Dagblaðið Vísir - DV - 04.04.2002, Page 14
14
FIMMTUDAGUR 4. APRÍL 2002
FIMMTUDAGUR 4. APRÍL 2002
27
Útgáfufélag: Útgáfufélagiö DV ehf.
Framkvæmdastjóri: Hjalti Jónsson
Aöalritstjóri: Óli Björn Kárason
Ritstjóri: Sigmundur Ernir Rúnarsson
Aöstoðarritstjóri: Jónas Haraldsson
Fréttastjóri: Birgir Guömundsson
Ritstjórn, skrifstofur, auglýsingar, smáauglýsingar, blaöaafgreiösla, áskrift:
Þverholti 11,105 Rvík, simi: 550 5000
Fax: Auglýsingar: 550 5727 - Ritstjórn: 550 5020 - Aðrar deildir: 550 5999
Græn númer: Auglýsingar: 800 5550. Áskrift: 800 5777
Ritstjórn: ritstjorn@dv.is - Auglýsingar: auglysingar@dv.is. - Dreifing: dreifing@dv.is
Akureyri: Kaupvangsstræti 1, sími: 462 5000, fax: 462 5001
Setning og umbrot: Útgáfufélagið DV ehf.
Plötugerö og prentun: Árvakur hf.
DV áskilur sér rétt til að birta aðsent efni blaösins í stafrænu formi og í gagnabönkum án endurgjalds.
DV greiðir ekki viömælendum fyrir viðtöl við þá eða fyrir myndbirtingar af þeim.
Bilið í borginni
Hver könnunin af annarri staðfestir mikinn mun á fylgi
stóru fylkinganna í Reykjavík. Ný könnun Talnakönnun-
ar sem birt var í gærdag er staðfesting á könnunum DV
og Gallup sem hafa verið að birtast á siðustu vikum og
sýna að munurinn á milli fylkinganna er á bilinu 15 til 25
prósentustig. Það er mikill munur á fylgi tveggja keppi-
nauta - ekki síst í ljósi þess að hlutfall óákveðinna er lít-
ið. Og eins er það ærið áhyggjuefni annars keppandans að
munurinn er fráleitt að minnka. Þvert á móti.
Nógu illt var það fyrir Sjálfstæðisflokkinn að mælast
með sex borgarfulltrúa í þann mund sem mynd var að
komast á framboð flokksins í Reykjavík. Enn verra var
það fyrir flokkinn að mælast nokkrum vikum seinna með
fimm borgarfulltrúa þegar hann hafði kynnt stefnumál sín
á glæsilegum fundi með hressilegum frambjóðendum sín-
um. Þetta gerist á sama tíma og Sjálfstæðisflokkurinn í
Reykjavik hefur verið i miklu sviðsljósi fjölmiðla og kom-
ið þar fram af reisn og myndugleika.
Reykvískir sjálfstæðismenn standa frammi fyrir stór-
um og að mörgu leyti furðulegum vanda. Fylgi þeirra hef-
ur minnkað með hverri vikunni sem liðið hefur frá því
þeir settu saman lista sinn. Nú, viku eftir að helstu stefnu-
mál hafa verið i hámæli og fáir ef nokkrir fjölmiðlar hafa
verið að minnast mörgum orðum á Reykjavíkurlistann,
mælist kjörfylgi sjálfstæðismanna i borginni vera litlu
meira en 35 prósent. Á hálfum öðrum mánuði hefur hann
fallið um tíu prósentustig í skoðanakönnunum.
Þetta er raunar ekki í fyrsta skipti sem Sjálfstæðisflokk-
urinn í Reykjavík á á brattann að sækja í skoðanakönn-
unum nokkrum vikum fyrir kosningar. Nærtækast i þeim
efnum er að horfa til siðustu borgarstjórnarkosninga. í
skoðanakönnun DV aðeins tveimur vikum fyrir þær kosn-
ingar mældist fylgi flokksins vera 34,5 prósent. Á enda-
sprettinum tóku sjálfstæðismenn sig duglega á og juku
fylgi sitt um ríflega tíu prósentustig. Það sýnir enn og aft-
ur hvað vika er óralangur tími i pólitik.
