Morgunblaðið - 19.09.2001, Blaðsíða 15
SUÐURNES
MORGUNBLAÐIÐ MIÐVIKUDAGUR 19. SEPTEMBER 2001 15
Borgartúni 28, 562 2901
www.ef.is
OSO
hitakútar
úr ryðfríu stáli
30 ára frábær reynsla á
þúsundum íslenskra heimila
30/50/100/120/200 eða 300 lítra
Blöndunar- og öryggisloki fylgir
20% orkusparnaður
Hagstætt verð
ISO 90
02
Frábæ
r endi
ng!
Morgunblaðið/Helgi Bjarnason
ÁHUGI er á því hjá ferðaþjón-
ustufólki í Reykjanesbæ að varð-
veita beinagrindina af hrefnunni
sem rak dauð upp í Bás í Keflavík
um helgina. Mun skýrast í dag
hvort af því verður.
Hræ af hval rak upp í fjöruna í
Bás í Keflavík, einmitt þar sem
áhugi er á að koma upp framtíð-
arheimili fyrir háhyrninginn
Keikó. Lagði nokkurn fnyk yfir ná-
læg hús.
Vísindamenn frá Hafrann-
sóknastofnun skoðuðu hvalinn á
mánudag, tóku af honum sýni og
gerðu rannsóknir. Kom þá end-
anlega í ljós að hræið er af ungri
hrefnu sem þó er talin nánast full-
vaxin. Pétur Jóhannsson hafn-
arstjóri hugðist láta draga hræið á
haf út og sökkva því að þessum at-
hugunum loknum en ákvað að
fresta því vegna óska Ferðamála-
samtaka Suðurnesja um að fá að
hirða beinagrindina. Það sem
skorið verður utan af grindinni í
fjörunni verður þó sennilega dreg-
ið út á sjó og sökkt.
Helga Ingimundardóttir sem
sæti á í stjórn Ferðamálasamtak-
anna segir að ef ákveðið verði að
varðveita beinagrindina muni þau
láta fjarlægja dýrið úr fjörunni og
setja það í vatn í nokkrum fiskiker-
um á afviknum stað, að ráði sér-
fræðinga hjá Náttúrufræðistofn-
un. Með þessari meðhöndlun eigi
að vera hægt að hreinsa allt kjöt af
beinunum á einu ári eða svo.
Mikil og vaxandi starfsemi er í
hvalaskoðun á svæðinu og er áhugi
á að efla tengda starfsemi. Þannig
hafa bæjaryfirvöld lýst sig
reiðubúin til viðræðna við umsjón-
armenn Keikós um framtíðarheim-
ili hans í Reykjanesbæ. Helga segir
að fyrirhugað sé að koma upp ein-
hvers konar sjóminjasafni í Duus-
húsunum í Keflavík og þar ætti að
vera nægilegt pláss til að koma
upp beinagrindinni af hrefnunni
sem rak í Bás.
Áhugi á að varðveita
beinagrind hrefnunnar
Reykjanesbær
Fuglarnir komust í veislu í fjörunni í Keflavík. Veislunni lýkur í dag þegar hrefnuhræið verður fjarlægt.
ÚTLIT er fyrir að samstarf Byggða-
stofnunar við Markaðs- og atvinnu-
málaskrifstofu Reykjanesbæjar geti
verið óbreytt þrátt fyrir breytingar á
byggðakorti Eftirlitsstofnunar
EFTA. Einnig að stofnuninni verði
heimilt að leggja fram hlutafé til
Eignarhaldsfélags Suðurnesja.
Forstjóri Byggðastofnunar hefur
að undanförnu átt fundi með ýmsum
aðilum á Suðurnesjum, meðal annars
vegna umræðna sem orðið hafa um
áhrif nýs byggðakorts Eftirlitsstofn-
unar EFTA þar sem fjögur af fimm
sveitarfélögum á Suðurnesjum lenda
utan byggðakorts og eiga því ekki
kost á byggðastyrkjum. Einkum
hafa Suðurnesjamenn haft áhyggjur
af samstarfi Byggðastofnunar við
Markaðs- og atvinnumálaskrifstofu
Reykjanesbæjar (MOA) og Eignar-
haldsfélag Suðurnesja hf.
