Morgunblaðið - 04.12.2001, Qupperneq 24

VIÐSKIPTI/ATHAFNALÍF
24 ÞRIÐJUDAGUR 4. DESEMBER 2001 MORGUNBLAÐIÐ
EKKI eru uppi áform um að taka
gjald fyrir móttöku fjár hjá Ís-
landsbanka, Búnaðarbanka eða
sparisjóðunum, líkt og Den
Danske Bank hefur boðað. Ísland
er eitt kortavæddasta land heims
og þrátt fyrir að þónokkur vinna
felist í að telja seðla og mynt sem
berst til bankanna frá fyrir-
tækjum og verslunum eru heim-
ildir í gjaldskrám bankanna til að
taka gjald fyrir talningu mikils
magns af mynt frá öðrum en við-
skiptavinum sárasjaldan notaðar,
samkvæmt upplýsingum frá bönk-
unum tveimur og Sparisjóðabank-
anum.
Samkvæmt upplýsingum frá
Landsbankanum kemur til greina
að taka gjald en engin ákvörðun
hefur verið tekin. Ef til kæmi
væri fyrst og fremst um að ræða
undantekningartilvik þar sem
bankinn væri að taka með reglu-
bundnum hætti við miklu magni
peningaseðla.
Greint var frá því í Morgun-
blaðinu á sunnudag að stærsti
banki Danmerkur, Den Danske
Bank, myndi taka sem samsvarar
120 íslenskum krónum í gjald
fyrir talningu fjár í hvert skipti
sem fyrirtæki og verslanir leggja
inn hjá bankanum. Einstaklingar
sleppa við gjaldið fyrst um sinn.
Fleiri danskir bankar eru að und-
irbúa sams konar gjaldtöku.
Gjald fyrir móttöku mikils
magns af mynt frá öðrum en við-
skiptavinum bankanna er sam-
kvæmt upplýsingum frá bönk-
unum í kringum 2.500 krónur á
klukkustund. Kortaviðskipti og
rafrænar færslur eru hér mun al-
gengari en t.d. í Danmörku en
mesti kostnaðurinn felst í mót-
töku og talningu seðla og mynt-
ar, sem er mun umfangsmeiri
þáttur hjá dönsku bönkunum en
þeim íslensku. Því er ekki á dag-
skrá hjá þeim íslensku að taka
upp gjald fyrir móttöku fjár.
Gjaldtaka fyrir
móttöku fjár
ekki á dagskrá
hjá bönkum
Mikill kostnaður banka af móttöku fjár felst í talningu myntar og seðla.
● JÓN Ólafsson, sem sæti á í
stjórn Íslenskra aðalverktaka hf.,
keypti á föstudag 10.601.474
krónur að nafnverði hlutafjár í Ís-
lenskum aðalverktökum hf. á verð-
inu 2,27. Í tilkynningu til Verð-
bréfaþings Íslands kemur fram að
umrædd hlutabréf eru keypt í nafni
Jóns Ólafssonar og Co. sf. og er
eignarhlutur þess félags eftir
kaupin 20.227.665 krónur að
nafnverði. Eignarhlutur Jóns Ólafs-
sonar og fjárhagslega tengdra að-
ila, þ.e. félaga að hluta í eigu Jóns
Ólafssonar, nemur nú
159.227.665 krónum að nafn-
verði, eða 11,37%, eftir fram-
angreind kaup.
Eykur hlut
sinn í ÍAV
Í RÆÐUM Jakobs Bjarnasonar,
stjórnarformanns Vinnslustöðvar-
innar hf. í Vestmannaeyjum, og
Sigurgeirs Brynjars Kristgeirsson-
ar framkvæmdastjóra á aðalfundi
félagsins í Eyjum um helgina,
komu skýrt fram umskipti í rekstri
fyrirtækisins á aðeins tveimur og
hálfu ári. Vorið 1999 var gripið til
umfangsmikilla og sársaukafullra
aðgerða til að koma í veg fyrir að
rekstur Vinnslustöðvarinnar sigldi
í strand. M.a. var alls 70 starfs-
mönnum í Eyjum og í Þorlákshöfn
sagt upp störfum og starfsemi VSV
í Þorlákshöfn lögð af. Árangur
hagræðingaraðgerðanna er enn að
skila sér, auk þess sem ytri að-
stæður hafa verið hagstæðar, hátt
afurðaverð á erlendum mörkuðum
og gengissig krónunnar sem hækk-
aði afurðaverðið í krónum talið.
Starfsmenn VSV eru nú alls um
180.
