Ársrit Ræktunarfélags Norðurlands - 01.01.1982, Síða 25

þeir og höfðu í því rétt fyrir sér, en yfirleitt voru flestir á öðru
máli um gildi þúfnanna.
Áður en rakin er starfsröðin við þúfnasléttunina er viðeig-
andi að minnast á, að fyrstu túnaslétturnar voru að frágangi
þannig, að þær voru hæstar i miðju og kölluðust því á okkar
öld: „hryggjasléttur“ eða „beðasléttur“. Frágangi var þannig
háttað, að mold var færð frá jöðrum flagsins inn á miðju þess.
Væri beðbreidd um eða nálægt fjórum föðmum (8 metrum)
var hryggurinn einatt allhár og mörkin milli beða nærri því
að vera skurðmynduð. Hagrænt viðhorf í þessu efni hefur
efalaust miðað við brottleiðslu vatns og í votviðrum um hey-
skapartímann hefur það sjálfsagt haft nokkurn kost.
Hitt gat líka átt nokkurn rétt, að í kalárum sýndi það sig, að
samfelldar kalskemmdir náðu sjaldan upp á hryggi beðanna
þótt lægðirnar væru aldauðar. Eftir að nýtísku vélbúnaður
kom til sögunnar við heyvinnu hafa beðaslétturnar, víðast ef
ekki allsstaðar, verið endurunnar og sléttaðar á nútíma vísu.
Af því fara litlar sögur hvenær Búnaðarfélag Svarfdæla
fyrst hlutaðist til um kerfisbundna ræktunarstarfsemi þannig,
að búfræðingar fóru frá bæ til bæjar til ræktunarstarfa, en
talið er að sá fyrsti, sem til þess hafði verið ráðinn, væri
utansveitarmaður, en sá var gagnfræðingur frá Möðruvöll-
um, búfræðingur frá Hólum og hafði kennt þar einn vetur,
það var Guðmundur Guðmundsson, síðar bóndi á Þúfna-
völlum í Hörgárdal.
f mínu minni var félaginu skipt í deildir og voru ráðnir tveir
búfræðingar til umferðar í hverri deild, gjarnan allt vorið ef
verkefnin voru nægileg. Fóru þeir þá jafnan tvær umferðir, þá
fyrri til þess að rista ofan af en hina síðari til þess að fullvinna
flögin og „ganga frá þeim“ eins og það var kallað.
Röð starfshátta.
Um áraröð var ég virkur þátttakandi í flestum þeim athöfn-
um, sem snertu þúfnasléttun og túnræktun á heimaslóðum
þegar þaksléttuaðferðin ríkti. Er því eðlilegt að ég segi frá
einstökum þáttum starfanna eins og ég og aðrir unnu þau.
Þá var fyrst að ákveða legu og stærð þeirrar spildu, sem
27