Morgunblaðið - 22.02.1997, Blaðsíða 68

68 LAUGARDAGUR 22. FEBRÚAR 1997
MORGUNBLAÐIÐ
M YN DBÖN D/KVIKM YN Dl R/ÚTVARP-S JÓIM VARP
MYIMPBÖND
Nettengdur
fjöldamorðingi
Nær og nær
(Closer and Closer)
Spcnnumynd
★ 'h
Leikstjóri: Fred Gerber. Framleið-
and: Julian Marks. Handrit: Matt
Dorff. Aðalhlutverk: Kim Delaney,
Scott Kraft, John J. Youk. 95 mín.
Bandarísk. Power Pictures/Mynd-
form 1995. Bönnuð börnum yngri
en 16 ára. Útgáfudagur 18. febrúar.
FJÖLDAMORÐ-
INGJAR eiga
hug metsöluhöf-
undarins Kate
Sanders (Kim
Delaney) allan.
Eftir að hafa
rannsakað þá
sem blaðamaður
skrifaði hún
skáldsögu um
óhugnanlegan fjöldamorðingja og
sló hún í gegn. Kate hafði hinsveg-
ar ekki gert sér í hugarlund að
einn lesandinn ætti eftir að taka
sér hugmyndir hennar til fyrir-
myndar og leika raðmorðin eftir,
hvað þá síður að hún yrði eitt af
fórnarlömbunum. Til mikillar
lukku komst hún lífs af en er löm-
uð neðan við mitti.
Bundin við hjólastól hefur hún
einangrað sig frá öllum mannleg-
um samskiptum og reiðir sig nær
einvörðungu á tölvufjarskiptin.
Þrátt fyrir hörmulegar afleiðingar
af útkomu bókar sinnar finnur hún
sig knúna til þess að ljúka sög-
unni sinni, gera upp sakir við hinn
ímyndaða fjöldamorðingja. Fljót-
lega í kjölfar útgáfu nýju bókar-
innar fara hinir skelfilegu atburðir
að endurtaka sig. Framin er röð
morða í anda fjöldamorðingja bók-
anna og beinast spjótin að Kate
og þeirri ábyrgð sem hún kann
að bera á voðaverkunum. Morð-
inginn lætur hana reglulega vita
af morðum sínum og gerir grein
fyrir að slóðin liggi rakleiðis til
hennar, að hann komi nær og nær.
Hér er á ferðinni nokkuð lúmsk
spennumynd sem aldrei þessu vant
er ekki of fyrirsjáanleg, þótt sjálf
lokafléttan sé hæpin. Tækjasýkin
keyrir að vísu um þverbak og hlut-
verk tölvutækninnar í söguþræðin-
um er á stundum hálf kjánalegt.
Auk þess hefði mátt standa meiri
ógn af sjálfum fjöldamorðingjan-
um, til þess að nærvera hans virk-
aði skelfilegri. Leikstjórinn nýtir
sér hinsvegar skemmtilega þá ein-
angrun og fjarlægð sem fjarskipt-
in skapa, til þess að byggja upp
stigmagnandi spennu, sem hann
heldur frá upphafi til enda.
Skarphéðinn Guðmundsson
SVIÐSMYND frá uppfærslu óperunnar í óperuhúsinu í Veróna.
A
Operukvöld Ríkisútvarpsins
Astir og örlög í Fenejgum
í KVÖLD verður óperunni La Gioc-
onda, eða Brosmildu stúlkunni, eftir
Italska tónskáldið Amilcare Ponchi-
elli, f. 1834 í Kremóna, d. í Mílanó
1886, útvarpað á rás 1 á Óperu-
kvöldi Ríkisútvarpsins. Þetta er
hljóðritun frá Scala-óperunni í
Mílanó og stjórnandi er Roberto
Abbado.
Textinn í óperunni er eftir Arrigo
Boito sem vann hann eftir skáldsögu
Victors Hugo.
Brosmilda stúlkan gerist í Feneyj-
um og fjallar um ástir og örlög fólks
á 17. öld. Óperan var frumsýnd í
La Scala 1876.
Gioconda
syngur úti á
strætum til að sjá
fyrir móður sinni.
Barnabas njósn-
ari rannsóknar-
réttarins er ást-
fanginn af henni
en hún vill ekkert
með hann hafa
því hún elskar
Enzo, flótta-
mann frá Genúa. Barnabas kærir
þá móður hennar fyrir galdra en
Alvise, forseti rannsóknarréttarins,
sýknar hana eftir að Lára eiginkona
hans hlutast til í málinu. Þá sér
Enzo að Lára er gömul unnusta
hans og þau eiga saman ástarfund.
Alvise kemst að því og reynir að
eitra fyrir henni án árangurs, því
Giocondo færir henni deyfilyf í stað-
inn. Þegar Lára vaknar úr deyfi-
svefni fær Giocondo Barnabas til að
hjálpa Láru og Enzo við að komast
úr landi gegn því að játast honum.
Endalok ópurunnar verða síðan
dramatísk eins og hlustendur eiga
eftir að komast að raun um.
LOKSINS - LOKSINS
OPNUM í DAG KL. 14
YFIR 400 EIGULEGIR MUNIR
T.D. MIKIÐ AF SKÁPUM, BORÐSTOFUBORÐUM, SKRIFBORÐUM,
SÓFABORÐUM, STÓLUM, SKENKUM, SPEGLUM OG FL.
SÝNING UPPBOÐSMUNA ( DAG KL 14-18,
SUNNUDAG KL 14-18, MÁNUDAG TIL FÖSTUD. KL. 12-21
UPPBOÐIÐ SJÁLFT FER FRAM HELGINA
1.0G2. MARS
UPPBOÐ FYRIR ALLA
RISA ANTIK-UPPBOÐIÐ
SÍÐUMÚLA 34, SÍMAR 892 0566 OG 896 0990
MYNDBÖND
SÍÐUSTU VIKU
Loforðið
(Keeping the Promise) ★ ★'/2
Ráðgátur: Tunguska
(The X-fiIes: Tunguska)
★ ★'/2
Vopnahléið
(NothingPersonal) ★★★'/2
Undur í djúpum
(Magic in the Water) ★ ★
Lokadansinn
(LastDance) ★ 'U
Nótt hvirfilvindanna
(The Night of the Twisters)
★ ★
Auga fyrir auga
(Eye for an Eye) ★‘/2
Innrásardagurinn
(Independence Day) ★ ★ ★
Hr. Hörmung
(Mr. Wrong) ★ ★V2
Steinakast
(Sticks and Stones) ★1A
Kazaam
Kazaam ★
í blíðu og stríðu
(Faithful ★ ★‘/2
Billy slær í gegn
(Billy’s Holiday) ★ ★
Jane Eyre
(JaneEyre) ★★
Ed
(Ed) '/2
Dauði og djöfull
(Diabolique) ★
Barnsgrátur
(The Crying Child) ★
Riddarinn á þakinu
(Horseman on the Roof) ★ j>
★ ★