MOA annast atvinnuráðgjöf og
vinnur að ýmsum atvinnuþróunar-
verkefnum fyrir öll sveitarfélög á
Suðurnesjum. Byggðastofnun veitir
atvinnuþróunarfélögum á landinu
stuðning til þessarar starfsemi og
fær MOA níu milljónir á ári í sinn
hlut. Skrifstofan vinnur að ýmsum
öðrum verkefnum fyrir sveitarfélög-
in og Reykjanesbæ sérstaklega.
Ólafur Kjartansson, fram-
kvæmdastjóri Markaðs- og atvinnu-
málaskrifstofu Reykjanesbæjar,
segir að eftir sé að skilgreina þennan
samning, hvort talið sé að í honum
felist byggðastyrkur eða ekki. Segir
hann að Byggðastofnun fái ákveðið
vinnuframlag á móti stuðningi sínum
og því sé talið ólíklegt að hann verði
túlkaður sem ríkisstyrkur. Því séu
taldar líkur á að samstarfið við
Byggðastofnun verði óbreytt.
Byggðastofnun hefur ákveðna
fjármuni sem hún hyggst leggja
fram sem hlutafé í atvinnuþróunar-
sjóði, meðal annars Eignarhalds-
félag Suðurnesja hf. Hafa Suður-
nesjamenn verið að vinna að
breytingum á félaginu til að uppfylla
skilyrði Byggðastofnunar.
Guðjón Guðmundsson, fram-
kvæmdastjóri Sambands sveitarfé-
laga á Suðurnesjum, telur að þar
sem um sé að ræða fyrirhuguð hluta-
fjárframlög en ekki styrki breyti
nýtt byggðakort engu um framlag
Byggðastofnunar til Eignarhalds-
félagsins.
Eftir stendur að beinir ríkisstyrk-
ir til fyrirtækja í sveitarfélögunum
fjórum á Suðurnesjum eru ekki leng-
ur heimilir. Byggðastofnun hefur
ekki heldur úr miklu að spila til þess.
Þá á eftir að skilgreina hvort og þá að
hve miklu leyti lán Byggðastofnunar
til fyrirtækja teljast byggðastyrkir.
Útlit virðist fyrir
óbreytt samstarf
Reykjanes
HITAVEITA Suðurnesja hf., Spari-
sjóðurinn í Keflavík og Landssími
Íslands hf. eru meðal nýrra hluthafa
í Gjorby samskiptum ehf. sem rekur
samnefnt internet-fyrirtæki, hið
eina sinnar tegundar á Suðurnesj-
um. Framkvæmdastjóri fyrirtækis-
ins segir að stefnt sé að útvíkkun
starfseminnar.
Gjorby Internet var deild í Gjorby
margmiðlun í Reykjanesbæ sem rak
margmiðlunarstofu en internet-
þjónustan var þó rekin í samvinnu
við annað fyrirtæki í bænum. Georg
Brynjarsson sem var einn af eigend-
um fyrirtækisins stofnaði sérstakt
einkahlutafélag, Gjorby samskipti,
sem tók yfir internet-þjónustu fyr-
irtækisins 1. júlí síðastliðinn. Nýja
fyrirtækið mun halda Gjorby nafn-
inu en nýtt nafn verður fundið á
margmiðlunarstofuna sem Georg er
nú að mestu kominn út úr. „Mig
langaði til að víkka út internet-þjón-
ustuna og gera þetta að alhliða IP-
samskiptafyrirtæki,“ segir Georg
um þá ákvörðun að einbeita sér að
internet-þjónustunni að nýju.
Fá góða samstarfsaðila
„Þetta gekk strax vel, við náðum
þeirri einbeitingu á þetta starfssvið
sem vantaði,“ segir Georg. Eftir að
hann var orðinn einkaeigandi fyrir-
tækisins kynnti hann hugmyndir
sínar um útvíkkun rekstrarins fyrir
fjárfestum. Þegar áskriftarskránni
var lokað fyrir skömmu höfðu Hita-
veita Suðurnesja, Sparisjóður Kefla-
víkur, Landssími Íslands hf., Firm-
anet ehf. og fleiri fyrirtæki og
einstaklingar skrifað sig fyrir
hlutafé og Georg var orðinn minni-
hlutaeigandi. „Ég leitaði til fyrir-
tækja sem ég hafði unnið með.
