Dagblaðið Vísir - DV - 17.10.1987, Síða 30

42
LAUGARDAGUR 17. OKTÓBER 1987.
Popp
1 1 1 I 1
* 2» tf- s mm. T j?8t 'Sí
r ■ 1 1
m 3S * 22 ¥
• a’-'M- m'w r fr inr'i'i'f
Paul McCartney lætur aódáendur sína ekki alveg fara í jólaköttinn.
Tvöföld safnplata
frá Paul McCartney
Ekkert verður af því að plata Pauls
McCartney, sem hann hefur unnið
að síðustu mánuðina, komi út á
þessu ári. Gamli Makk hefur haldið
sig á heimaslóðum við vinnsluna en
fékk Bandaríkjamanninn Phil Ram-
one til að stýra upptökum. Sá hefur
átt stóran þátt í velgengni margra
stórpoppara á undanfórnum árum.
Má þar nefna Billy Joel, Paul Simon
og nú síðast Julian Lennon.
En fyrst nýja platan frestast hefur
McCartney ákveðið að senda frá sér
tvöfalda plötu með öllum sínum vin-
sælustu lögum síðan hann hætti í
The Beatles. Og til að gefa plötunni
enn frekara gildi verður eitthvað af
nýjum lögum haft meö. Heimildum
ber ekki saman um hvort nýju lögin
verða eitt, tvö eða þrjú. Eitt þeirra
Helgarpopp
Ásgeir Tómasson
ku þó heita Once Upon A Long Ago.
Platan tvöfalda hefur hlotiö nafnið
All The Best.
Og meira fyrir aðdáendur Bítilsins
gamla: Sony setur á markaðinn, áður
en langt um líður, klukkustundar-
langa myndbandsspólu með McCart-
ney. Loks má geta þess að Christie’s,
uppboðsfyrirtækið fræga, hélt upp-
boö á poppminjum nú á dögunum.
Handrit McCartneys að texta lagsins
She Came Through The Bathroom
Window af plötunni Abbey Road
seldist fyrir sem nemur 912.517 krón-
um. Til samanburöar má nefna að á
sama uppboði seldist vélritað hand-
rit Lennons að Get Back á „aðeins“
386.065 krónur. Munurinn hefur
sennilega verið svona mikill því að
McCartney hafði skrfað textann með
eigin hendi.
Nýja Hanisonplatan
þykir lofa góðu
„Mér leið eins og ég væri kominn
í hljómsveit að nýju,“ segir George
Harrison um samstarf sitt og Jeffs
Lynne á plötunni Cloud Nine. Sú er
sú fyrsta sem Harrison vinnur að
síðan árið 1982 og er væntanleg á
markaö eftir nokkra daga.
Nokkuð er um liðið síðan Harrison
ákvað að byrja á nýrri plötu. Árið
1982 kom út platan Gone Troppo sem
fór fyrir ofan garð og neðan hjá þorra
manna. Þá ákvað Harrison að hún
skyldi verða hans síðasta. Þrátt fyrir
það hélt hann áfram að semja tónlist
og hljóðrita í einkastúdíói sínu heima
í Friar Park í einu úthverfa Lund-
úna.
•e „Loks kom að því að ég ákvað að
láta slag standa," segir George Harri-
son. „En þá vantaði mig upptöku-
stjóra. Einhverra hluta vegna datt
mér Jeff Lynne í hug þótt ég þekkti
hann ekki nokkurn skapaðan hlut.
Ég haföi vitaskuld fylgst með honum
í hljómsveitinni Electric Light Orc-
hestra og fannst við geta unnið
saman.“ - Það kom og á daginn.
Stjörnurnar sem koma fram á plöt-
unni Cloud Nine eru svo sem ekkert
margar en þess skærari. Eric Clap-
ton leikur á gítar með Jeff og George.
Trommuleikarar eru Ringo Starr,
Jim Keltner og Ray Cooper, Elton
John og Gary Wright leika á hljóm-
borð og Jim Hom blæs í saxófón.
