Morgunblaðið - 12.09.2002, Blaðsíða 16
SUÐURNES
16 FIMMTUDAGUR 12. SEPTEMBER 2002 MORGUNBLAÐIÐ
Endurmenntun ber ávöxt
ENDURMENNTUN HÁSKÓLA ÍSLANDS
Leiðsögunám
Hnitmiðað og skemmtilegt nám fyrir þá, sem vilja kynnast
Íslandi í máli og myndum. Námið er opið öllum þeim, sem
áhuga hafa á að læra hvernig standa skal að leiðsögn erlendra
ferðamanna á ferð um Ísland.
Stuðst er við námsskrá menntmálaráðuneytisins um
viðurkennt leiðsögunám.
Helstu námsgreinar:
Ferðalandafræði Íslands. Helstu viðkomustaðir ferðamanna
í máli og myndum.
Saga landsins, atvinnuvegir, stjórnmál, bókmenntir
og listir.
Mannleg samskipti og hópasálfræði.
Skipulagðar ferðir, afþreyingaferðir og margt fleira.
Leiðbeinendur eru þaulvanir leiðsögumenn og sérfræðingar á
hinum ýmsu sviðum.
Kennt er 3 kvöld í viku, en auk þess er farið í vettvangsferðir á
laugardögum.
Bíldshöfða 18, sími 567 1466
Opið til kl. 22:00
ÍÞRÓTTIR verða meðal umfjöllunar-
efna á aðalfundi Sambands sveitarfé-
laga á Suðurnesjum sem haldinn
verður í Festi í Grindavík næstkom-
andi föstudag og laugardag.
Fundurinn hefst upp úr hádegi á
morgun með venjulegum aðalfundar-
störfum. Páll Pétursson félagsmála-
ráðherra ávarpar fundarmenn og Vil-
hjálmur Þ. Vilhjálmsson, formaður
Sambands íslenskra sveitarfélagi,
skýrir frá tillögum að breyttum sam-
þykktum fyrir Sambandið og launa-
nefnd sveitarfélaga.
Á laugardagsmorguninn verður
rætt um sveitarfélögin og íþróttirnar
eftir framsöguerindi Ellerts B.
Schram og Stefáns Konráðssonar frá
ÍSÍ og Jóhanns B. Magnússonar for-
manns Íþróttabandalags Reykjanes-
bæjar. Einnig verður sagt frá nýjung-
um og breytingum á sorphirðu í
Reykjavík. Fundinum lýkur síðan
með afgreiðslu ályktana og tilnefn-
ingu og kosningu stjórnar og fulltrúa.
Íþróttir á
dagskrá
fundar SSS
Grindavík
UMFERÐARHRAÐI verður lækk-
aður í 30 kílómetra á klukkustund á
nokkrum götum í Keflavík og Njarð-
vík nái tillaga skipulags- og bygging-
arnefndar Reykjanesbæjar fram að
ganga.
Í Njarðvík er lagt til að hámarks-
hraði verði lækkaður á Vallarbraut
frá Hjallavegi að Krossmóa, á Fíf-
umóa, Lágmóa, Lyngmóa, Starmóa,
sem raunar er að hluta til vistgata
með 15 km hámarkshraða, og Kjarr-
móa.
Í Keflavík nær samþykktin til eft-
irtalinna gatna: Norðurvellir milli
Vesturgötu og Heiðarbergs, svo og á
Óðinsvöllum, Bragavöllum, Freyju-
völlum, Týsvöllum, Ránarvöllum,
Þórsvöllum, Sjafnarvöllum, Ægis-
völlum og Gígjuvöllum.
Leggja til
lækkun
hraðamarka
Reykjanesbær
SORPEYÐINGARSTÖÐ Suður-
nesja sf. hefur ráðið Aron Jóhanns-
son í starf umhverfisfulltrúa. Fyrsta
verkefni nýja starfsmannsins er að
hafa umsjón með breytingum á
sorpílátum sem nú standa yfir.
Aron hefur lokið námi í líffræði
frá Háskóla Íslands og meistara-
prófi frá Danska Tækniháskólanum
í umhverfisverkfræði. Hann hefur
að undanförnu starfað á Iðntækni-
stofnun sem verkefnisstjóri í um-
hverfisráðgjöf og þróunarverkefn-
um.
Fram kemur í fréttatilkynningu
frá Sorpeyðingarstöðinni að Aron
mun vinna að stefnumótun og þróun
í úrgangsmálum fyrir Suðurnesin og
mun jafnframt veita aðildarsveitar-
félögum, fyrirtækjum og íbúum ráð-
gjöf í þessum málaflokki.
Umhverfis-
fulltrúi sorp-
stöðvar
Suðurnes
ALLIR hundaeigendur vita
hversu nauðsynlegt það er að
geta komið hundinum sínum fyrir
á góðum stað á meðan þeir dvelja
í fríi á stað þar sem ekki er hent-
ugt eða leyfilegt að taka hundana
með. Þá er gott að geta skráð
hundinn á hundahótel og haldið
áhyggjulaus í fríið.