Hugsunin var ekki eingöngu að auka
hlutafé heldur einnig og ekki síður
að fá góða samstarfsaðila sem væru
líklegir til að standa vel að rekstr-
inum og ég gæti treyst. Ég er mjög
ánægður með að þessir aðilar skyldu
ganga til liðs við mig,“ segir Georg.
„Auðvitað íhugaði ég það,“ segir
Georg þegar hann er spurður hvort
það hafi ekki komið til greina að vera
áfram einkaeigandi fyrirtækisins.
„Tækniþróunin er hins vegar svo ör
að ég hreinlega treysti mér ekki til
að veita Suðurnesjamarkaðnum
nógu góða þjónustu án þess að
styrkja fyrirtækið. Ég fórnaði ekki
meirihlutanum fyrir ekki neitt, ég
fékk þau fyrirtæki til liðs við mig
sem ég helst vildi,“ segir hann.
Fulltrúar hluthafahópsins eru um
þessar mundir að fara yfir áætlanir
Georgs um framtíðarstarfsemi
Gjorby Internets. Hann lítur á land-
ið allt sem markaðssvæði en meg-
ináherslan verði eigi að síður áfram
á Suðurnesin þar sem fyrirtækið
hefur sterka markaðsstöðu, ekki síst
á fyrirtækja- og stofnanamarkaðn-
um. Hann hefur einnig áhuga á að
Gjorby verði samskiptafyrirtæki
Suðurnesjamanna á öllum sviðum
og hugsar þá til þess að fleiri þjón-
ustuþættir muni nota sér IP-staðal-
inn sem internetið er nú rekið á, til
dæmis fjarskipta- og myndbanda-
þjónusta. Hann tekur fram að þótt
Gjorby Internet reki örbylgjunet í
Reykjanesbæ, en með því er meðal
annars veitt internet-þjónusta við
skólana, sé ekki hugmyndin að fyr-
irtækið sjálft komi upp eða annist
rekstur fjarskiptakerfanna sjálfra,
einungis þjónustuna.
Unnið er að lagningu ýmissa fjar-
skiptakerfa í Reykjanesbæ og víðar
á Suðurnesjum, meðal annars er
fyrirtæki að stækka kapalkerfi sitt í
Reykjanesbæ. Georg á sér þann
draum að slíkir kaplar verði komnir í
öll hús á svæðinu og að Gjorby Int-
ernet geti lagt til endabúnaðinn og
veitt fólkinu alla þá þjónustu sem
slíkt kerfi býður upp á.
Fram kemur hjá Georg Brynjars-
syni að lokið sé undirbúningsvinnu
vegna markaðssóknar fyrirtækisins
og ný þjónusta verði kynnt á næstu
vikum.
Nýir hluthafar ganga til
liðs við Gjorby Internet
Morgunblaðið/Helgi Bjarnason
Georg Brynjarsson, framkvæmdasstjóri Gjorby margmiðlunar, í
öðru tækjaherbergi fyrirtækisins.
Reykjanesbær
ÁKVEÐIÐ hefur verið að kynna
hugmyndir um safnahús og ferða-
þjónustu í Garðinum fyrir ýmsum
hagsmunaaðilum.
Í sumar kynntu forystumenn
Gerðahrepps tillögu Sigríðar Sig-
þórsdóttur arkitekts að skipulagi á
Garðskaga, meðal annars um safna-
hús og ferðaþjónustu í sveitarfé-
laginu. Þá kom fram að framhaldið
væri óákveðið og að Gerðahreppur
hefði ekki bolmagn til að standa
sjálfur fyrir framkvæmdunum. Á
síðasta fundi hreppsnefndar var
samþykkt tillaga F-listans sem fer
með meirihlutavald í sveitarstjórn að
gert yrði átak til að kynna þessa
hugmyndir, meðal annars fyrir
fulltrúum ríkisvaldsins, fjárfestum,
stéttarfélögum og fleiri aðilum sem
málið varðar.
Var tillagan samþykkt með fjórum
atkvæðum meirihlutans en fulltrúar
minnihlutans sátu hjá. Þeir höfðu áð-
ur greitt atkvæði gegn því að lagt
væri í kostnað við þetta verkefni.
Hugmyndir um safna-
hús kynntar fjárfestum
Garður