Það sem vekur hins vegar sérstaka athygli í skoðana-
könnunum fyrir borgarstjórnarkosningarnar í vor er að
hlutfall óákveðinna er tiltölulega mun lægra en það var í
könnunum nokkrum vikum fyrir kosningarnar 1998. All-
ar kannanir siðustu daga og vikna sýna að hlutfall
óákveðinna er ekki nema um tíu af hundraði, jafnvel allt
niður í sjö prósent eins og nýjustu athuganir sýna. Þetta
er ekki hátt hlutfall óákveðinna og í reynd svo lágt að telja
verður til tiðinda í íslenskri pólitík.
Telja verður allar líkur á því að bilið á milli stóru fylk-
inganna muni minnka á næstu vikum. Reynslan sýnir að
Reykjavíkurlistinn mælist í hámarki nokkrum mánuðum
fyrir kosningar. Hann mældist með vel ríflega sextíu pró-
senta fylgi í könnun DV þremur mánuðum fyrir kosning-
arnar 1994 og sömu sögu var að segja í könnun blaðsins
örfáum vikum fyrir kosningarnar íjórum árum síðar. í
bæði skiptin drógu sjálfstæðismenn mjög á þennan helsta
keppinaut sinn á síðustu metrunum.
Erfitt er að útskýra fylgisþróun siðustu daga. Ljóst er
þó að enn hafa stefnumál sjálfstæðismanna ekki virkað.
Að mörgu leyti eru þau reyndar óskýr. Listinn er hins
vegar vel mannaður og foringinn þróttmikill og vandaður
stjórnmálamaður. En hann glímir við Davíð nýrra tíma;
mann sem líkt og formaður Sjálfstæðisflokksins fyrir síð-
ustu þingkosningar þurfti ekki á athygli að halda; mann
sem líkt og sami formaður fyrir borgarstjómarkosning-
arnar 1990 þurfti aðeins að biða rólegur eftir kjördegi.
Sigmundur Ernir
DV
Skoðun
Bannað að
Nýlega var íslensk kona
handtekin á flugvelli í
Bandaríkjunum fyrir að
segjast vera með sprengju í
skónum. í andrúmsloftinu
sem nú ríkir í hinum frjáisa
heimi þykir sjálfsagt að
aulafyndni varði við lög. En
hvers vegna freistast ann-
ars löghlýöið fólk til að
hegða sér svo óhyggilega?
Þó að þúsundir hafi undan-
farið verið handteknir í
sjálfskipuðu „landi frelsis-
ins“ fyrir litlar eða engar
sakir er fólk ennþá að slá á létta
strengi við tollverði. Vissulega er
þetta kjánalegt en þó heilbrigður
vitnisburöur um frelsisanda. -
Venjulegt fólk vill ekki láta kúga sig
til að mega ekki opna munninn.
Eftirlit hrellir borgarana
Því miöur gengur hiö aukna eftir-
lit í „stríðinu við hryöjuverkin" fyrst
og fremst út á að hrelia venjulegt
fólk og takmarka frelsi þess. Ekki má
lengur taka með sér skæri í handfar-
angri og fólk er fangelsað fyrir að
gantast á flugvöllum. Svo að ekki sé
minnst á þá sem eru svo óheppnir að
vera arabískir i útliti.
Athuganir sýna samt að
þeir sem eru séðir og skipu-
lagðir geta eftir sem áður
smyglað vopnum inn í flug-
vélar. Hinar mikiu þvingan-
ir við almenna borgara eru
því í raun og veru gagnslitl-
ar.
Hert eftirlit og takmark-
anir á frelsi bitna ailtaf á
venjulegu fólki. Öll sú lög-
gjöf sem verið er að þvinga
í gegn víða í heiminum,
með grímubúningafrum-
varp Sólveigar Pétursdóttur í broddi
fylkingar, skerðir frelsi fólks en
glæpamennimir munu áfram geta
framið sína glæpi. Það verður ekki
hindrað með frelsisskerðandi „eftir-
liti“ með borgurum.
Fjármunir út um gluggann
Eins er fáheyrð eyðsla Bushstjóm-
arinnar á skattpeningum almenn-
ings í vígtól jafngild því að kasta fé
út um gluggann, ef markmiðið var að
auka öryggi Bandaríkjanna. Það er
sama hve mörg og dýr vopn Banda-
ríkin eignast, alltaf verður hægt að
fremja þar hryðjuverk ef viljinn er
Ármann
Jakobsson
íslenskufræöingur
hlæja á flugvelli
„Hin svokallaða „frjálshyggja“ reynist sorglega inni-
haldslítil þegar til kastanna kemur. Það hefur bulið
hátt í þeirri tunnu hin síðari ár en hún var þá allan
tímann galtóm.“
fyrir hendi. Og ríkisstjóm Bush hef- að því að draga úr viljanum til að
ur svo sannarlega ekki einbeitt sér ráðast gegn Bandaríkjunum.