Hvers konar plata skyldi svo Cloud
Nine vera? Sú besta sem George
Harrison hefur sent frá sér, síðan sú
þrefalda All Things Must Pass kom
út árið 1970, er áht eins blaðamanns
Rolling Stone tímaritsins sem fékk
að hlusta á plötuna skömmu eftir að
lokahljóðblöndun lauk. Jeff Lynne
segir að þeir George Harrison hafi
verið sammála um að sleppa öllum
skellunum og hamagangnum sem
einkennir mikið af poppinu um þess-
ar mundir. Þama er að finna lag sem
er í svipuöum stíl og dægurtónlistin
var í árdaga rokksins og annað sem
gæti allt eins verið gamalt bítlalag.
Það heitir reyndar When We Was
Fab og fjallar einmitt um Bítlana.
Tonar frá Billy Joel
austan jámtjaldsins
Billy Joel gerði garðinn heldur bet-
ur frægan í Sovétríkjunum síðastlið-
ið sumar er hann hélt nokkra
tónleika í Moskvu og Leningrad. Nú
fáum við hin, sem ekki komumst að,
að njóta reyksins af réttunum, ef svo
má segja. Tvöfold hljómleikaplata
með Joel, hljóðrituð í Sovét, er að
koma út. Hún heitir stutt og laggott
Billy Joel Konsert, sem ku vera rúss-
neska og þýðir Billy Joel á hljómleik-
um.
Að sjálfsögðu fáum við að heyra
rjómann af smellum Joels síðasta
áratuginn og rúmlega það. En það
sem gerir plötuna forvitnilega er ný
útsetning bítlalagsins Back In The
U.S.S.R. Einnig leikur Billy Joel einn
á kassagítar og syngur gamla Dylan-
lagið The Times They Are A-Chang-
in!
Á nýju hljómleikaplötunni tekur Billy
Joel sér gítar í hönd og syngur og
leikur The Times They Are A-Chang-
in!
Jólaplata aldarinnar
Bruce Springsteen, Madonna, U2,
Bon Jovi, Pretenders, John Cougar
Mellancamp og Whitney Houston
eiga öll lög á nýrri jólaplötu sem
kemur út í lok þessa mánaðar. A
Very Special Chritsmas heitir platan.
A & M gefur hana út og það er sá
þekkti upptökustjóri Jimmy Iovine
sem sá um að koma plötunni saman.
Hinir listamennirnir sem syngja
lög á þessari stjörnuplötu eru Point-
ers Sisters, Eurythmics, Sting,
Run-D.M.C., Bob Seager, Bryan Ad-
Meðal þeirra sem taka lagið á A
Very Special Christmas er Bruce
Springsteen.
ams, Alison Moyet og Stevie Nicks.
Allur þessi hópur tók sérstaklega
upp lögin sín fyrir plötuna nema
Sting og Bruce Springsteen. Lag
Stings er GabrieTs Message og Bruce
og E-Street bandið leggja til Merry
Christmas Baby. Bæði þessi lög
munu hafa komið út áður.
Ástæðan fyrir því að Iovine datt i
hug að framleiða A Very Special
Christmas var einfaldlega sú að hann
langaði að gera virkilega rokkaða
jólaplötu! Þegar allt var að smella
saman flaug honum í hug að senni-
lega ætti plata sem þessi eftir að
seljast vel og hann langaði ekkert til
að hirða af henni ágóðann. Hann
varð því að grafa upp eitthvert líkn-
arfélag eöa hjálparsjóð til að ánafna
ágóðanum. Eina skilyrðið sem Iovine
setti var það að engin pólitísk lykt
mætti vera af félagsskapnum sem
hann ætlaði að styrkja.
Endirinn varð sá að Special
Olympics fær ágóðann. Þessi félags-
skapur skipuleggur íþróttaæfingar
og keppnisprógrömm fyrir vangefna
í Bandaríkjunum - jafnt börn og full-
orðna. Það var reyndar kona Iovines
sem benti honum á þennan félags-
skap. Hún hafði sjálf unnið fyrir
Special Olympics og vissi að illa gekk
að safna fé til starfseminnar.
Verður A Very Special Christmas
jólaplata aldarinnar? Kannski ekki.
En það ætti svo sannarlega að vera
hægt að rokka kringum jólatréð í ár.
George Harrison þekkti ekki Jeff Lynne er hann valdi hann sem upptöku-
stjóra nýju plötunnar sinnar.