Dagblaðið - 24.07.1981, Blaðsíða 6
DAGBLAÐIÐ. FÖSTUDAGUR 24. JÚLÍ1981.
(>
HEYSKAPAR-
HORFUR
YFIRLEITT SLÆMAR
Heyskaparhorfur um allt land eru yfirleitt slœmar og fyrirsjáanlegt að bœndur verða aðfœkka
búfé i haust. Dagblaðið rœddi í gær við ráðnnauta og bœndur víða um land og fara þau viðtöl hér
á eftir.
Slæmar heyskaparhorfur í Skagafirði:
Sláttur hefst mánuði
síöar en í meða/árí
— Sláttur er rétt að byrja hérna,
mánuði á efdr því sem gerist í meðal-
ári, sagði Egill Bjarnason, héraðs-
ráðunautur hjá Búnaðarsambandi
Skagafjarðar, er hann var spuröur
um horfur í heyskaparmálum í
Skagafirði.
Egill sagði sprettu hafa verið mjög
lélega enda hefði verið mjög kalt i
Skagafirði í sumar, þetta 4—6 stig
yfir hádaginn og mikið kal i túnum.
Egill sagði aö mikill arfi væri í kal-
blettunum og tefði það mjög fyrir að
heyið þornaði.
— Horfur eru því heldur slæmar.
sagði Egill og bætti þvi við að það
eina sem gæti bjargað skagfirzkum
bændum frá þvi að þurfa að fækka
fé verulega i haust væri góð tíð það
sem eftir lifði sumars.
-ESE
„Verðum sjálf-
sagt að fækka
eitthvað”
— segir Jón Sigurðsson, ráðunautur á Blönduósi,
um horfumar í A-Húnavatnssýslu
— Það er mun minni spretta hér
en i meðalári og þetta hefur verið
hreinn djöfull að undanförnu, hvað
veðurfar snertir, þriggja til fjögurra
sdga hiti á daginn og rigningarsuddi,
sagöi Jón Sigurðsson, ráðunautur hjá
Búnaöarsambandi A-Húnavatns-
sýslu, er DB ræddi við hann.
— Það eru þó allir farnir að slá,
sagði Jón og bætti því við að sláttur
hefði hafizt að þessu sinni tveim til
þrem vikum síðar en venjulegt gæti
talizt. Jón sagði að ástandið væri
verst út með ströndinni og útí á
Skaga, en inni i dölum væri ástandið
mun betra. Það hefði flest hjálpað til
að gera bændum úti við ströndina
lífið leitt því að þar heföi kal veriö
mest og segja mætd að aðeinshefði
vantað hafísinn tíl að fullkomna
þetta ástand.
— Við verðum sjálfsagt að fækka
eitthvað, sagði Jón, er hann var
spurður að því hvort bændur myndu
skera niður fé í haust vegna
heyskorts. Annars sagðist Jón ekki
geta spáð um hvernig heyfengur yrði
og vel mætti vera að úr þessum
málum rættist ef vel viðraði síðari
hluta sumars.
-ESE.
Kuldinn i vor og kalskemmdir eftir harðan vetur segja nú til sin. Heyfengur
verður greinilega mun minni en i meðalári og Ijðst er að bændur verða að fskka á
gjöf i haust.
Árnessýsla:
Heyfengur helmingi
minni en í meðalári
— Þetta er miklu verri spretta en í
meðalári og ég gæti trúað því að
heyfengur yrði allt að helmingi minni
hjá bændum hér í vesturhluta Árnes-
sýslu, en í meöalári, sagði Baldur
Sveinsson, ráðunautur hjá Búnaðar-
sambandi Suðurlands, er DB hafði
samband við hann og inntí hann eftir
ástandinu í heyskaparmálum.
Baldur sagði að ástandið undir
Eyjafjöllum og í Mýrdal væri mun
betra en á fyrrgreindu svæði og
sagðist Baldur ekki vera mjög svart-
sýnn á útkomuna í haust.
—Ég býst við að hægt verði að
jafna heyfeng eitthvað milli bæja og
kannski komumst við þannig hjá þvi
að skera niður fé i haust, sagði
Baldur.
Mikið kal var í túnum á
Suðurlandi í vor og sagði Baldur að
lítið hefði rætzt úr þeim málum.
