Morgunblaðið - 19.09.2001, Blaðsíða 6
FRÉTTIR
6 MIÐVIKUDAGUR 19. SEPTEMBER 2001 MORGUNBLAÐIÐ
FYRSTA opinbera heim-sókn forseta Íslands tilGrikklands hófst í gæren heimsóknin er í boði
gríska forsetans og stendur hún
yfir í þrjá daga. Í för með Ólafi
Ragnari Grímssyni eru einnig m.a.
Dorrit Moussaieff, heitkona hans,
Sólveig Pétursdóttir, dóms- og
kirkjumálaráðherra, og Þorsteinn
Pálsson sendiherra.
Forseti Íslands hitti forseta
Grikklands, Constantino Steph-
anopoulos, í forsetahöllinni í
Aþenu í gærmorgun en í þeim við-
ræðum kom fram vilji beggja aðila
til að efla tengsl Íslands og Grikk-
lands á komandi árum. Þá ræddu
forsetarnir um hina hörmulegu at-
burði í New York og það öryggi og
þann frið sem vestrænar lýðræð-
isþjóðir yrðu að vera samstiga í að
efla. Að fundinum loknum sæmdi
forseti Íslands Stephanopoulos,
forseta Grikklands, íslensku fálka-
orðunni, auk þess sem forsetarnir
skiptust á gjöfum.
Í ávarpi eftir fundinn sagðist
Constantino Stephanopoulos, for-
seti Grikklands, bjóða forseta Ís-
lands velkominn til Grikklands og
heimsóknin væri mjög ánægjuleg
enda Ísland ein af vinaþjóðum
Grikkja.
„Við höfum öll hefðbundin
tengsl við Ísland og höfum fullan
vilja á því að efla þau tengsl,“
sagði Stephanopoulos.
Ólafur Ragnar sagði Ísland og
Grikkland hafa verið bandamenn í
NATO um langt skeið og bæði
löndin legðu áherslu á mikilvægi
lýðræðislegs samfélags þar sem
hægt væri að tryggja frið og ör-
yggi til handa öllum. „Og ég tel
sérstaklega mikilvægt núna þessa
síðustu daga, þegar við höfum
horft upp á hina hörmulegu at-
burði í Bandaríkjunum, að lýðræð-
isríki standi saman og leggi sitt af
mörkum til að tryggja öryggi íbúa
allra landa í heiminum og þann
frið sem við metum svo mikils,“
sagði Ólafur Ragnar.
Heimsókn í þinghúsið
Að loknum fundi með forseta
Grikklands hélt Ólafur Ragnar á
fund Apostolos Kaklamanis, for-
seta gríska þingsins, í þinghúsinu í
Aþenu. Í samtali við blaðamann
Morgunblaðsins eftir fundina tvo
sagði Ólafur Ragnar að þar hefðu
farið fram mjög ítarlegar viðræður
þar sem lögð hafi verið rík áhersla
á nauðsyn þess að efla tengsl
þjóða í norðanverðri og
sunnanverðri Evrópu.
„Í raun og veru má
segja að kjarninn í þess-
um viðræðum báðum hafi
verið fólginn í því, að ef
sameiginleg vegferð Evr-
ópu í átt að auknu lýð-
ræði, friði og öryggi á
nýrri öld ætti að hafa
raunverulegt innihald, þá
væri mikilvægt að þjóðir
álfunnar, bæði í norðri og
suðri, hefðu náið sam-
band sín á milli og ykju
það. Það væri ein af
ástæðunum fyrir því að
forseta Íslands væri boð-
ið í opinbera heimsókn til
Grikklands, að Grikkir
vildu sýna af sinni hálfu
ríkan vilja til þess að efla
tengslin við Íslendinga
og þjóðirnar í norðan-
verðri Evrópu og leggja
sitt af mörkum til þess að
gagnkvæmur skilningur
skapaðist og draga úr
þeirri hættu að Evrópa
skiptist upp í hagsmuna-
blokkir og gömul skipt-
ing álfunnar héldi áfram
að hafa áhrif á viðhorf
manna. Þess vegna væri
þetta boð af þeirra hálfu
hugsað sem skýr skilaboð
til Íslendinga og vina-
þjóða okkar innan Evr-
ópu um vilja Grikkja til
þess að efla þessi tengsl
og koma sínum sjónar-
miðum og hagsmunum á
framfæri,“ sagði Ólafur
Ragnar.
Þá ræddu forsetarnir
um aukin viðskiptatengsl
á milli Íslands og Grikk-
lands. Að sögn Ólafs
Ragnars lét Stephan-
opoulos það í ljós að ís-
lenskar sjávarafurðir,
sérstaklega þorskurinn,
væru mikils metnar í
Grikklandi og mikilvægt
væri fyrir Grikki að geta
keypt þær afurðir áfram
og jafnvel í enn ríkari
mæli en áður. Einnig
ræddu forsetarnir um að
finna leiðir til að styrkja
menningarsambönd þjóð-
anna, sem báðar byggð-
ust á gömlum grunni
fornra lýðræðissam-
félaga.