Viðbrögð Bandaríkjanna við
hryðjuverkunum í fyrra em því mið-
ur máttlaus og til marks um það sem
kalla mætti „koliektíva heimsku",
jafn sorglegt og það má teljast í landi
sem býr yfir þvílíkum mannauð.
Trúin á stálið er blindandi kredda
þar í landi og hefur lengi komið í veg
fyrir að menn sæju hið augljósa sam-
hengi milli almennrar vopnaeignar
og ofbeldisglæpa.
Tóm tunna frjálshyggjunnar
Fokdýr hemaðarstefna ríkisstjóm-
ar Bush er sígilt dæmi um gagnsleysi
fjárfrekra stjómvaldsaðgerða. Þó
bregður svo við að þeir sem kalla sig
„frjálshyggjumenn“ og berjast hat-
rammlega gegn opinberum stuðningi
við menntun, listir og heilsugæslu,
eru einlægir aðdáendur sliks fjár-
austurs. Eins hafa þessir haturs-
menn hins opinbera lítið látiö í sér
heyra þegar gefa á lögreglunni meira
svigrúm til að skerða frelsi borgar-
anna. Hin svokaliaða „frjálshyggja"
reynist sorglega innihaldslítil þegar
tii kastanna kemur. Það hefur bulið
hátt í þeirri tunnu hin síðari ár en
hún var þá allan tímann galtóm.
Ármann Jakobsson
Slæm einkunn ríkisstjórnar
Undanfarin misseri hefur flest far-
ið úr böndum sem farið getur í efna-
hagsmálum hjá ríkisstjóm Davíðs
Oddssonar. Þrátt fyrir það virðist
meirihluti landsmanna enn treysta
ríkisstjómarflokkunum ef marka má
skoðanakannanir.
Gengishrun á síðasta ári kemm-
fram í auknum skuldabyrðum heim-
ilanna, sem aftur lýsir sér í vaxandi
nauöungarauglýsingum og fram-
kvæmd uppboða á eignum einstak-
linga. Hörmungin bak við er svo
sundurtættar fjölskyldur, harmleikir
sem era raunveruleiki sem snertir
alvarlega í langan tíma og kannski
ævilangt þá sem í hlut eiga.
Umsögn hjálparstofnana
í fréttum bæði fyrir síðustu jól og
aftur núna um bænadaga og páska
hafa birst fréttir af síauknum fjölda
fólks sem er knúið til að leita til
hjálparstofnana vegna fátæktar, fólki
er hjálpað til að geta fermt börn sín,
fólki er hjálpað með matargjöfum til
að það svelti ekki, fólki er hjálpað
með fatagjöfum svo það geti klæðst.
Þetta er dapurleg einkunn fyrir
stjórnvöld. Stjórnvöld sem segja
hvenær sem þeir fá tæki-
færi til í fjölmiðlum að
allt sé í besta lagi og jafn-
vægi sé komið á og efna-
hagshorfur séu góðar.
Það er lítil mannelska,
sem er á bak við, og
skortur á skilningi á
kjörum þeirra verst settu
í okkar þjóðfélagi. Sam-
kvæmt fréttum er um að
ræða einstæða foreldra,
fólk í sambúð á lægstu
launum, fatlaða og aldr-
aða og þá sem á einhvern
hátt era tekjulitlir
Gísli S Einarsson,
þingmaöur
Samfylkingarinnar.
eða
„Nú eru þessir of dýrt keyptu bílar til sölu og menn eru að
borga stórfé til að losna frá bílalánum og skuldbindingum sem
stofnað var til meðan fólk var á fullri ferð á fyrsta farrými með
kreditkortið við brœðslumark.“
tekjulausir. Þessa hluti er
hægt að laga, og hlýtur að
vera samfélagsleg krafa á
hendur ríkisstjóm.
Viljaleysi eða hvað?
