða
samtaka sem
geti komið fram
sem einn aðili
varðandi bók-
anir og mark-
aðsstarf. Helgi
Jóhannsson
hefur heyrt um
þær hugmyndir
en segist telja
að slíkar hug-
myndir séu á
frumstigi.
Flugleiðir
bjóða
samtökum
samstarf
Sú hugmynd
að aðilar í hótel-
rekstri sem
standa utan
blokkar Flug-
leiða og Ferða-
skrifstofu ís-
lands myndi
samtök til mót-
vægis mætir ekki andstöðu hjá tals-
manni Flugleiða.
„Við teljum það af hinu góða að
þeir stofni til samtaka; það mundi
styrkja íslenska ferðaþjónustu í
heild og einnig fyrirtæki þessara
aðila. Því betri og öflugri og sterk-
ari í markaðssetningu sem fyrirtæk-
in eru því betra fyrir ferðaþjón-
ustuna í heild," segir Einar Sigurðs-
son.
í samtali við blaðamann
Morgunblaðsins lýsti hann því yfir
að ef um það væri að ræða að
menn vildu bindast samtökum til
að styrkja sölustarf á erlendum
markaði væri hugsanlegt að bjóða
slíkum samtökum að nýta sér
markaðsstyrk Flugleiða. Áhyggjur
þessara aðila af því að verða settir
til hliðar í markaðssetningu væru
ástæðulausar. Slík vinnubrögð
-------- væru ekki síst í andstöðu
við þá markaðsstefnu
Flugleiða að styrkja inn-
viði íslenskrar ferðaþjón-
________ustu.
„Við sjáum okkar sam-
keppnisvettvang fyrst og fremst á
erlendum mörkuðum í samkeppni
við ferðaþjónustu annarra landa.
Þar er okkar markaðshlutdeild yfir-
leitt 0,1-0,2% og þar eigum við í
baráttu um hvern einasta farþega.
Flugleiðir sjá sér hag í öllu sem
styrkir íslensk fyrirtæki. Það
mundi alls ekki stríða gegn þeirri
hugsun og markaðsstefnu að eiga
samstarf við markaðssamtök aðila
í hótelrekstri hér á landi,“ segir
Einar Sigurðsson.
Af hinu góða
að þeir stofni
til samtaka
LAUGARDAGUR 22. FEBRÚAR 1997 37
Morgunblaðið/Kristinn
HALLORMSSTAÐARSKÓGUR verður í nýja Egilsstaðabæ ef verður af sameiningu sveitarféiaga á Héraði. Hér eru menn við vinnu í skóginum.
„ Sameiningarbröltinu“
haldið áfram á Héraði
Á þessu árí verður kosið um hvort sameina
eigi sjö sveitarfélög á Fljótsdalshéraði í tvö.
Margir eru orðnir leiðir á „sameiningarbrölt-
inu“ en forsvarsmennirnir vonast til þess að
sameiningin, ef hún nær fram að ganga, verði
aðeins fyrsti áfangi stærri sameiningar. Helgi
Bjarnason kynnti sér stöðu mála.
FLJ ÓTSD ALSHÉR AÐI
eru ellefu sveitarfélög ef
Borgarfjörður eystri er
talinn með. Umræða um
sameiningu sveitarfélaga hefur
staðið lengi en allar smærri jafnt
sem stærri tilraunir hafa farið út
um þúfur vegna andstöðu sveitar-
stjórnarmanna eða íbúanna. Síðasta
tilraunin sem misheppnaðist var
sameining Fljótsdals-, Valla- og
Skriðdalshrepps. Hún var felld þrátt
fyrir að sýnt hafi verið fram á hag-
kvæmni þess fyrir íbúana.
Um skeið hefur verið unnið að
sameiningu í tveimur hlutum Hér-
aðs, annars vegar sameiningu í
kringum Egilsstaði og hins vegar á
norðurhluta Héraðs. Þær þreifíngar
hafa leitt til ákvörðunar hrepps-
nefnda Jökuldals-, Hlíðar- og Tungu-
hrepps um að leggja tillögur um sam-
einingu hreppanna fýrir íbúana 29.
mars. Þá er stefnt að atkvæða-
greiðslu um sameiningu Egilsstaða-
bæjar, Vallahrepps, Eiðahrepps, og
Hjaltastaðahrepps í sumar.
Kosið á Norður-Héraði
Hrepparnir á Norður-Héraði
standa saman að rekstri grunnskóla
í Brúarási og Jökuldælingar eiga
auk þess skóla á Skjöldólfsstöðum
fyrir yngri árgangana. Amór Bene-
diktsson, oddviti Jökuldalshrepps,
segir að þegar málið hafi komið til
umræðu síðasta vor, meðal annars
á almennum borgarafundi á Jökul-
dal, hafi komið í ljós afgerandi vilji
fyrir sameiningarhugmyndum. Eftir
það var kosin sameiningarnefnd með
fulltrúum sveitarstjórnanna þriggja
og skilaði hún af sér tillögum um
sameiningu í byijun þessa mánaðar.
Verið er að kynna tillögurnar í
hreppunum.
Spurður um mat á því hvort lík-
legt sé að af sameiningu verði segir
Arnór að vilji hafi verið fyrir því í
Jökuldalshreppi að gera þessa til-
raun. Hann segist ekki vita um af-
stöðu annarra nema hvað líklegt sé
að þeir sem nær þéttbýlinu búi, sér-
staklega í þeim hluta Tungunnar
sem liggur að Fellabæ og Egiisstöð-
um, meti málið á annan hátt. Hins
vegar sé of snemmt að spá um niður-
stöðu atkvæðagreiðslu. „Ef samein-
ingin verður felld tel ég koma til
greina að athuga með sameiningu
Jökuldals og Hlíðar við Fljótsdal,“
segir Arnór.
