Ársrit Ræktunarfélags Norðurlands - 01.01.1982, Side 27

afrekum, því réðu landgæðin og svo sjálftsagt dugnaður og
verklagni búfræðinganna. Á grýttu landi eða á seigri hálfmýri
man ég aðila, sem að loknu 10 stunda starfi hörmuðu afrekin,
en væri landið gott til vinnslu þótti bæði bónda og búfræð-
ingum gleðiefni að líta yfir vegleg afrek að kvöldi. Þá ríktu í
senn hjá öllum aðilum: verkmenning, vegleg afrek og vor-
hugur.
Næsta hlutverk á vettvangi starfsins var að flytja þökurnar
úr flagi. Man ég þá daga, að ég var enn of lítill til þess að ráða
við kastkvíslina og hlaut því að taka hverja þöku tveim
höndum, bera hana úr flaginu, leggja vandlega á jaðar að-
liggjandi gróins lands og hlaða þar þökugarð svo vandlega, að
þökurnar beigluðust ekki eða brotnuðu. Þegar rist var ofanaf
að hausti þótti mikils um vert að vanda vel hleðslu svo að
þökurnar yrðu sléttar og felldar að vori þegar með þeim yrði
þá þakið flagið, sem ekki reyndist unnt að fullvinna fyrr en á
vordögum. Þegar þökunum var kastað úr flagi með kastkvísl
þótti það ekki góð meðferð ef þær rifnuðu eða tættust, því að
þá var öruggt að tafsamara yrði að þekja með þeim er þar að
kæmi.
Jarðvinnslan.
Næsti áfangi var svo að bylta þúfunum. Eins og fyrr segir ætla
ég að Angantýr væri sá fyrsti, sem notaði plóg til þess að
brytja þúfurnar niður í strengi eða stykki og hnausa, en það
var langt frá því að sú aðferð væri almenn um sinn. Margir
notuðu stungugaffalinn til þessa hlutverks og þótti hann
góður til þeirra athafna, einkum á vorin meðan klaki var í
jörðu því að þá var hver þúfa stungin á klaka og geislum
sólarinnar þar með opnuð greið leið til þess að þýða klaka-
klumpinn. Þannig var flýtt fyrir svo að flögin yrðu fullunnin
fyrr en ella. 1 öðru lagi þótti vel viðeigandi að kasta hnausum
til og jafna þannig að nokkru mishæðir, sem útrýma skyldi
eða takmarka annars, á nýrri sléttu.
Á stórþýfðu landi var alltaf talið nauðsynlegt að ná til
botns og losa svo að óhreyfðum botnum skyti ekki bráðlega
upp aftur og gerðu sitt til að endurmynda þýfi. Þetta var talið
29