Morgunblaðið - 12.09.2002, Blaðsíða 10
FRÉTTIR
10 FIMMTUDAGUR 12. SEPTEMBER 2002 MORGUNBLAÐIÐ
FRÆÐSLUYFIRVÖLD í Hafnar-
firði óttast að til fjöldauppsagna
kennara í Áslandsskóla komi verði
ekki bætt úr því ástandi sem ríkir
þar í skólastarfi. Þrettán kennarar
og leiðbeinendur við skólann hafa
ritað bréf til skólastjórans þar sem
tíunduð eru tólf atriði sem þeir
telja brýnast að laga svo skólastarf
geti orðið með eðlilegum hætti.
Bréfið var til umfjöllunar á fundi
fræðsluráðs bæjarins í gærmorg-
un. Bréfritarar segja starfsum-
hverfi í Áslandsskóla ekki full-
nægjandi og að það uppfylli ekki að
öllu leyti grunnskólalög. Meðal
krafna þeirra er að fá vinnuramma
fyrir þá vinnu sem þeim er gert að
inna af hendi eins og þeir eiga rétt
á samkvæmt kjarasamningum
kennara. Þeir vilja að skólastjóri
skólans starfi sem yfirmaður
þeirra, beri faglega ábyrgð á skóla-
starfinu og sjái um að gera skóla-
námskrá skólans eins og kveður á
um í grunnskólalögum. Telja þeir
að þetta skilyrði sé ekki uppfyllt í
skólanum. „Verkaskipting á milli
skólastjóra og framkvæmdastjóra
og tengsl Íslensku menntasamtak-
anna eru ekki skýr og gerir það
okkur erfitt fyrir í starfi,“ segir í
bréfinu.
Þá telja kennararnir að vinnu-
álag við skólann sé of mikið og ekki
sé gert ráð fyrir nægjanlegum
undirbúningstíma. Vilja þeir að
sýnt verði fram á að hægt sé að
vinna það sem til er ætlast innan
dagvinnumarka. Sömuleiðis vilja
þeir að sýnt sé fram á skilvirk sér-
kennsluúrræði fyrir þá nemendur
sem þess þurfa, sambærilegt og í
öðrum grunnskólum Hafnarfjarð-
ar.
Kennararnir vilja einnig að farið
sé eftir samþykktum skólanefndar
Hafnarfjarðar varðandi fjölda
nemenda í bekkjum og að tafar-
laust verði stofnað kennararáð við
skólann eins og lög um grunnskóla
gera ráð fyrir. Er þess krafist að
hætt verði við aldursblöndun í
bekkjum skólans og að sett verði
niður föst stundaskrá fyrir nem-
endur sem ekki breytist yfir vet-
urinn. Fleira er tíundað og óska
kennararnir eftir úrbótum hið
fyrsta „þar sem ríkjandi óvissa í
skólastarfi torveldar kennurum og
leiðbeinendum að vinna starf sitt“.
Er óskað eftir því að svar við bréf-
inu berist þeim eigi síðar en í dag.
Kemur fram í fundargerðinni að
fræðslustjóri hafi í upphafi mán-
aðarins kallað eftir upplýsingum
varðandi fjölda atriða í rekstri
skólans en þær hafi ekki borist. Þá
hafi ekki borist skýrsla yfir skóla-
starfið á síðasta skólaári eins og
samningur bæjarins við Íslensku
menntasamtökin kveður á um að
skila skuli í lok hvers skólaárs.
Skólahald í heilu hverfi í
bænum gæti orðið í uppnámi
Að sögn Magnúsar Baldurssonar
fræðslustjóra eru fræðsluyfirvöld
áhyggjufull yfir framvindu mála í
skólanum. „Við höfum áhyggjur af
því þegar liggur í loftinu að fjöldi
kennara muni segja upp ef ekkert
verði að gert. Þá er skólahald í
heilu skólahverfi í Hafnarfirði í
uppnámi.“ Hann segir kennarana
hafa gefið slíkar uppsagnir mjög
sterkt í skyn.
Haldinn hafi verið fundur með
Skarphéðni Gunnarssyni, skóla-
stjóra Áslandsskóla, og Sunitu
Gandhi, framkvæmdastjóra sam-
takanna, eftir hádegi í gær. „Þar
var ég ásamt formanni fræðslu-
ráðs, bæjarstjóra og bæjarlög-
manni þar sem farið var yfir efni
þessa bréfs og leitað skýringa hjá
þeim.
Við lögðum þunga áherslu á að
þau myndu virða þessi tímamörk
sem kennararnir settu, svara þeim
skilmerkilega og koma fram með
lausnir sem myndu halda en ekki
bráðabirgðalausnir. Við óskuðum
síðan eftir að fá afrit af því bréfi.“
Aðspurður segir hann litlar skýr-
ingar hafa verið gefnar á ástand-
inu. „Þau fóru með þetta heim og
ætluðu að setjast yfir þetta og við
sjáum síðan á morgun hvernig svar
þeirra virkar á starfsfólkið.“ Búist
er við að kennararnir fundi með
skólastjórnendum eftir hádegi í
dag og segir Magnús að í framhaldi
af viðbrögðum kennaranna verði
tekin afstaða til þess hvort þörf sé
á frekari inngripum af hálfu
fræðsluyfirvalda.