Liðlega 320 íbúar verða f nýja
sveitarfélaginu ef af verður. Arnór
segir að ótvírætt hagræði sé af því
að fækka sveitarstjórnarmönnum
um helming og stjórnun sameigin-
legra verkefna verði einfaldari.
Nefnir hann skólamálin í því sam-
bandi og segir að þau hafi ýtt á
eftir sameiningu. Það væri til dæm-
is mjög flókið verkefni að skipta
þeim framlögum úr Jöfnunarsjóði
sem sveitarfélögin fá vegna reksturs
skólanna á milli þeirra og mun ein-
faldara að sarneina sveitarfélögin.
Gert er ráð fyrir því að í nýrri
hreppsnefnd verði sjö menn. Núver-
andi hreppsnefndir ætla að leggja
fram sameiginlegan lista við fyrstu
kosningar og ef ekkert mótframboð
kemur fá Jökuldælingar þijá menn
en hinir tvo menn hvor hreppur.
Auglýst verður eftir tillögum að
nafni á sveitarfélagið og kosið um
fimm helstu nöfnin þar til hreinn
meirihluti næst fyrir einu.
Fyrsta skrefið
Viðræður Egilsstaða, Eiðaþing-
hár og Hjaltastaðaþinghár hófust
fyrir ári. Vellir bættust við í haust
eftir að sameining við Fljótsdal og
Skriðdal féll vegna andstöðu í hinum
hreppunum. í þessum sveitarfélög-
um búa nú um 2.000 manns. Þuríð-
ur Backman, forseti bæjarstjómar
Egilsstaða, segir að nú séu tvær
nefndir að störfum. Önnur eigi að
koma með tillögur að stjórnkerfi og
skipuriti nýs sveitarfélag en hin að
fjalli um fyrirkomulag á rekstri skól-
anna. Hún segir að því stefnt að
kynna tillögur sameiningarnefndar
um eða eftir páska og leggja þær
síðan fyrir íbúana í sumar.
„Ég tel að það vinni allir að mál-
inu af fullum heilindum," segir Þur-
íður um líkurnar á því að af samein-
ingu verði. Hún segir að um þetta
hafi alltaf verið og séu skiptar skoð-
anir. „Þeir sem eru á móti samein-
ingu hafa verið það af mismunandi
ástæðum. Sumir vilja engar breyt-
ingar en öðrum finnst skrefið of lít-
ið, vilja meiri sameiningu,“ segir
hún.
Sumir segja að nóg sé komið af
þessu sameiningarbrölti á Fljóts-
dalshéraði og menn verði að bíða
eftir því að grænt ljós komi frá íbú-
um allra sveitarfélaganna áður en
reynt verði við sameiningu héraðs-
ins. „Ég hef heyrt þetta en er hrædd
um að við þyrftum að bíða ansi lengi
eftir því,“ segir Þuríður. Hún segist
líta á þá vinnu sem nú á sér stað
sem fyrsta skrefið í sameiningu á
svæðinu. Fleiri gætu bæst við síðar,
þegar þeir væru tilbúnir. Arnór
Benediktsson vill einnig stefna að
því að Héraðið verði eitt sveitarfé-
lag. „Sá tími er ekki kominn. Þess
vegna verða einhver sveitarfélög að
ríða á vaðið. Síðar verður að meta
það í ljósi reynslunnar hvort menn
vilja hafa þetta áfram í sama horfi
eða stíga stærri skref,“ segir hann.
Stofna sameiginlega
félagsmálanefnd
Ellefu sveitarfélög eru nú á Fljóts-
dalshéraði og í Borgarfirði eystra.
íbúarnir vora 3.138 þann 1. desem-
ber síðastliðinn. Liðlega helmingur
íbúanna bjó í Egilsstaðabæ, eða
1.642, en 61 íbúi í Hjaltastaðahreppi
þar sem fæstir bjuggu.
Sveitarfélögin hafa lengi haft með
sér formlegt samstarf og hittast
forystumenn þeirra reglulega á svo-
kölluðum oddvitafundum. Þuríður
Backman segir að þó oddvitasam-
starfið sé í raun valdalaus stofnun
hafi það reynst gagnlegt. Nefnir hún
sem dæmi að mynduð hafi verið ein
bamavemdarnefnd fyrir allt svæðið
og á síðasta oddvitafundi hafi verið
ákveðið að fela svokallaðri svæðis-
nefnd að koma með tillögur að stofn-
un sameiginlegrar félagsmálanefnd-
ar. Átta sveitarfélög hafa þegar
samþykkt þátttöku í nefndinni, mál- 4
ið er óafgreitt hjá Fellahreppi og
Hlíðarhreppi og Borgarfjarðar-
hreppur hefur hafnað þátttöku að
svo stöddu en það kann að breytast
verði öll sveitarfélögin með. Að sögn
Þuríðar er verið að skoða það hvort
rétt sé að fella barnavemdarmálin
undir félagsmálanefndina eða hafa
nefndimar tvær.
Hún nefnir fleira. Búið er að vinna
mikið í svæðisskipulagi fyrir Fljóts-
dalshérað og Borgarfjörð. Þá hefur
verið ákveðið að hefja vinnu við
gerð svæðisbundinnar byggðaáætl-. .
unar fyrir Hérað, Borgarfjörð og
Seyðisfjörð. Segist Þuríður vonast
til þess að vinna við bæði þessi verk-
efni verði til þess að styrkja byggð-
ina. „Ég vona að þessi gerjun, þeg-
ar við setjumst saman til að vinna
að tilteknum verkefnum án þess að
hugsa um sameiningu, verði til góðs
fyrir heildina,“ segir Þuríður.