Á sama tíma og fréttir af
þessu tagi berast frá hjálp-
arstofnunum, þá rétta ráð-
herrar ríkisstjómar án
kinnroða fram laun fyrir
stjómarsetu á vegum ein-
stakra ráðuneyta sem
nema margfóldum verka-
mannslaunum. Þetta of-
býður íslenskri þjóð. Þegar
svo er rætt um stöðu
þeirra lakast settu þá er
bent á verkalýðsfélögin og
atvinnurekendur; að ríkis-
stjóm geti ekki verið að
taka fram fyrir þeirra
hendur hvað varðar lægstu
laun. Það er auövelt að
koma sök á aðra með þessu
móti. Það er enginn vilji
fyrir því hjá stjómvöldum
aö setja öryggisnet sem
felst í þvi að tryggja með lág-
marksfjármunum hveijum ein-
staklingi framfærslu sem er í
samræmi við það sem nauð-
synlegt er fyrir fæði, klæðum,
húsaskjóli og öðrum lágmarks-
þörfum á íslandi nútimans.
Þetta tel ég viljaleysi og
skömm stjómvalda sem á að
hegna þeim fyrir með því að
setja þá frá völdum.
Segir undirritaður ósatt?
Til að staðfesta orð mín i
upphafi greinarinnar um að
efnahagsstjómin hafi farið úr bönd-
um, er nægjanlegt að vitna til okur-
vaxta sem ríkja í þjóðfélaginu, gifur-
legs kostnaðar vegna opinberrar
þjónustu bæði í fjármálastofnunum
og á vegum ríkisins, vaxandi sam-
dráttar sem reynt er að fela, nauð-
ungaruppboðahrinu frá síðastliðnu
hausti til dagsins í dag og frétta fjöl-
miðla af fátækt.
Staðreyndin er að fólk var hvatt til
að eyða of miklu á of skömmum tima
og ríkisstjómin gekk á undan með
vondu fordæmi sem er að skella á
landsmönnum sem refsing. Hver
man ekki eftir þeim orðum að „nauð-
syn væri að endumýja bílaflota
landsmanna", „fólk þyrfti að endur-
nýja húsbúnað og húsgögn"? Þessi
orð leiddu til þess að fólk fór eftir
þeim, í einhverri blindni og oftrú á
höfund orðanna'. Nú era þessir of
dýrt keyptu bílar til sölu og menn
eru að borga stórfé til að losna frá
bílalánum og skuldbindingum sem
stofnað var til meðan fólk var á fullri
ferð á fyrsta farrými með kreditkort-
ið við bræðslumark.
Gísli S Einarsson
Ummæli
Á tímum tómhyggju
„Á tímum tóm-
hyggju þmfum við að
búa böm okkar út í
lífið með innihaldi.
Þetta er svo brothætt-
ur tími hjá ungling-
um og jákvætt and-
legt líf hefur mikið
forvarnargildi. Ég tek varla undir
það að ferming sé staðfesting á skirn-
inni. Skírn er gjöf Guðs og maður
staðfestir ekki gjafir. Fermingin er
gömul hefð og að einhverju leyti til-
komin vegna þess að þegar farið var
að skíra börn þurfti að velja góðan
tíma til að uppfræða þau þegar þau
hefðu aldur til. Fermingarathöfnin
varð til í kjölfarið."
Halldór Reynisson í viötali viö Vikuna.
Nöturlegt hlutskipti
„Einnig veldur áhyggjum að Banda-
ríkjastjóm virðist reiðubúin að falla í
einu vetfangi frá áratugagamalli
stefnu allra kjamorkuvelda heims, en
í henni felst viðurkenning á því að
kjamorkuvopn séu í eðli sínu öðra-
vísi en öll önnur vopn og máttur
þeirra felist í fælingu, en ekki notkun
þeirra í hemaði... Að flestu leyti
ættu núverandi aðstæður í heiminum
að bjóða upp á mikla möguleika á
umtalsverðri fækkun eða jafnvel út-
rýmingu kjamorkuvopna. Því er það
áhyggjuefni að tvö kjamorkuveldanna
skuli velja að feta aðra braut og und-
irbúi notkun kjamorkuvopna í stríði.
Enn verra er þó að þetta mun aldrei
fást rætt í íslenskum fjölmiðlum,
enda hefur utanríkisráðherra íslands
skuldbundið sig til að sýna þessum
tilteknu ríkjum skilyrðislausa hlýðni
og undirgefni. Það er nöturlegt hlut-
skipti fyrir vopnlausa smáþjóð að
vera í slíkum herbúðum."
Sverrir Jakobsson á Múrinn.is
Spurt og svarað Er baráttan við rauða strikið sjónhverfing ein?
Þórólfur Gíslason,
kaupfélstj. Kaupfclags Skagfirdinga:
Batamerki í
efnahagslífinu
„Það átak til stöðugra verð-
lags, sem verkalýðshreyfingin í
samvinnu við viðskiptalífið og
stjómvöld, hefur staðið að síðustu mánuði, tel
ég að hafi verið mjög þarf.