Ríkur vilji til að efla
sölu á sjávarafurðum
Að fundum loknum
með forseta Grikklands
og forseta gríska þingsins
hélt Ólafur Ragnar ásamt
fylgdarliði á matvörumarkað mið-
borgar Aþenu, þar sem skoðaðir
voru sölustaðir íslenskra sjávaraf-
urða er tengjast SÍF, Sölku sjáv-
arafurðum, Jóni Ásbjörnssyni hf.
og B. Benediktssyni ehf. Í för með
forsetanum voru einnig fulltrúar
og eigendur þessara fyrirtækja.
Ólafur Ragnar sagði það mjög
skemmtilegt og fróðlegt að kynn-
ast því á markaðnum hve ríkur
vilji væri til að efla sölu á íslensk-
um sjávarafurðum. „Þessir aðilar,
fjölskyldur og umboðsaðilar, sem
hafa unnið að því í langan tíma að
koma íslenskum saltfiski og öðrum
sjávarafurðum hér á markað telja
mikla möguleika á að auka þessi
viðskipti enn frekar, bæta við öðr-
um tegundum sjávarafurða og
styrkja þannig fiskmarkaðinn í
Grikklandi. Ég heyri það líka hjá
íslensku fyrirtækjunum sem hér
eru með sína fulltrúa að þau meta
mikils það starf sem bæði smá-
söluaðilarnir og grísku umboðsað-
ilarnir eru að vinna hér. Og Grikk-
land getur þá kannski smátt og
smátt þróast í sömu átt og bæði
Ítalía og Spánn og önnur lönd í
Evrópu sem eitt af traustari lönd-
unum fyrir íslenskar sjávarafurð-
ir,“ sagði Ólafur Ragnar.
Sýning helguð ævi og störfum
Halldórs Laxness opnuð
Frá matvörumarkaðnum hélt
forsetinn ásamt íslensku sendi-
nefndinni í skoðunarferð á Akró-
pólishæð þar sem fornar rústir
voru skoðaðar undir leiðsögn. Síð-
degis í gær opnaði forseti Íslands
síðan sýningu í Menningarmiðstöð
Aþenu sem helguð er ævi og störf-
um Halldórs Kiljan Laxness.
Einnig flutti ávarp frú Elli Ev-
angelido, varaborgarstjóri Aþenu,
þar sem hún fagnaði sýningunni.
Þá flutti Sigurður A. Magnússon
erindi um gríska menningu og
bókmenntir á Íslandi og Halldór
Guðmundsson, forstjóri Eddu –
miðlunar og útgáfu og stjórnarfor-
maður Listahátíðar Reykjavíkur,
flutti erindi um líf og störf Hall-
dórs Laxness.
Síðdegis hélt forseti Íslands
stutta fundi ásamt Sólveigu Pét-
ursdóttur, dóms- og kirkjumála-
ráðherra, og Þorsteini Pálssyni
með forystumönnum grískra
stjórnmálaflokka. Auk þess átti
dóms- og kirkjumálaráðherra fund
með Chryssochoidis, ráðherra í
ríkisstjórn Grikklands, þar sem
fram fóru viðræður um Schengen
og öryggismál í Evrópu.
Í gærkvöldi bauð síðan forseti
Grikklands Ólafi Ragnar Gríms-
syni ásamt föruneyti til hátíðar-
kvöldverðar í forsetahöllinni. Í dag
mun forseti Íslands leggja blóm á
minnisvarða óþekkta hermannsins
framan við þinghúsið í Aþenu, en
að því loknu mun forsetinn eiga
fund með Constantinos Simitis,
forsætisráðherra Grikklands.
Fyrsta opinbera heimsókn forseta Íslands til Grikklands hófst í Aþenu í gær
Morgunblaðið/Kristinn
Forseti Íslands, Ólafur Ragnar Grímsson, kannar heiðursvörð fyrir framan forsetahöllina í Aþenu ásamt forseta Grikklands, Constantinos Steph-
anopoulos, við upphaf hinnar opinberu heimsóknar.
Ólafur Ragnar Grímsson ásamt Dorrit
Moussaieff, heitkonu sinni, fyrir framan
Parþenon-hofið á Akrópólishæð.
Við opnun á sýningu sem helguð er Halldóri Laxness. Fremst á myndinni eru Elli Evangelido, varaborgarstjóri
Aþenu, og Sólveig Pétursdóttir, dóms- og kirkjumálaráðherra.
Efla þarf samskipti suðrænna
og norrænna Evrópuþjóða
Á fyrsta degi opinberrar
Grikklandsheimsóknar
Ólafs Ragnars Gríms-
sonar, forseta Íslands,
skoðaði hann ásamt
fylgdarliði m.a. sölustaði
íslenskra sjávarafurða
og Akrópólishæð. Þá
opnaði forsetinn sýn-
ingu í Menningar-
miðstöð Aþenu sem
helguð er ævi og störf-
um Halldórs Laxness.
Eiríkur P. Jörundsson
blaðamaður og Kristinn
Ingvarsson ljósmyndari
eru í Grikklandi.