Sums staðar hefði grasið tekið aðeins
við sér en á öðrum stöðum væru
stórir dauðir blettir. Eina ráöið við
þessu væri að rífa upp kalblettina og
sá í þá aftur, sagði Baldur Sveinsson.
-ESE.
„Heymiðlun gæti
bjargað miklu”
— segir Guðmundur Gunnarsson, ráðunautur
hjá Búnaðarsambandi Eyjaf jarðar
— Það má búast við því að
heyfengur verði hér 15—20% minni
en í meðalári, en þetta gæti þó allt
breytzt til hins betra ef vel viðrar það
sem eftir er sumars og hægt verður að
tvíslá sum tún, sagði Guðmundur
Gunnarsson, ráðunautur hjá
Búnaðarsambandi Eyjafjarðar, í
samtali við Dagblaðið.
Guðmundur sagði aö sláttur hefði
hafizt á einstaka bæjum um siðustu
mánaðamót, en almennt væri sláttur
nú nýhafinn. Spretta hefði verið
sæmileg þar sem tún væru óskemmd
en grasspretta hefði samt sem áður
verið mjög lítil á sumum stöðum.
Ástandið er verst út með Eyjafirði
vestanverðum en Guðmundur sagðist
búast við því að með heymiðlun væri
hægt að komast hjá því að fækka fé.
— Það má vel vera að bændur á
afmörkuðum svæðum verði að
fækka fé eitthvað en ef á heildina er
litið þá er ástandið ekki svo alvarlegt,
sagði Guðmundur Gunnarsson.
-ESE.
„ENGIN ÁSTÆÐA
TIL AÐ ÖRVÆNTA”
— segir Sigurjón Friðriksson, bóndi í Ytri-Hlíð íVopnafirði
„Gæti skapazt
hörmungarástand”
segirStefán
Skaftason
ráðunautur
fAðaldal
— Þetta veltur allt á þvi hvernig
veðurfar verður hér I næsta mánuði,
en ef veðrið verður ekki betra en að
undanförnu þá er viðbúið að hér
skapist hörmungarástand, sagði
Stefán Skaftason, ráðunautur í
Straumnesi í Aðaldal, er DB ræddi
við hann um heyskaparhorfur í Þing-
eyjarsýslum í sumar.
Stefán sagði að brugðið hefði til
betra veðurs undanfarna 3 daga,
eftír mikla hörmungartíð og kulda,
og t.d. væri nú steikjandi hiti og sól í
Aðaldal og hefði hiti komizt yfir 20
stig. — Spretta er samt anzi hæg og
bændur eru aö byrja að slá um jressar
mundir, sagði Stefán, en það mun
vera um þrem vikum síðar en í meðal-
ári.
— Fé var fækkað hér í fyrra um
13—15% þannig að það væri mjög
slæmt ef við þyrftum að skera niður
bústofninn aftur i ár, sagði Stefán.
Stefán sagðist þó vona að ágúst-
mánuður yrði sæmilegur en það
breytti ekki þeirri staðreynd að hey-
fengur yrði ekki mikið betri en í
fyrra, eða um 20% minni en I
meðalári.
-ESE.
— Þetta getur allt brugðið til
beggja vona, sagði Sigurjón Friðriks-
son, bóndi I Ytri-Hlið i Vopnafirði, I
samtali við DB er hann var spurður
um heyskaparhorfur á Austurlandi.
— Ef hlýnar I veðri og tiðarfar
verður gott þá á ég ekki von á því að
heyskapur verði mikið minni en í
meðalári, en eins og málin horfa í dag
er útlitið ekkert sérstaklega gott,
sagði Sigurjón.
Mjög kalt hefur verið á Austur-
landi að undanförnu og sagði
Sigurjón að spretta hefði verið afar
hæg. Bændur væru nú að byrja að
slá og sláttur hæfist því um þrem
vikum síðar en venja væri. Kal var
ekki mjög mikið á Austurlandi í vor
en samt voru tún I nyrztu sveitum, í
Skeggjastaðahreppi og í Borgarfirði
eystra, mjög illa leikin af völdum
kals, að sögn Sigurjóns.
— Það er engin ástæða til að
örvænta. Menn verða bara að bíða
og sjá hvað setur því að enn eru eftir
um fimm vikur af heyskapar-
timanum, sagði Sigurjón, sem sagðist
ekki eiga von á að fækka þyrfti fé
nema um 10—20% aö óbreyttu
ástandi.
-ESE