Og ég tel jafhframt allt benda til þess að mark-
miöin séu raunhæf og muni nást. Mörg bata-
merki sjást í efnahagslífinu um þessar mundir,
gengi íslensku krónunnar er orðið mun
stöðugra en var fyrir fáum mánuðum og verð-
bólgan fer lækkandi.
Þegar allt þetta fer saman má sjá að baráttan
við rauða strikið er meira en sjónhverfingin
ein.“
Þórunn Sveinbjömsdóttir,
varaformadur Eflingar - stéttarfélags:
Meðvitund um
verðbólgu
„Það virðist sem árangur þess-
arar vinnu undanfamar vikur sé
helstur sá að fólk sé sér betur
meðvitandi um áhrif verðbólgunnar á til að mynda
lánakjör. Það sem við sem í verkalýðshreyfmgunni
störfum heyrum mest um er matvöraverð og hvað
lán hafa hækkað mikið á undanfomum árum,
einmitt af völdum verðbólgunnar. Stefht er að því
að halda virku verðlagseftirliti áfram af fullum
krafti eftir 1. mai og ekki veitir af. í nýjasta félags-
blaði Eflingar er verðkönnun og hún sýnir að hver
fjögurra manna fjölskylda getur sparað sér um 20
þúsund krónur á ári eftir því hvar hún kaupir inn
mjólkurvömr. Og það munar um minna.“
Öm V. Kjartansson,
framkvœmdastjóri Kringlunnar:
Viðleitnin eng-
in sjónhvetfing
m
- jÆA „Heildarniðurstöðuna verður
I vitaskuld að meta þegar tíma-
mörkin eru liðin, það er þann 1.
maí næstkomandi. En sú viðleitni sem nú á sér
stað meðal almennings er hins vegar engin sjón-
hverfing, því nú er fólk vel upplýst og sér með-
vitandi um sinn þátt í þvi að sameiginlegt átak
allra þarf til þess að halda verðbólgunni í skefj-
um. Ég held að sjaldan hafi verið eins víðtækur
skilningur og nú á þeim hugtökum sem gilda í
efhahagslífinu. Nú er hver maður farinn að geta
tjáð sig um hvað hinar einstöku vísitölur þýða
og hvaða áhrif þær hafa á þróun efnahagsmála
þjóðarinnar."
Sigurður Þorri Sigurðsson
tryggingarádgjafi:
Stóriðja og
stöðugleiki
„Stundum er mikilvægt að
geta keypt sér tima. í þessu til-
felli gæti baráttan við rauða
strikið skilað sér í þeirri von að hugsEmleg stækk-
un álvers á Grundartanga og bygging álvers á
Reyðarfirði verði að veruleika. Slíkar fram-
kvæmdir myndu koma sem mótvægi þegar áhrif
þeirra skyndilausna sem hér urn ræðir dvína.
Hættan af skammtímaáhrifúm er hins vegar fyrir
hendi ef ekkert verður af fyrirhuguðum fram-
kvæmdum. Aukin stóriðja i landinu stuðlar að
minni sveiflum í efnahagslífinu og þar með stöðu-
leika sem kemur inn á alla þætti efnahagsmála í
landinu, þar með lífskjör fjölskyldnanna."
0 Aðilar vinnumarkaðarins hafa hvatt til verðhjöðnunar til að halda verölagsforsendum samninga í gildi. En hefur slíkt eitthvað upp á sig þegar til lengri tíma er litiö.
DVJ4YND ÞÓK
Vorboöar - hrafnsungar í hreiðri.
Framkvæmda-
stjóri í felum
Helgi Hjörvar fór mikinn
í Kastljósi mánudagskvöld-
ið 25. mars í umræðum við
Guðlaug Þór Þórðarson um
Strætó bs. Hann talaði í
löngu máli um frábært og
skilvirkt samstarf á milli
sveitarfélaganna á höfuð-
borgarsvæðinu en augljóst
var á tali hans að þetta mál
og gangur þess hefur farið
fram hjá honum. Það vakti
líka athygli að Helgi Hjörv-
ar, sem virðist ekki hafa
neina formlega aðkomu að
málinu, skyldi svara fyrir það. Af
hverju sat Ingibjörg Sólrún ekki fyr-
ir svöram eða aðal- eða varamaður
Reykjavíkurborgar i stjórn Strætó
bs? Eða kannski Stefán Jón Hafstein,
hægri hönd Ingibjargar, sem hún
handvaldi á listann í þeim eina til-
gangi að koma Helga Hjörvari út?
