Dagblaðið Vísir - DV - 27.06.1997, Blaðsíða 4

4
FÖSTUDAGUR 27. JÚNÍ 1997
Fréttir
Formaður Prestafélags íslands með rangar upplýsingar:
Bréfi mínu breytt hjá
allsherjarnefnd Alþingis
- segir Gunnlaugur Finnsson, bóndi og kirkjuráðsmaður
Gunnlaugur Finnsson, bóndi og kirkjuraösmaöur, segir allsherjarnefnd Alþingis hafa breytt bréfi sínu. Vegna breyt-
inganna hafi sr. Geir Waage sakaö sig um óheil vinnubrögð. Formaður allsherjarnefndar biðst velvirðingar á vinnu-
brögðum nefndarinnar. DV-mynd Höröur
í ljós hefur komið að allsherjar-
nefnd Alþingis breytti bréfi sem
Gunnlaugur Finnsson, bóndi og
kirkjuráðsmaður, skrifaði nefnd-
inni. Um er að ræða persónulegt
bréf varðandi deilur um fimm ára
ráðningu eða æviráðningu presta.
Bréfinu var breytt í meðforum alls-
herjarnefndar þannig að í staðinn
fyrir „ég“ er sagt „við“ og látið líta
út sem bréfið sé frá fólki í Flateyr-
arsókn.
Á aukakirkjuþingi í janúar síð-
astliðnum urðu sem kunnugt er
deilur um hvort halda skuli við lög
frá í fyrra um að prestar séu ráðnir
til fimm ára eða hvort aftur yrði
snúið til æviráðningar eins og áður
var.
Enn kom þetta til umræðu á aðal-
fundi Prestafélagsins í vikunni. Þar
ásakaði formaður félagsins, Geir
Waage, leikmenn í kirkjuráði fyrir
að hafa beitt fyrir sig sóknarnefnd-
um til að ekki yrði snúið aftur til
æviráðningar presta. Séra Geir er
ákafur stuðningsmaður þess að svo
verði gert. Hann ásakaði Gunnlaug
Finnsson, bónda og kirkjuráðs-
mann, fyrir að hafa beitt fyrir sig
sóknarfólki Flateyrarsóknar í þessu
máli vegna þess sem fram kemur í
gögnum allsherjarnefndar.
Breytingartillaga samþykkt
Gunnlaugur Finnsson flutti,
ásamt tveimur prestum, tillögu á
aukakirkjuþingi í janúar um að lög-
in um 5 ára ráðningu yrðu látin
gilda áfram. Um þetta voru deilur á
þinginu. Tillagan var samþykkt með
9 atkvæðum gegn 5 en 3 sátu hjá.
„Þegar ég fór að skoða kirkju-
þingsgögnin sem send höfðu verið
allsherjamefnd tók ég eftir því að
niður hafði fallið þessi breytingar-
tillaga. Hún hafði ekki verið kynnt
til Alþingis. Vegna þessa skrifaði ég
allsherjarnefnd bréf. Ég gerði það
að eigin frumkvæði og kynnti í bréf-
inu þessa breytingartillögu sem ég
átti aðild að og hvemig hún var af-
greidd á kirkjuþinginu. Ég tók ræki-
lega fram að hér væri um mina per-
sónulegu skoðun að ræða,“ segir
Gunnlaugur.
Bréfinu breytt
Hann heldur áfram: „Þegar ails-
herjarnefnd var búin að afgreiða
málið þá fengum við í kirkjuráði að
sjá samantekt allsherjarnefndar sem
sendi gögnin til sóknarnefndanna í
landinu. Ég skoðaði hvort eitthvað
væri sagt um bréfið sem ég sendi
nefndinni. Þá er það merkt Flateyr-
arsókn, sem er allt annað en sóknar-
nefnd Flarteyrarsóknar, sem auðvit-
að hafði sent sitt álit eins og aðrar
sóknarnefndir. Það kom mínu bréfi
ekkert við. Aðeins fyrri hluti bréfs
míns var birtur; síðari hlutanum
sleppt. En það versta er að texta min-
um var breytt," segir Gunnlaugur.