Skólastjórnendur mættu ekki
til fundar með foreldraráði
Þá mætti Magnús í eftirmiðdag í
gær til fundar með foreldraráði
skólans. „Það hafði óskað eftir
fundi með skólastjórnendum og
fulltrúum kennara og bað um að
fulltrúi okkar yrði þar líka.
Við mættum þarna frá skóla-
skrifstofunni en stjórnendur skól-
ans mættu ekki til fundarins þann-
ig að við sátum bara með hinum og
fórum yfir málin.“ Hann segir for-
eldrana eðlilega áhyggjufulla enda
sé um hag barnanna að ræða.
Hann segir töluvert hafa verið um
umkvartanir frá foreldrum síðustu
daga þótt þær hafi ekki verið form-
legar.
Fræðsluyfirvöld í Hafnarfirði ræða við skólastjórnendur um Áslandsskóla
Óttast að komið geti
til fjöldauppsagna
EINAR Oddur
Kristjánsson,
þingmaður Sjálf-
stæðisflokksins á
Vestfjörðum, seg-
ir það lífsnauðsyn-
legt fyrir íbúa á
sunnanverðum
Vestfjörðum að
„komast í heilsárs
vegasamband“,
eins og hann
orðar það. Samkvæmt upplýsingum
frá Vegagerðinni er verið að endur-
nýja veg milli Vattarness og Múla í
Kollafirði um Klettsháls en stefnt er
að því að búið verði að leggja slitlag á
þann veg árið 2004.
Einar Oddur segir að einnig sé
nauðsynlegt að endurbyggja veginn
milli Múla í Kollafirði og Þorskafjarð-
ar. Hann segir að sá vegur sé nið-
urgrafinn slóði sem þoli ekki þunga-
flutninga. Það geri alla flutninga um
svæðið nær ómögulega.
„Ég hef margsinnis lýst óánægju
minni með það hversu lítið fjármagn
hefur fengist til þess að bæta vegi á
Vestfjörðum. Kostnaður við að koma
Barðaströnd og sunnanverðum Vest-
fjörðum í heilsárs vegasamband er
um tveir milljarða króna,“ segir Ein-
ar Oddur og bætir við: „Væri fjár-
magn tryggt til að endurbyggja veg-
inn [frá Múla í Kollafirði til
Þorskafjarðar] myndi undirbúningur,
hönnun og framkvæmdir við veginn
taka um það bil fimm ár.“
Samkvæmt upplýsingum frá Vega-
gerðinni hafa verið lagðar fram
nokkrar tillögur um hvar nýr vegur
eigi að liggja milli Múla í Kollafirði og
Þorskafjarðar en ekki hefur verið
tekin afstaða til þess hvaða leið verði
valin. Einar Oddur segir að Breiða-
fjarðarferjan Baldur anni alls ekki
þeim flutningum sem þurfi að vera
um svæðið. Hún komi því alls ekki í
staðinn fyrir góða vegi á Vestfjörðum.
Barn síns tíma
Einar Oddur leggur áherslu á að
Baldur sé barn síns tíma en ferjan var
tekin í notkun árið 1989. Hófust þá
siglingar milli Brjánslækjar og
Stykkishólms með viðkomu í Flatey.
„Þegar ferjan var tekin í notkun
gerðu menn sér enga grein fyrir því
hvernig flutningum yrði háttað á Ís-
landi í framtíðinni. Síðan hefur flutn-
ingsmátinn breyst. Strandsiglingar
hafa að mestu lagst af og menn miða
allt, s.s. verslunarrekstur, þjónustu
eða atvinnurekstur, við landflutn-
inga.“ Auk þess, segir Einar Oddur,
eru fiskmarkaðir um land allt. Flutn-
ingur á fiski milli landshluta sé því
miklu meiri en áður var. „Byggðarlög
eins og Vestur-Barðastrandarsýsla,
sem ekki eru með tryggar landsam-
göngur árið um kring, eru alls ekki
samkeppnisfær varðandi þessa versl-
un og þessi viðskipti,“ segir Einar
Oddur. „Og ég fullyrði að þessi þorp á
sunnanverðum Vestfjörðum líða gríð-
arlega fyrir þessi vandræði í sam-
göngum. Það er því lífsnauðsyn fyrir
þau að komast í heilsárs vegasam-
band.“
Einar Oddur segir það þó ekki sína
skoðun að leggja eigi Baldri. Hún hafi
heilmikla þýðingu fyrir Stykkishólm
og uppbyggingu ferðaþjónustunnar á
því svæði. „Ef það er stefna stjórn-
valda að flytja hingað inn milljón
ferðamenn á ári þá get ég ekki séð
hvað eigi að gera við þessa ferðamenn
annað en að sýna þeim Breiðafjörð.“
Einar Oddur Kristjánsson, þingmaður Vestfirðinga
Brýnt fyrir Vestfirði
að fá heilsársvegi
!"#
$% & '
Einar Oddur
Kristjánsson
TRÚARLEIÐTOGI og æðsti maður
mormónakirkjunnar, Gordon B.
