Ársrit Ræktunarfélags Norðurlands - 01.01.1982, Page 5
greina frá þeirra sjónarhornum, aðeins að "ínnlendir aðilar
hlytu næga menntun til að kenna Islendingum búfræði.
Loks kom líka að því, að fram kom frá yfirvöldum skipun
um að stofna búnaðarskóla á Islandi. Það var árið 1872, en
eðlilega tók það sinn tíma að undirbúa jarðveginn svo að
framkvæmd yrði.
Húnvetningar höfðu hug á að stofna búnaðarskóla. Þeir
styrktu Torfa Bjarnason til náms í Skotlandi, hann hóf annars
búskap í Borgarfirði, fluttist að Ólafsdal og bjó þar uns hann
stofnaði fyrsta búnaðarskóla á Islandi árið 1880 á bújörð sinni
þar. Sá skóli er ekki verkefni til umræðu hér, en í þessari röð
voru skólar fyrir bændaefni stofnaðir og starfræktir: 1 Ólafs-
dal 1880-1907. Á Eiðum 1883-1917. Á Hvanneyri 1889. Á
Hólum 1882.
Viðhorf til stofnunar Hólaskóla.
Með því að framan er getið ýmissa þeirra manna, sem
y búfræðimenntun hlutu erlendis á heilli öld áður en efnt var til
stofnunar búnaðarskóla hér á landi, er jafnframt þess að
minnast, að í hópi þeirra voru nokkrir, sem um áraraðir
plægðu og unnu þann andlega jarðveg meðal almennings,
sem nauðsynlegt var að yrkja áður en starfræktir yrðu hér
skólar, er veittu fræðslu í landbúnaði.
Hljómgrunn til þeirra viðhorfa var nauðsynlegt að móta í
vitund þjóðarinnar, það var forsenda þess að fólk sækti til
þeirra menntun og menningu til hagnýtingar í daglegum
störfum.
Aðilar þeir, sem menntun höfðu hlotið á þessum sviðum,
voru ýmsir fúsir og framtakssamir um að vekja fólk til um-
hugsunar og helst til athafna. Vakningar í þeim efnum fóru
fram í viðtölum, stundum í verklegum athöfnum og svo á
r prenti í bókum og ritlingum.
Með tilskipun yfirvaldanna 1872 um stofnun búnaðarskóla
á Islandi, var af hálfu hins opinbera ekkert það aðhafst, er gaf
til kynna að úr þeirri átt væri að vænta fjárhagslegrar að-
stoðar til stofnunar eða starfrækslu skóla af nefndu tagi, enda
7