Beöiö I 5 mánuði eftir svari
Málið er allt hið kúnstugasta. í
fyrsta lagi virðist það hafa tekið
Guðlaug Þór um 5 mánuði að fá svar
við fyrirspurn sinni um greiðslur til
stjómarformanns Strætós bs. og að í
svar borgarstjórans við fyrirspum-
inni hafi vantað upplýsingar. í öðru
lagi gerði Ingibjörg Sólrún samning-
inn íjórum dögum áður en stjórn
Strætós bs. var kölluð saman. Þegar
samningurinn var gerður voru bæj-
arstjórnir aðildarsveitarfélaganna
búnar að velja í stjómina. Það hefði
verið hægt um vik að kalla hana
saman til að velja framkvæmda-
stjóra sem jafnframt er í hennar
verkahring. Fyrsta verk stjómarinn-
ar var því að hefja leit að fram-
kvæmdastjóra. Stjórnin vissi ekki að
stjómarformaður Strætós bs. var
jafnframt framkvæmdastjóri fyrir-
tækisins og hún þyrfti því ekki að
leita langt yfir skammt. Stjómin leit-
aði í hálft ár eða svo vegna þess að
hún hélt í sakleysi sínu að fyrirtæk-
ið hefði ekki framkvæmdastjóra og
framkvæmdastjórinn, sem enginn
vissi að væri framkvæmdastjóri, lét
engan vita að við hann hefði verið
gerður samningur um að vera fram-
kvæmdastjóri og stjómarformaður.
Er skrýtið þótt fólk sé furðu lostið
yfir þessari vitleysu?
Bæjarstjórar vissu fátt
Bæjarstjórarnir, sem sitja sam-
ráðsfundi sveitarstjóra á höfuðborg-
arsvæðinu, vissu lítið eða ekkert um
Jóhann Olafsson
rafmagnstækni-
fræðingur
þennan samning. Bæjarráð
eða bæjarstjómir sveitarfé-
laganna vissu heldur ekki
af honum. Sigurður Geir-
dal, bæjarstjóri í Kópavogi,
segir í viðtali um þetta mál
að honum þyki einkenni-
legt að stjómin viti ekki að
hún hafi framkvæmda-
stjóra. Það sagði enginn
stjóminni frá þvi að fyrir-
tækið hefði framkvæmda-
stjóra með 800.000 króna
laun á mánuði! Og þó, einn
— vissi allt um málið, að eigin
sögn, en sagði ekki frá og það var
Flosi Eiríksson, varastjórnarmaður í
Strætó bs. Sigurður Geirdal segir að
samningurinn hafi ekki verið rædd-
ur í bæjarstjóm og sér finnist ekkert
athugavert við það. Af hverju fannst
Sigurði Geirdal ástæða til að leggja
nafn stjómarmanns frá Kópavogi og
varamanns hans fyrir bæjarstjóm
en ekki ráðningu nýs framkvæmda-
stjóra, skipun stjómarformanns og
greiðslur til hans? Sigurgeir á Sel-
tjamamesi vissi ekki af samningn-
um, Magnús Gunnarson, bæjarstjóri
í Hafnarfirði, vissi ekki af samningn-
um og Ásdís Halla, bæjarstjóri í
Garðabæ, vissi ekki af samningnum.
Einkennileg stjórnsýsla
Það er kannski engin ástæða til að
ætla að menn hafi ætlað sér að leyna
þessum samningi eða margvíslegum
störfum Skúla Bjamasonar fyrir
Reykjavíkurborg. En það er full
ástæða til að ræða einkennilega
stjómsýsluhætti málsins og hvort
ekki sé tilefni til að efla innra eftir-
lit með stofnunum og ekki síður
stjórnendum Reykjavíkurborgar á
sama hátt og Ríkisendurskoðun hef-
ur verið efld í eftirliti með stofnun-
um og fyrirtækjum ríkisins.
Jóhann Ólafsson
„Stjómin leitaði í hálft ár eða svo vegna þess að hún
hélt í sakleysi sínu að fyrirtœkið hefði ekki fram-
kvœmdastjóra og framkvæmdastjórinn, sem enginn
vissi að væri framkvæmdastjóri, lét engan vita að við
hann hefði verið gerður samningur um að vera fram-
kvœmdastjóri og stjómarformaður. “