Við í stað ég
„Ég skrifaði bréfið í 1. persónu en
því er breytt og þar sem ég sagði
„ég“ stendur alls staðar „við“. Þar
með er verið að láta líta út eins og
ég hafi hóað sóknarfólki Flateyrar-
sóknar saman og bréfið sé frá því
fólki. Þetta lítur því út eins og ég
hafi verið með þau óheilu vinnu-
brögð sem séra Geir Waage sakaði
mig um á aðalfundi Prestafélagsins
á Akureyri á dögunum af því að
hann vissi ekki betur,“ segir Gunn-
laugur Finnsson,
Hann bendir á að hér sé auðvitað
um stóralvarlegt mál að ræða þar
sem í hlut á sjálf allsherjamefnd Al-
þingis. -S.dór

Innlausnarverð vaxtamiða
verðtryggðra spariskírteina ríkissjóðs
Hinn 10. júlí 1997 er 25. fasti gjalddagi vaxtamiða verðtryggðra
spariskírteina ríkissjóðs í l.fl.B 1985.
Gegn framvísun vaxtamiða nr. 25 verður frá og með 10. júlí nk. greitt sem hér segir:
Vaxtamiði með 5.000 kr. skírteini = kr. 582,30
Vaxtamiði með 10.000 kr. skírteini = kr. 1.164,60
Vaxtamiði með 100.000 kr. skírteini = kr. 11.646,00
Hinn 10. júlí 1997 er 23. fasti gjalddagi vaxtamiða verðtryggðra
spariskírteina ríkissjóðs í l.fl.B 1986.
Gegn framvísun vaxtamiða nr. 23 verður frá og með 10. júlí nk. greitt sem hér segir:
Vaxtamiði með 50.000 kr. skírteini = kr. 5.205,30
Ofangreindar fjárhæðir eru vextir af höfuðstól spariskírteinanna fyrir tímabilið
10. janúar 1997 til 10. júlí 1997 að viðbættum verðbótum sem fylgja hækkun
sem orðið hefur á lánskjaravísitölu frá grunnvísitölu skírteinanna.
Athygli skal vakin á því að innlausnarfjárhæð vaxtamiða breytist aldrei eftir gjalddaga.
Innlausn vaxtamiða fer fram gegn framvísun þeirra í afgreiðslu Seðlabanka Islands,
Kalkofnsvegi 1, Reykjavík, og hefst hinn 10. júlí 1997.
Reykjavík, 27. júní 1997
SEÐLABANKIÍSLANDS
Formaöur allsherjarnefndar Alþingis:
Vinnuskjal
sem ekki
átti að fara
áflakk
- sjálfsagt að biðja viðkomandi velvirðingar
Sólveig Pétursdóttir, formað-
ur allsherjamefndar Alþingis,
segir að plaggið sem Geir Waage
og Gunnlaugur Finnsson vitna í
frá allsherjarnefnd hafi verið
vinnuskjal allsherjarnefndar
sem ekki átti að fara annað.
Hún segir að meðal umsagna
sem bárust um frumvarpið hafi
verið umsagnir frá annars vegar
Flateyrarsókn, sem Gunnlaugur
Finnsson, formaður sóknar-
nefndar, og Þorbjörg Sigþórs-
dóttir ritari skrifuðu undir. Hins
vegar hafi allsherjamefnd líka
borist erindi frá Gunnlaugi
Finnssyni persónulega. Þessum
erindum hafi verið dreift til
allra nefndarmanna. Þegar
vinna við málið hófst í allsherj-
arneftid útbjuggu starfsmenn
nefndarsviðs þingsins vinnu-
skjal þar sem útdrátt úr umsögn-
um var aö finna eins og venja er
í málum af þessari stærð-
argráðu.
„Útdrátturinn er vinnugagn
sem eingöngu var ætlað nefndar-
mönnum og dreift til þeirra
ásamt erindum sem bárust. Ekki
er ljóst hvernig vinnuskjalið
barst kirkjuráði eins og fram
hefur verið haldið," segir Sól-
veig.
Hún segir að í vinnuskjalinu
sé bæði að finna athugasemd frá
sóknarnefnd Flateyrarsóknar og
Gunnlaugi Finnssyni. Hins veg-
ar hafi þau leiðu mistök orðið að
athugasemd Gunnlaugs hafi
fengið yfirskriftina „Flateyrar-
sókn“ og eintölu var breytt í
fleirtölu á nokkmm stöðum.
Ekki var um neinar efnislegar
breytingar á textanum að ræða.
„Ég veit ekki til að þetta mál
hafí hingað til valdið neinum
misskilningi. Það er auðvitað
alltaf leiðinlegt þegar tæknileg
mistök eiga sér stað og sjálfsagt
að biða viðkomandi velvirðingar
á því,“ segir Sólveig Pétursdótt-
ir.
-S.dór