Tekjurnar 2,8 milljarðar
fyrstu 9 mánuði ársins
Í máli Jakobs og Sigurgeirs
Brynjars á aðalfundinum kom m.a.
fram að rekstur VSV hefði skilað
framlegð upp á yfir einn milljarð
króna, sem er tíföldun framlegðar
á aðeins tveimur árum. Þetta á við
rekstrarárið 1. september 2000 til
31. ágúst 2001. Vinnslustöðin mun
hér eftir miða uppgjör við alman-
aksárið og í ljós kemur að fyrstu 9
mánuði ársins 2001 voru tekjur fé-
lagsins 2.828 milljónir króna en
gjöldin 1.820 milljónir króna.
Hagnaður fyrir afskriftir/framlegð
tímabilsins er m.ö.o. rúmlega einn
milljarður króna eða 35,7%.
Fjármagnskostnaðurinn setur
hins vegar strik í reikninginn.
Nettófjármagnskostnaður fyrstu
níu mánuði ársins var 732 milljónir
króna og tap á tímabilinu því um
65 milljónir króna þegar upp er
staðið. Gengistapið er reyndar
bæði til góðs og ills því án geng-
isfalls krónunnar á árinu hefði
framlegð rekstrarins ekki verið sú
sem reyndin er.
Vinnslustöðin tók á sínum tíma
þátt í að stofna nýtt fyrirtæki,
Frostfisk hf., sem keypti frystihús
VSV í Þorlákshöfn og hóf vinnslu á
fiski til útflutnings með flugi.
Frostfiskur veltir trúlega á þessu
ári um 1.200 milljónum króna, sem
er þrefalt meiri velta en af fyrrver-
andi starfsemi Vinnslustöðvarinnar
í Þorlákshöfn. Umsvif hafa því
aukist þar verulega og atvinnuör-
yggi starfsfólks í Þorlákshöfn er
líkast til meira nú en áður var.
Byggðastofnun gagnrýnd
Jakob Bjarnason gagnrýndi
Byggðastofnun og þingmenn Suð-
urlands fyrir afskiptaleysi af at-
vinnulífi í Vestmannaeyjum en 500
störf töpuðust í fiskvinnslu í Eyj-
um á síðasta áratug.
Hann gagnrýndi einnig að smá-
bátar hafi komist upp með að auka
stöðugt hlutdeild sína í heildarafla.
Þá ræddi hann brottkast og
sagði að stjórn og stjórnendur
Vinnslustöðvarinnar gerðu þá
kröfu til sjómanna sinna og allra
útgerða og sjómanna að gengið sé
um auðlind sjávarins með virðingu.
„Sjávarútvegurinn er að rétta úr
kútnum og þjóðin verður að reiða
sig á hann til að sigla upp úr efna-
hagslegum öldudal,“ sagði Jakob
Bjarnason.
Aðalfundur Vinnslustöðvarinnar í Vestmannaeyjum haldinn um helgina
Framlegðin
tífölduð á
tveimur árum
HAFNAR eru viðræður um samein-
ingu Þróunarfélags Íslands og Eign-
arhaldsfélagsins Alþýðubankans
(EFA). Á fundi
formanna og vara-
formanna félag-
anna í gær var
samþykkt að taka
upp slíkar viðræð-
ur og að stefna að
því að hraða þeim.
Andri Teitsson,
framkvæmdastjóri Þróunarfélags Ís-
lands, segir í samtali við Morgunblað-
ið að eigendahópar félaganna séu
keimlíkir og mörgum þyki rétt að
sameina félögin til að þau ráði betur
við verkefni sín t.d. á sviði sprotafjár-
mögnunar. Andri segir enga ákvörð-
un hafa verið tekna um sameiningu,
en að tiltölulega skammur tími muni
líða áður en niðurstaða fáist um hvort
af sameiningu verði eða ekki.
Ásmundur Stefánsson, fram-
kvæmdastjóri EFA, segir í samtali
við Morgunblaðið að ótímabært sé að
fjalla nánar um hugsanlega samein-
ingu en telur víst að reynt verði að
komast að niðurstöðu sem allra fyrst.
Hann segir að margir hluthafar EFA
og Þróunarfélagsins telji það geta
orðið til styrkingar félögunum að
sameinast, þannig að ekki verði unnið
að sömu hlutunum á tveimur víg-
stöðvum.
EFA og Þróunarfélag Íslands eru
fjárfestingarfélög og eiga þau bæði
hluti í innlendum og erlendum fé-
lögum, auk skuldabréfa. Fjárfesting-
ar í óskráðum verðbréfum eru stór
hluti af starfsemi beggja félaga.
Hlutabréf beggja félaga eru skráð á
Aðallista Verðbréfaþings Íslands og
er samanlagt markaðsverðmæti
þeirra áætlað um 4.800 milljónir.
Efnahagsreikningur EFA er heldur
stærri en Þróunarfélagsins og starfs-
menn fleiri. Stærstu hluthafar í félög-
unum eru lífeyrissjóðir og verkalýðs-
félög.
EFA hf. og
Þróunar-
félagið hf.
í sameining-
arviðræðum
♦ ♦ ♦