Sólveig Magnúsdóttir og Kjart-
an Ólafsson hafa rekið hunda-
hótel á Hafurbjarnarstöðum í
Sandgerðisbæ í tvö ár nú í sept-
emberbyrjun, en tóku við rekstr-
inum af öðrum aðilum. Hótelið er
opið allt árið en eins og gjarnan
er með hótel er aðsóknin meiri á
sumrin. „Við bættum við þremur
búrum í vor til að geta hýst fleiri
hunda og hér hefur verið full-
bókað í allt sumar. Mesta fjörið
var hér um verslunarmannahelg-
ina og þá þurftum við að bæta við
nokkrum lánsbúrum,“ sagði Sól-
veig í samtali við Morgunblaðið.
Þarf að para hundana
rétt saman
Að sögn Sólveigar er algeng-
asti dvalartíminn 7 til 10 dagar
en fyrir kemur að hundarnir
dvelji lengri tíma í einu. „Ég var
einu sinni með hund hjá mér í 8
mánuði og það var mjög erfitt að
kveðja hann þegar eigendurnir
komu að sækja hann. En hann
hefur komið oft til mín síðar. Það
er ekkert skrítið að maður teng-
ist hundunum, sumir eru að koma
aftur og aftur og eru orðnir eins
og góðir vinir.“
Sólveig segir að dagurinn byrji
um áttaleytið með því að öllum
hundunum er hleypt út í gerðin
utan við húsið. „Við stækkuðum
gerðin mikið eftir að við tókum
við og núna hafa hundarnir nóg
pláss til að hlaupa um og leika
sér. Það þarf að gæta þess vel að
para hundana rétt saman. Við
setjum t.d. ekki rakka saman og
ekki tíkur og sumir hundar þurfa
jafnvel að vera einir. Það sama á
við um búrin inni.“
Endurbætur á hótelinu
í fullum gangi
Hundar þurfa mikið öryggi og
eru vanafastir í eðli sínu og seg-
ist Sólveig vinna samkvæmt því.
„Hér er t.d. alltaf matartími á
sama tíma. Eftir hádegi fá hund-
arnir sér klukkutíma lúr áður en
þeir halda út að nýju og það er
alveg kostulegt að læðast hér inn
á þeim tíma. Allir hundarnir
steinsofa svo það mætti heyra
saumnál detta. Að loknum kvöld-
mat eru þeir verðlaunaðir fyrir
góða frammistöðu. Það snýst líka
um að vera alltaf til staðar, að
víkja ekki frá þeim nema stutta
stund í einu,“ sagði Sólveig.
Sólveig og Kjartan eru enn að
byggja hótelið upp, gera á því
nauðsynlegar endurbætur og
bæta við búrum. „Við ætlum að
mála hérna fljótlega og gera
þetta mjög huggulegt fyrir
hundana, auka við hitann og
fjölga jafnframt búrum. Við vilj-
um geta annað eftirspurn.“
Það eru ekki bara hundaeig-
endur á Suðurnesjum sem leita til
Sólveigar og Kjartans, heldur
koma margir af höfuðborgar-
svæðinu. Þetta á einkum við um
fólk sem er að fara til útlanda og
þá er stutt viðbótarferð að fara
með hundana að Hafurbjarn-
arstöðum. Þau bjóða líka við-
skiptavinum sínum að sækja og
koma með hundana á öllum tím-
um sólarhringsins, sem hentar
flugfarþegum sérlega vel því fólk
er að koma og fara á næstum öll-
um tímum sólarhringsins.
Hundahótelið á Hafurbjarnarstöðum hefur verið fullbókað í allt sumar
Morgunblaðið/Svanhildur Eiríksdóttir
Mesta fjörið um versl-
unarmannahelgina
Sandgerði
FÉLAG myndlistarmanna í Reykja-
nesbæ heldur í vetur námskeið fyrir
börn á aldrinum frá sex ára til átján.
Síðastliðin tvö sumur hefur félagið
boðið uppá myndlistarnámskeið fyr-
ir börn. Nú hyggst félagið gera enn
betur og bjóða öllum börnum og
unglingum, frá sex ára til átján, uppá
myndlistarnámskeið í vetur. Hug-
myndin er að koma til móts við þau
börn sem hafa áhuga á myndlist og
sköpun, en eru ekki eins áhugasöm
um íþróttaiðkun eða aðrar tóm-
stundagreinar, segir í fréttatilkynn-
ingu frá Félagi myndlistarmanna.
Námskeiðin verða fjögur fyrir
mismunandi aldurshópa og stendur
hvert í tólf vikur.
Kennt verður tvisvar í viku, í
klukkustund í senn. Námskeiðin
verða í húsnæði félagsins, Svarta
pakkhúsinu á Hafnargötu 2 í Kefla-
vík. Leiðbeinandi er Rúnar Jóhann-
esson, ungur listamaður sem hefur
stundað listnám síðastliðin þrjú ár á
Íslandi og Ítalíu.
Skráning stendur yfir en hún er
hjá Rúnari Jóhannessyni og Hjördísi
Árnadóttur, formanni félagsins.
Námskeið
fyrir börn og
unglinga
Reykjanesbær
♦ ♦ ♦
♦ ♦ ♦