Hinckley, kom hingað til lands í
gær til að hitta trúarsystkin sín á Ís-
landi auk þess sem hann átti fund
með forseta Íslands á Bessastöðum.
Þetta er í fyrsta sinn sem Hinckley
kemur til landsins en hann heldur
áfram för sinni í dag.
Hinckley, sem er 92 ára að aldri,
kom til landsins eftir átta daga
ferðalag þar sem hann heimsótti
meðal annars Rússland og Úkraínu
auk nokkurra landa í Vestur-
Evrópu. Eftir fund þeirra Ólafs
Ragnars Grímssonar, forseta Ís-
lands, í gær efndu þeir til blaða-
mannafundar á Bessastöðum þar
sem greint var frá viðræðum
þeirra. Ræddu þeir meðal annars
um íslensku arfleifðina í Utah en að
sögn Hinckleys komu fyrstu trúboð-
arnir frá Utah til Íslands í kringum
1850. Þeim fylgdi hópur Íslendinga
til Utah sem settist að í Spanish
Fork sunnan við Salt Lake City og
sagði hann afkomendur þessa fólks
vera ákaflega stolta af uppruna sín-
um. Kom fram að líklega er Halldór
Laxness eina nóbelsskáldið sem rit-
að hefur bók um ferðalag ein-
staklings frá sínu heimalandi til Ut-
ah sem farið var í nafni trúarinnar.
Þá ræddu þeir atburðina í Banda-
ríkjunum hinn 11. september í fyrra
og þau sjónarmið sem eru innan
mormónakirkjunnar um framtíð-
ina, um styrjaldarátök í kjölfar
hryðjuverkaárásina og nauðsyn
þess að stigið sé varlega til jarðar í
þeim efnum næstu árin þannig að
heiminum verði ekki stefnt í átök.
Morgunblaðið/Þorkell
Gordon B. Hinckley, trúarleiðtogi og æðsti maður Mormónakirkjunnar,
Kirkju Jesú Krists hinna síðari daga heilögu, kveður hér Ólaf Ragnar
Grímsson, forseta Íslands, utan við Bessastaði í gær.
Trúarleiðtogi
mormóna í heim-
sókn hér á landi
STÓRT skemmtiferðaskip, Carni-
val Legend, er væntanlegt hingað
til lands á morgun, föstudag. Skip-
ið er svo umfangsmikið að Eimskip
mun færa skip sín við Sundahöfn
til að gera því kleift að leggjast að
bryggju.
Carnival Legend er með 12 þil-
för og er 292 metrar að lengd og
85.920 brúttótonn að þyngd. Til
samanburðar má nefna að stærstu
skip Eimskips, Goðafoss og Detti-
foss, eru 165 metrar að lengd og
tæplega 15 þúsund brúttótonn.
Um borð í skipinu verða um það bil
2.000 farþegar og 1.000 manna
áhöfn en skipið er nú á annarri sigl-
ingu sinni um Evrópu. Héðan siglir
það til New York áður en það fer í
skemmtisiglingar í Miðjarðarhafi.
Skipið er í eigu bandaríska
skipafélagsins Carnival Cruise Li-
nes en alls hefur fyrirtækið 18
skemmtiferðaskip í ferðum í Kar-
íbahafi og meðfram ströndum Am-
eríku.
Stórt skemmtiferða-
skip væntanlegt
AÐEINS á Íslandi og í Finnlandi eru
framin færri bankarán en í Noregi, en
í Danmörku er fjöldinn himinhátt yfir
meðaltalinu á öðrum Norðurlöndum,
að því er fram kemur á fréttavef
norska ríkisútvarpsins NRK.
Þar segir að á Íslandi hafi raunar
ekki verið framið bankarán síðustu
sex árin. Í Danmörku er ástandið hins
vegar allt annað en þar voru 208
bankaútibú af 2.000 útibúum rænd í
fyrra, segir á vefnum, og veldur því að
landið er í flokki þeirra landa í Evr-
ópu þar sem bankarán eru algengust.
Bankarán voru aðeins 15 talsins í
Noregi á sama tíma og hafði fækkað
úr 25 frá árinu áður, en þessar upp-
lýsingar eru byggðar á upplýsingum
frá samtökum evrópskra banka, að
því er segir á vef NRK.
Ekki bankarán í sex ár